Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Zacarias 5:1-11

5  Idin intangadko manen dagiti matak ket nakitak; ket, adtoy! maysa a lukot nga agtaytayab.+  Gapuna kinunana kaniak: “Ania ti makitam?”+ Kinunak kalpasanna: “Makitak ti maysa a lukot nga agtaytayab, a ti kaatiddogna duapulo a kasiko, ket ti kaakabana sangapulo a kasiko.”  Kalpasanna kinunana kaniak: “Daytoy ti lunod nga agwarwaras iti rabaw ti intero a daga,+ agsipud ta tunggal maysa nga agtaktakaw,+ sigun iti dayta ditoy a bangir, nakalapsut iti pannakadusa; ket tunggal maysa a mangar-aramid iti sinapataan a kari,+ sigun iti dayta dita a bangir,+ nakalapsut iti pannakadusa.  ‘Pinagwarasko,’ kuna ni Jehova ti buybuyot, ‘ket masapul a sumrek iti balay ti mannanakaw ken iti balay daydiay siuulbod a mangar-aramid iti sinapataan a kari iti naganko;+ ket masapul nga agdagus iti tengnga ti balayna ket talipuposenna dayta ken dagiti kayona ken dagiti batona.’”+  Idin rimmuar ti anghel a makisasao kaniak ket kinunana kaniak: “Itangadmo dagita matam, pangngaasim, ket kitaem no ania daytoy nga agparparang.”  Gapuna kinunak: “Ania dayta?” Kinunana kalpasanna: “Daytoy ti efa a sukat nga agparparang.” Ket intultuloyna a kunaen: “Daytoy ti langada iti intero a daga.”  Ket, adtoy! naingato ti nagsirkulo a kalub a buli; ket daytoy ti maysa a babai a situtugaw iti tengnga ti efa.  Gapuna kinunana: “Daytoy ti Kinadangkes.” Ket isu impalladawna nga insubli iti tengnga ti efa,+ a kalpasan dayta impuruakna iti ngiwatna ti padagsen a buli.  Idin intangadko dagiti matak ket nakitak, ket adtoy adda dua a babbai a rumrummuar, ket ti angin adda kadagiti payakda. Ket addaanda kadagiti payak a kas kadagiti payak ti tikbaboy. Ket nagin-inut nga impangatoda ti efa iti nagbaetan ti daga ken ti langlangit. 10  Gapuna kinunak iti anghel a makisasao kaniak: “Sadino ti pangipananda iti efa?” 11  Kinunana kaniak kalpasanna: “Tapno isu ibangonanda+ iti balay idiay daga ti Sinar;+ ket masapul a maipasdek a sititibker, ket isu masapul a maisaad sadiay iti rabaw ti umiso a lugarna.”

Footnotes