Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Zacarias 9:1-17

9  Maysa a pammakdaar:+ “Ti sao ni Jehova ket maibusor iti daga ti Hadrac, ket ti Damasco+ ti paginanaanna; ta ni Jehova sikikita iti naindagaan a tao+ ken kadagiti amin a tribu ti Israel.  Ket ti met laeng Hamat+ maibeddengto met kenkuana; ti Tiro+ ken Sidon,+ ta isu masirib unay.+  Ket ti Tiro nangibangon iti baluarte nga agpaay kenkuana, ken nangigabsuon iti pirak a kas iti tapok ken iti balitok a kas iti pitak dagiti kalsada.+  Adtoy! Isu ikkatanto ni Jehova iti sanikua, ket iti baybay sigurado a kabilennanto ti puersa militarna;+ ket iti apuy isu maalun-onto.+  Makitanto ti Ascalon ket agbuteng; ket no maipapan iti Gaza, makariknanto met kadagiti nakaro unay a rigat; kasta met ti Ekron,+ agsipud ta ti pangin-inanamaanna+ kasapulanto a mapasaranna ti pannakaibabain. Ket ti maysa nga ari sigurado a mapukawto manipud Gaza, ket ti met laeng Ascalon saanto a mapagnaedan.+  Ket ti bastardo+ nga anak pudno nga agtugawto idiay Asdod,+ ket sigurado a gessatekto ti panagpannakkel ti Filisteo.+  Ket ti bambanagna a namansaan iti dara ikkatekto iti ngiwatna ken ti makarimon a bambanagna iti baet dagiti ngipenna,+ ket isu met sigurado a mabatinto maipaay iti Diostayo; ket isu agbalinto a kas iti shik+ iti Juda,+ ken ti Ekron kas iti Jebuseo.+  Ket agpakarsoakto a kas iti maysa a kampo maipaay iti balayko,+ iti kasta awanto ti lumaslasat ken awan ti agsubsubli; ket awanton ti lumasat kadakuada a maysa a mamangulo iti akem,+ ta ita nakitakon dayta babaen kadagiti matak.+  “Agrag-oka unay, O anak a babai ti Sion.+ Agdir-ika a sibaballigi,+ O anak a babai ti Jerusalem. Adtoy! Ti met laeng arim+ umay kenka.+ Isu nalinteg, wen, naisalakan;+ napakumbaba,+ ken sisasakay iti asno, iti mismo a nataenganen nga animal nga anak ti asna.+ 10  Ket sigurado a gessatekto ti karuahe a pakigubat manipud Efraim ken ti kabalio manipud Jerusalem.+ Ket ti bai ti bakal+ magessatto. Ket isu pudno nga agsaonto iti kappia kadagiti nasion;+ ket ti panagturayna manipudto iti baybay agingga iti baybay ken manipud iti Karayan agingga kadagiti ungto ti daga.+ 11  “Kasta met, sika, O babai, babaen iti dara ti tulagmo+ paruarekto dagiti baludmo+ manipud iti abut nga awanan iti danum. 12  “Agsublikayo iti salindeg,+ dakayo a balud ti namnama.+ “Kasta met, ita nga aldaw ibagak kenka, ‘Mangisupapakakto kenka, O babai, iti mamindua a bingay.+ 13  Ta ti Juda ibaddekkonto a kas baik. Ti bai punnuekto iti Efraim, ket riingekto ti annakmo,+ O Sion, maibusor iti annakmo, O Grecia,+ ket pagbalinenkanto a kas iti kampilan ti nabileg a lalaki.’+ 14  Ket ni met laeng Jehova makitanto iti ngatuenda,+ ket ti panana sigurado a mapanto a kasla kimat.+ Ket iti tangguyob pumuyotto a mismo ti Soberano nga Apo Jehova,+ ket sigurado a mapanto buyogen dagiti allawig ti abagatan.+ 15  Ni met laeng Jehova ti buybuyot ikanawananto ida, ket pudno nga alun-onendanto+ ken parukmaenda dagiti bato ti pallatibong. Ket sigurado nga uminumdanto+—agariwawada—a kasla adda arak; ket pudno a mapnodanto a kas iti malukong, kas kadagiti suli ti altar.+ 16  “Ket ni Jehova a Diosda sigurado nga isalakannanto ida+ iti dayta nga aldaw kas iti arban ti ilina;+ ta kasladanto kadagiti bato ti maysa a balangat a sumilapsilap iti ngatuen ti dagana.+ 17  Ta O anian a nagdakkel ti kinaimbagna,+ ket anian a nagdakkel ti kinataerna!+ Bukbukel ti mangpabarusbosto kadagiti agtutubo a lallaki, ken ti baro nga arak kadagiti birhen.”+

Footnotes