Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Zacarias 8:1-23

8  Ket ti sao ni Jehova ti buybuyot nagtultuloy a dumteng, a kunkunana:  “Daytoy ti kinuna ni Jehova ti buybuyot,+ ‘Agimonakto maipaay iti Sion buyogen ti dakkel a panagimon,+ ket buyogen ti dakkel a pungtot+ agimonakto maipaay kenkuana.’”  “Daytoy ti kinuna ni Jehova, ‘Agsubliakto iti Sion+ ket agtaengak iti tengnga ti Jerusalem;+ ket ti Jerusalem sigurado a maawaganto iti siudad ti kinapudno,+ ken ti bantay ni Jehova+ ti buybuyot, ti nasantuan a bantay.’”+  “Daytoy ti kinuna ni Jehova ti buybuyot, ‘Addanto manen lallakay ken babbaket nga agtugaw kadagiti publiko a plasa ti Jerusalem,+ tunggal maysa met adda ti sarukodna+ iti imana gapu iti kinaruay ti aldawna.  Ket dagiti met laeng publiko a plasa ti siudad mapnonto iti ubbing a lallaki ken ubbing a babbai nga agay-ayam kadagiti publiko a plasana.’”+  “Daytoy ti kinuna ni Jehova ti buybuyot, ‘Nupay kasla nakarigrigat unay iti matmata dagidiay nabatbati iti daytoy nga ili kadagidiay nga aldaw, kasla nakarigrigat unay met aya kadagiti matak?’+ kuna ni Jehova ti buybuyot.”  “Daytoy ti kinuna ni Jehova ti buybuyot, ‘Adtoy isalakanko ti ilik manipud iti daga ti leleggakan ti init ken manipud iti daga ti lelennekan ti init.+  Ket sigurado nga iyegko ida, ket agtaengdanto iti tengnga ti Jerusalem;+ ket agbalindanto nga ilik,+ ket siak agbalinak a Diosda iti kinapudno ken iti kinalinteg.’”+  “Daytoy ti kinuna ni Jehova ti buybuyot, ‘Pumigsa koma dagiti imayo,+ dakayo a kadagitoy nga aldaw makangkangngeg kadagitoy a sasao manipud iti ngiwat dagiti mammadto,+ iti daydi aldaw a pannakaisaad ti pamuon ti balay ni Jehova ti buybuyot, tapno maibangon ti templo.+ 10  Ta sakbay dagidiay nga aldaw awan idi dagiti tangdan a maipaay iti tattao;+ ket no maipapan kadagiti tangdan ti naamo nga an-animal, awan ti kasta a banag; ket iti daydiay rumrummuar ken iti daydiay sumsumrek awan ti talna gapu iti kabusor,+ yantangay indurduronko ti intero a sangatauan maibusor iti maysa ken maysa.’+ 11  “‘Ket ita saanakto a kas kadagiti immun-una nga aldaw kadagidiay nabatbati iti daytoy nga ili,’+ kuna ni Jehova ti buybuyot. 12  ‘Ta addanto ti bin-i ti talna;+ ti met laeng ubas itdennanto ti bungana,+ ket ti met laeng daga itdennanto ti apitna,+ ket ti met laeng langlangit itdendanto ti linnaawda;+ ket dagidiay nabatbati+ iti daytoy nga ili sigurado a pagtawidekto kadagitoy amin a banag.+ 13  Ket mapasamakto a no kasano a nagbalinkayo a lunod iti tengnga dagiti nasion,+ O balay ti Juda ken balay ti Israel,+ kasta ti panangisalakankonto kadakayo, ket agbalinkayto a bendision.+ Dikay agbuteng.+ Pumigsa koma dagiti imayo.’+ 14  “Ta daytoy ti kinuna ni Jehova ti buybuyot, ‘“No kasano nga adda iti panunotko nga aramidek kadakayo ti makadidigra gapu iti panamagrurod kaniak dagidi ammayo,”+ kinuna ni Jehova ti buybuyot, “ket saanak a nagladingit,+ 15  kasta ti panangpanunotkonto manen kadagitoy nga aldaw a pakilangenak a sisasayaat ti Jerusalem ken ti balay ti Juda.+ Dikay agbuteng.”’+ 16  “‘Dagitoy ti bambanag a rebbeng nga aramidenyo:+ Agsaokayo a sipupudno iti maysa ken maysa.+ Buyogen ti kinapudno ken ti panangukom ti talna agukomkayo kadagiti ruanganyo.+ 17  Ket dikay gandaten iti puspusoyo ti didigra maibusor iti maysa ken maysa,+ ket dikay ayaten ti aniaman nga ulbod a sapata;+ ta bambanag amin dagitoy a ginurak,’+ kuna ni Jehova.” 18  Ket ti sao ni Jehova ti buybuyot nagtultuloy a dumteng kaniak, a kunkunana: 19  “Daytoy ti kinuna ni Jehova ti buybuyot, ‘Ti panagayunar iti maikapat+ a bulan, ken ti panagayunar iti maikalima+ a bulan, ken ti panagayunar iti maikapito+ a bulan, ken ti panagayunar iti maikasangapulo+ a bulan agbalindanto maipaay iti balay ti Juda a panagragsak ken panagrag-o ken naimbag a pampanawen ti piesta.+ Gapuna ayatenyo ti kinapudno ken talna.’+ 20  “Daytoy ti kinuna ni Jehova ti buybuyot, ‘Umayto pay dagiti ili ken dagiti agnanaed iti adu a siudad;+ 21  ket dagiti agnanaed iti maysa a siudad sigurado a mapandanto kadagidiay agnanaed iti sabali, a kunkunada: “Sipapasnek a mapantayo+ tapno paluknengentayo ti rupa+ ni Jehova ken tapno sapulentayo ni Jehova ti buybuyot. Siak mapanakto met.”+ 22  Ket ti adu nga ili ken nabileg a nasnasion pudno nga umaydanto sapulen ni Jehova ti buybuyot idiay Jerusalem+ ken paluknengenda ti rupa ni Jehova.’ 23  “Daytoy ti kinuna ni Jehova ti buybuyot, ‘Mapasamakto kadagidiay nga aldaw a sangapulo a lallaki manipud kadagiti amin a pagsasao ti nasnasion+ kumpetdanto,+ wen, pudno a kumpetdanto iti pandiling ti maysa a lalaki a Judio,+ a kunkunada: “Kumuyogkaminto kadakayo,+ ta nangngegmi a ti Dios adda kadakayo.”’”+

Footnotes