Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

2015 Tinawen a Libro Dagiti Saksi ni Jehova

 DAGITI TAMPOK ITI NAPALABAS A TAWEN

Pannakaidedikar ti Sanga nga Opisina iti Sri Lanka

Pannakaidedikar ti Sanga nga Opisina iti Sri Lanka

DAGITI kakabsat iti Sri Lanka a nagbado iti tradisional a kawesda sibabara nga inabrasada ti 130 a delegado manipud iti 19 a pagilian a tumabuno iti pannakaidedikar ti sangay iti daytoy nagpintas nga isla. Kinanta ti maysa a grupo dagiti ubbing dagiti kanta ti Pagarian. Nagustuan ti amin ti makaay-ayo a pabuya, naimas a taraon, napintas a musika ken uray ti pannakikadua kadagiti kakabsat.

Naidedikar ken Jehova ti kaibangbangon ken ti natarimaan a pasilidad ti sangay idi Sabado, Enero 11, 2014. Dimngeg a naimbag ti 893 a timmabuno iti programa a naiparang iti tallo a lengguahe. Nakapapaut ti palakpak idi insaludsod ni Brother Mark Sanderson a kameng ti  Bagi a Manarawidwid, “Kayatyo kadi nga idedikar ken Jehova a Dios dagitoy kaibangbangon a pasilidad?”

Kabigatanna, naayatan ti 7,701 idi naipabuya ti replay ti programa iti Sabado ken ti makaparegta a palawag ni Brother Sanderson. Naipabuya dayta babaen ti Internet iti lima a dadakkel a lugar iti pagilian. Iti umuna a gundaway, mabalindan a makita ken mangngegan ti tunggal maysa bayat a kankantaenda dagiti kanta ti Pagarian uray nagduduma ti lugar nga ayanda. Sigurado a nakaragragsak daytoy nakallalagip nga okasion.—Neh. 12:43.