Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Un-unnoy 5:1-22

5  Lagipem, O Jehova, no ania ti napasamak kadakami.+ Kumitaka ket imatangam ti pannakaumsimi.+   Ti bukodmi a pagtatawidan a sanikua nayawat kadagiti sangsangaili, dagiti balaymi kadagiti ganggannaet.+   Nagbalinkami nga ul-ulila laeng nga awanan ama.+ Ti innami kaslada kadagiti balo.+   Babaen iti kuarta inumenmi idi ti bukodmi a danum.+ Babaen ti maysa a gatad dumteng ti bukodmi a kayo.   Siaasideg iti tengngedmi a kinamatdakami.+ Napakilkami. Awan panaginana a nabatbati agpaay kadakami.+   Iti Egipto+ inyawatmi ti ima;+ iti Asiria,+ tapno mapnekkami iti tinapay.   Dagidi ammami ti nagbasol.+ Awandan. No maipapan kadakami, dagiti biddutda ti kasapulan nga awitenmi.+   Ad-adipen laeng ti nangituray kadakami.+ Awan ti mangalat-at kadakami iti imada.+   Inrisgomi ti kararuami nga iyeg ti tinapaymi,+ gapu iti kampilan ti let-ang. 10  Ti mismo a kudilmi pimmudot a kas iti urno, gapu kadagiti ut-ot ti bisin.+ 11  Ti assawa a babbai iti Sion impababada,+ dagiti birhen kadagiti siudad ti Juda. 12  Dagiti met laeng prinsipe naibitinda babaen laeng iti imada.+ Saan a napadayawan uray pay dagiti rupa ti lallakay.+ 13  Uray pay dagiti agtutubo a lallaki nangbagkatda iti mismo a paggilingan,+ ket iti baba ti kayo naitibkol dagiti ubbing pay.+ 14  Dagiti met laeng lallakay awandan uray pay iti ruangan,+ dagiti agtutubo a lallaki manipud iti matokar a musikada.+ 15  Ti panagrag-o ti pusomi nagsardeng. Ti panagsalami nabaliwan iti bin-ig a panagleddaang.+ 16  Natnag ti korona ti ulomi.+ Asikami pay, ita, agsipud ta nagbasolkami!+ 17  Maigapu iti daytoy nagsakit ti pusomi.+ Maigapu kadagitoy a banag kimmudrep dagiti matami,+ 18  Maigapu iti bantay ti Sion a langalang;+ dagiti met laeng sora nagnada iti dayta.+ 19  No maipapan kenka, O Jehova, agtugawkanto agingga iti tiempo a di nakedngan.+ Ti tronom ket agpaay iti kinapkaputotan.+ 20  Apay a lipatennakami iti agnanayon,+ a baybay-annakami iti kaatiddog ti al-aldaw?+ 21  Isublinakami kenka,+ O Jehova, ket sidadaankamto nga agsubli. Iyegannakami iti baro nga al-aldaw kas idi nabayagen a tiempo.+ 22  Nupay kasta, sipopositibo a linaksidnakami.+ Nagrurodka unay kadakami.+

Footnotes