Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

2014 Tinawen a Libro Dagiti Saksi ni Jehova

 SIERRA LEONE KEN GUINEA

Determinado nga Agserbi ken Jehova

Philip Tengbeh

Determinado nga Agserbi ken Jehova
  • NAYANAK 1966

  • NABAUTISARAN 1997

  • ABABA A PAKASARITAANNA Maysa kadagiti nagbakuit a timmulong a nagibangon iti lima a Kingdom Hall.

IDI 1991, naglibaskami ken ni baketko a Satta idi rinaut dagiti rebelde a soldado ti ilimi a Koindu, Sierra Leone. Iti simmaruno a walo a tawen, nagnaedkami iti nagduduma a kampo dagiti nagbakuit. Ditoy nga inibturanmi ti nakirang a taraon, saksakit, ken immoral nga ar-aramid dagiti kaarrubami iti kampo.

Iti tunggal kampo, kiddawenmi kadagiti agtuturay a palubosandakami nga agibangon iti Kingdom Hall. Ngem saan a kanayon a mapatgan ti kiddawmi. Nupay kasta, kanayon nga adda yurnosmi a paggigimongan. Determinadokami nga agserbi ken Jehova. Idi agangay, uppat a Kingdom Hall ti naibangonmi kadagiti kampo.

Idi nagpatinggan ti gubat, saankami pay a makaawid. Nagbalin a langalang ti Koindu gapu iti adu a tawen a gubat. Isu a naibaonkami iti sabali manen a kampo dagiti nagbakuit iti asideg ti Bo. Ditoy nga imbangonmi ti maikalima a Kingdom Hall babaen iti pondo nga inted ti sanga nga opisina.