Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Zacarias 12:1-14

12  Maysa a pammakdaar: “Ti sao ni Jehova maipapan iti Israel,” kuna ni Jehova, Daydiay mangyun-unnat iti langlangit+ ken mangisasaad iti pamuon ti daga+ ken mangbukbukel iti espiritu+ ti tao iti unegna.  “Adtoy pagbalinek ti Jerusalem+ a maysa a malukong a mamagibar-ibar kadagiti amin nga ili iti aglikmut;+ ken kasta met a maibusor iti Juda isu maaddanto iti pananglakub, maibusor a mismo iti Jerusalem.+  Ket mapasamakto iti dayta nga aldaw+ a pagbalinek ti Jerusalem a bato a makapadagsen+ kadagiti amin nga ili. Amin dagidiay mangbagkat iti dayta di bumurong a magarumiadandanto a mismo iti nakaro; ket maibusor kenkuana sigurado a maurnongto amin dagiti nasion ti daga.+  Iti dayta nga aldaw,”+ kuna ni Jehova, “ti tunggal kabalio+ kabilekto iti pannakariribuk ket ti nakasakay iti dayta kabilek iti kinamauyong;+ ket iti balay ti Juda luktakto dagiti matak,+ ket tunggal kabalio dagiti ili kabilekto iti pannakapukaw ti panagkita.  Ket dagiti shik+ ti Juda kasapulanto a kunaenda iti pusoda, ‘Dagiti agnanaed iti Jerusalem maysada a pigsa kaniak babaen ken Jehova ti buybuyot a Diosda.’+  Iti dayta nga aldaw pagbalinekto dagiti shik ti Juda a kasla banga nga addaan apuy iti tengnga ti kaykayo+ ken kas iti gumilgil-ayab nga aluten iti intar ti kagapgapas a binukel,+ ket iti makannawan ken iti makannigid alun-onendanto amin dagiti ili iti aglikmut;+ ket ti Jerusalem kaskasdi a mapagnaedanto iti bukodna a lugar, idiay Jerusalem.+  “Ket ni Jehova sigurado nga isalakannanto nga umuna dagiti tolda ti Juda, iti panggep a ti kinapintas ti balay ni David ken ti kinapintas dagiti agnanaed iti Jerusalem saan koma nga agbalin a mangringbaw unay iti Juda.  Iti dayta nga aldaw agbalinto ni Jehova a manangikanawa iti aglikmut dagiti agnanaed iti Jerusalem;+ ket daydiay maitibtibkol iti tengngada agbalinto a kas ken David+ iti dayta nga aldaw, ket ti balay ni David kas iti Dios,+ kas iti anghel ni Jehova iti sanguananda.+  Ket mapasamakto iti dayta nga aldaw nga ikagumaakto a talipuposen amin dagiti nasion nga umay a bumusor iti Jerusalem.+ 10  “Ket iparukpokkonto iti balay ni David ken kadagiti agnanaed iti Jerusalem ti espiritu ti parabur+ ken panagdawdawat,+ ket sigurado a kumitadanto iti Daydiay a dinuyokda a sinalput,+ ket sigurado nga agdung-awdanto gapu Kenkuana kas iti panagdung-aw gapu iti kakaisuna nga anak; ket addanto napait a panagun-unnoy gapu kenkuana a kas ti kaadda ti napait a panagun-unnoy gapu iti inauna nga anak.+ 11  Iti dayta nga aldaw dakkelto ti panagdung-aw idiay Jerusalem, kas iti panagdung-aw ti Hadadrimmon idiay ginget a tanap ti Megiddo.+ 12  Ket ti daga sigurado nga agdung-awto,+ tunggal pamilia a bukbukodna; ti pamilia ti balay ni David a bukbukodna, ken dagiti babbaida a bukbukodda;+ ti pamilia ti balay ni Natan+ a bukbukodna, ken dagiti babbaida a bukbukodda; 13  ti pamilia ti balay ni Levi+ a bukbukodna, ken dagiti babbaida a bukbukodda; ti pamilia dagiti Simeita+ a bukbukodna, ken dagiti babbaida a bukbukodda; 14  amin dagiti pamilia a nabatbati, tunggal pamilia a bukbukodna, ken dagiti babbaida a bukbukodda.+

Footnotes