Mapan iti linaonna

Mapan iti listaan dagiti linaonna

Dagiti Saksi ni Jehova

Agpili iti lengguahe Iloko

 SIERRA LEONE KEN GUINEA

Maipapan iti Sierra Leone ken Guinea

Maipapan iti Sierra Leone ken Guinea

Daga Addaan dagitoy a pagilian kadagiti aluguog iti igid ti baybay, nalawa a kapatagan, mamulmulaan a tuktok ti bambantay, ken natatayag a bambantay. Ti Guinea ti paggapuan ti tallo a dadakkel a karayan iti West Africa—ti Gambia, Niger, ken Senegal.

Umili Ti Mende ken ti Temne ti kaaduan kadagiti 18 a katutubo a tribu iti Sierra Leone. Dagiti Krio a kaputotan dagiti nawayawayaan a tagabo nga Africano ti kaaduan nga agnanaed iti Freetown. Addaan ti Guinea iti nasurok a 30 nga etniko a grupo, a kaaduan ket Fulani, Mandingo, ken Susu. *

 Relihion Muslim ti agarup 60 a porsiento nga umili iti Sierra Leone; kaaduan iti 40 a porsiento ti mangibaga a Kristianoda. Dandani 90 a porsiento nga umili iti Guinea ket Muslim. Kaaduan kadagitoy dua a pagilian ti mangan-annurot met kadagiti nabayagen a relihion iti Africa.

Lengguahe Adda bukod a lengguahe ti kada etniko a grupo. Ti kangrunaan a lengguahe iti Sierra Leone ket Krio—naglalaok a pagsasao ti England, Europe, ken Africa. French ti opisial a lengguahe iti Guinea. Dandani 60 a porsiento nga umili kadagitoy dua a pagilian ti saan a makabasa ken makasurat.

Pagsapulan Agtaltalon ti kaaduan nga umili ngem para laeng iti pagbiagda. Panagminas iti diamante ti paggapgapuan ti gistay kagudua a mapastrek ti Sierra Leone iti panageksportna. Ti Guinea ti maysa kadagiti kaaduan iti deposito a bauxite iti lubong.

Taraon Nalatak ti pagsasao a “Kasla diak nangan no awan ti innapuy!” Ti fufu ket nalingta ken nalebbek a kahoy. Masansan a maipangan dayta iti karne, okra, ken naalsem a sawsawan.

Klima Nabara ken nadagaang iti igid ti baybay. Nalamlamiis iti bambantay. No kalgaw, adu nga aldaw nga agpuyupoy ti harmattan a makapakursing nga angin ti Sahara isu a lumamiis ken umatiperper ti tapok iti intero a rehion.

^ par. 4 Adu ti nagan ti dadduma a tribu.

 

SIERRA LEONE

GUINEA

PAGILIAN (kilometro kuadrado)

71,740

245,857

POPULASION

6,092,000

11,745,000

AGIBUMBUNANNAG IDI 2013

2,039

748

RATIO, 1 AGIBUMBUNANNAG ITI

2,988

15,702

TIMMABUNO ITI MEMORIAL IDI 2013

8,297

3,609