Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Zacarias 7:1-14

7  Kanayonanna pay, naaramid nga iti maikapat a tawen ni Dario+ nga ari dimteng ken Zacarias ti sao ni Jehova, iti maikapat nga aldaw ti maikasiam a bulan, awan sabali, iti Kislev.+  Ket ti Bethel imbaonna da Sarezer ken Regem-melec ken dagiti lallakina tapno paluknengenda+ ti rupa ni Jehova,  a kunaenda iti papadi+ ti balay ni Jehova ti buybuyot, ken kadagiti mammadto, a kunaenda a mismo: “Agsangitakto kadi iti maikalima+ a bulan, nga annurotek ti panangliklik, kas iti panangaramidko kadagitoy iti O anian a nagadu a tawen?”+  Ket ti sao ni Jehova ti buybuyot nagtultuloy a dumteng kaniak, a kunkunana:  “Sawem kadagiti amin nga umili ti daga ken iti papadi, ‘Idi nagayunarkayo+ ket adda panagdung-aw iti maikalima a bulan ken iti maikapito+ a bulan, ket kastoy iti pitopulo a tawen,+ pudno kadi a nagayunarkayo kaniak, mismo a kaniak?+  Ket no mangankayo ken no uminumkayo, saan kadi a dakayo ti mangmangan, ket saan kadi a dakayo ti umin-inum?  Saan kadi a rebbeng nga agtulnogkayo iti sasao+ nga impukkaw ni Jehova babaen kadagiti immun-una a mammadto,+ bayat a mapagnanaedan idi ti Jerusalem, ken adda iti nam-ay, agraman dagiti siudadna iti intero nga aglikmutna, ken bayat a mapagnanaedan idi ti Negeb+ ken ti Sefela?’”+  Ket ti sao ni Jehova nagtultuloy a dumteng ken Zacarias, a kunkunana:  “Daytoy ti kinuna ni Jehova ti buybuyot, ‘Buyogen ti pudno a kinahustisia mangukomkayo;+ ket aramidenyo iti maysa ken maysa ti naayat a kinamanangngaasi+ ken as-asi;+ 10  ket saanyo a sauren ti balo a babai+ wenno ti awan amana nga ubing,+ ti ganggannaet nga agnanaed+ wenno ti naparigatan,+ ket dikay manggandat iti dakes maibusor iti maysa ken maysa iti puspusoyo.’+ 11  Ngem nagtultuloyda a nagkedked a mangipangag,+ ket nangipapaayda iti nasungit nga abaga,+ ket dagiti lapayagda pinagbalinda a napalalo ti kaawan panagtignayna a dumngeg.+ 12  Ket ti pusoda+ insaadda kas maysa nga esmeril a bato tapno saan nga agtulnog iti linteg+ ken iti sasao nga impatulod ni Jehova ti buybuyot babaen iti espirituna,+ babaen kadagiti immun-una a mammadto;+ iti kasta dimteng ti dakkel a rurod iti biang ni Jehova ti buybuyot.”+ 13  “‘Ket iti kasta napasamak a, no kasano nga isu immawag ket saanda nga immimdeng,+ kasta met nga umawagdanto ket saanakto nga umimdeng,’+ kinuna ni Jehova ti buybuyot. 14  ‘Ket sidadawel unay nga impalladawko ida kadagiti amin a nasion+ a saanda a naammuan;+ ket ti met laeng daga napanawan a langalang iti likudanda, nga awan ti lumaslasat ken awan ti agsubsubli;+ ket ti makaay-ayo a daga+ pinagbalinda a maysa a banag a pagmalangaan.’”

Footnotes