Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Zacarias 6:1-15

6  Idin intangadko manen dagiti matak ket nakitak; ket, adtoy! adda uppat a karuahe a rumrummuar iti baet ti dua a bantay, ket dagiti bantay gambangda a bambantay.  Iti umuna a karuahe adda nalabaga a kabkabalio;+ ket iti maikadua a karuahe, nangisit a kabkabalio.+  Ket iti maikatlo a karuahe adda puraw a kabkabalio;+ ket iti maikapat a karuahe, kabkabalio a tudiktudikan, burik.+  Ket simmungbatak ket kinunak iti anghel a makisasao kaniak: “Ania dagitoy, apok?”+  Gapuna simmungbat ti anghel ket kinunana kaniak: “Dagitoy ti uppat nga espiritu+ ti langlangit isuda a rumrummuar+ kalpasan ti idadatagda iti sanguanan ti Apo+ ti intero a daga.+  No maipapan iti daydiay ayan ti nangisit a kabkabalio, mapanda iti daga ti amianan;+ ket no maipapan kadagidiay puraw, mapandanto iti likudan ti baybay; ket no maipapan kadagidiay tudiktudikan, mapandanto iti daga ti abagatan.+  Ket no maipapan kadagidiay burik,+ mapandanto ket itultuloyda a sapulen ti papananda, tapno agsursor iti daga.”+ Idin kinunana: “Inkayo, agsursorkayo iti daga.” Ket rinugianda ti nagsursor iti daga.  Ket isu imkis kaniak ket nagsao kaniak, a kunkunana: “Kitaem, dagidiay mapmapan iti daga ti amianan isuda dagidiay namaginana iti espiritu+ ni Jehova iti daga ti amianan.”+  Ket ti sao ni Jehova nagtultuloy a dumteng kaniak, a kunkunana: 10  “Adda koma panangala iti maysa a banag manipud kadagiti naidestiero nga umili,+ manipud a mismo ken Heldai ken manipud ken Tobia ken manipud ken Jedaias; ket sika masapul nga umayka iti dayta nga aldaw, ket sumrekka iti balay ni Josias nga anak ni Sofonias+ a maikuyog kadagitoy a naggapu idiay Babilonia. 11  Ket masapul a mangalaka iti pirak ken balitok ket mangaramidka iti naindaklan a korona+ ket isaadmo iti ulo ni Josue+ nga anak ni Jehozadac a nangato a padi. 12  Ket masapul a kunaem kenkuana,“‘Daytoy ti kinuna ni Jehova ti buybuyot: “Adtoy ti lalaki+ nga agnagan Tarubong.+ Ket manipud iti bukodna a lugar agtarubongto, ket sigurado a bangonennanto ti templo ni Jehova.+ 13  Ket bangonennanto ti templo ni Jehova, ket, iti biangna, awitennanto ti dayaw;+ ket isu agtugawto ken agturay iti tronona, ket agbalinto a maysa a padi iti tronona,+ ket ti mismo a pammatigmaan ti talna+ addanto iti nagbaetanda a dua. 14  Ket ti met laeng naindaklan a korona agbalinto a kukua da Helem ken Tobia ken Jedaias+ ken Hen nga anak ni Sofonias kas pakalaglagipan+ iti templo ni Jehova. 15  Ket umayto dagidiay adda iti adayo ket pudno nga agibangondanto iti templo ni Jehova.”+ Ket kasapulanto a maammuanyo a ni met laeng Jehova ti buybuyot imbaonnak kadakayo.+ Ket mapasamakto dayta—no di bumurong nga imdenganyonto ti timek ni Jehova a Diosyo.’”+

Footnotes