Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Un-unnoy 4:1-22

א [ʼAʹlef] 4  O anian ti panagkudrep ti balitok a nasileng, ti nasayaat a balitok!+O anian ti pannakaibukbok dagiti nasantuan a bato+ iti pamunganayan dagiti amin a kalsada!+ ב [Beth]   No maipapan iti napapateg nga annak ti Sion,+ dagidiay naitimbang iti napasudi a balitok,O anian ti pannakaibilangda a kas dadakkel a karamba a damili, ti aramid dagiti ima ti agdamdamili!+ ג [Gimel]   Uray dagiti met laeng chacal imparangda ti pukal. Pinasusoda dagiti urbonda.Ti anak a babai ti ilik agbalin a naulpit,+ kas kadagiti abestrus iti let-ang.+ ד [Daʹleth]   Ti dila ti agsussuso dimket iti ngadasna gapu iti waw.+Dagiti met laeng ubbing dimmawatda iti tinapay.+ Awan ti mangipapaay iti dayta kadakuada.+ ה [Heʼ]   Dagidiay mismo a nangnangan iti makaay-ayo a bambanag napagmalmalangada kadagiti kalsada.+Dagidiay mismo a napadpadakkel iti eskarlata+ masapul nga umarakupda iti bumbunton ti dapo.+ ו [Waw]   Ti pannusa maipaay iti biddut ti anak a babai ti ilik agbalin met a dakdakkel ngem iti pannusa maipaay iti basol ti Sodoma,+A naduprak a kasla apagkanito, ken iti dayta awan im-ima a bimmaw-ing tapno sumaranay.+ ז [Zaʹyin]   Dagiti Nazareona+ nasinsin-awda ngem iti niebe;+ napudpudawda ngem iti gatas.Kinapudnona nalablabbasitda+ ngem kadagiti korales; ti silengda ket kas iti safiro.+ ח [Cheth]   Ti langada nagbalin a nalidlidem ngem iti mismo a kinangisit. Saan ida a nabigbig kadagiti kalsada.+Ti kudilda kimbet kadagiti tulangda.+ Nagbalin a namaga a kas iti kayo. ט [Teth]   Nasaysayaat pay dagidiay napapatay iti kampilan+ ngem dagidiay napapatay iti nakaro a bisin,+Agsipud ta mautoyan dagitoy, nasalput gapu iti kinakurang ti bunga ti nawayang a tay-ak. י [Yodh] 10  Ti mismo nga im-ima dagiti mannakipagrikna a babbai inlambongda dagiti bukodda nga annak.+Nagbalinda a kas tinapay a pangliwliwa iti maysa bayat ti pannakarba ti anak a babai ti ilik.+ כ [Kaf] 11  Intungpal ni Jehova ti pungtotna.+ Imbukbokna ti sumsumged nga ungetna.+Ket pinaggayebgebna ti apuy iti Sion, a mangibus kadagiti pamuonna.+ ל [Laʹmedh] 12  Saan a pinati ti ar-ari ti daga ken amin dagiti agnanaed iti nabunga a daga+A ti kalaban ken ti kabusor sumrek kadagiti ruangan ti Jerusalem.+ מ [Mem] 13  Gapu iti basbasol dagiti mammadtona, dagiti biddut ti papadina,+Adda iti tengngana dagidiay mangibuybuyat iti dara dagidiay nalinteg.+ נ [Nun] 14  Nagallaallada a kas bulsek+ kadagiti kalsada.+ Narugitanda iti dara,+Iti kasta awan makasagid kadagiti kawesda.+ ס [Saʹmekh] 15  “Aglisikayo! Narurugit!”+ impukkawda kadakuada. “Aglisikayo! Aglisikayo! Dikay sagiden!”+Ta naawananda iti pagtaengan.+ Nagallaallada met.+ Dagiti tattao kinunada kadagiti nasion: “Saandanto nga agtaeng manen kas ganggannaet.+ פ [Peʼ] 16  Ti rupa ni Jehova pinaglalasinlasinna ida.+ Saannanto a matmatan ida manen.+Dagiti tattao sigurado a saandanto a mangipakita iti konsiderasion uray pay iti papadi.+ Sigurado a saandanto a mangipakita iti pabor uray pay kadagiti lallakay.”+ ע [ʽAʹyin] 17  Bayat nga addakami pay, ubbaw a maut-utoyan dagiti matami iti tulong kadakami.+Bayat ti panagbirbirokmi kimmitakami iti maysa a nasion a saan a makaiyeg iti pannakaisalakan.+ צ [Tsa·dheʹ] 18  Inanupda dagiti addangmi+ iti kasta awan pannagna kadagiti publiko a plasami.Immasidegen ti pagnguduanmi. Dagiti aldawmi dimtengen iti pannakaan-anayda, ta dimtengen ti pagnguduanmi.+ ק [Qof] 19  Dagiti mangkamkamat kadakami nasigsiglatda ngem kadagiti agila iti langlangit.+Iti rabaw ti bambantay sibabara a kinamatdakami.+ Idiay let-ang pinadaanandakami.+ ר [Resh] 20  Ti mismo nga anges dagiti abut ti agongmi,+ daydiay pinulotan ni Jehova,+ natiliw iti dakkel nga abutda,+Daydiay a nagkunaanmi: “Iti linongna+ agbiagkamto iti tengnga dagiti nasion.”+ ש [Sin] 21  Agragsakka ken agrag-oka,+ O anak a babai ti Edom,+ sika nga agnanaed iti daga ti Uz.+Ti kopa lumasatto met kenka.+ Mabartekkanto ket ipakitam ti bagim a silalamolamo.+ ת [Taw] 22  Ti biddutmo, O anak a babai ti Sion, nagpatinggan.+ Saannakanto nga ipan manen iti pannakaidestiero.+Inturongna ti asikasona iti biddutmo, O anak a babai ti Edom. Impanayagna ti basbasolmo.+

Footnotes