Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Un-unnoy 3:1-66

א [ʼA′lef] 3  Siak ti nabaneg a lalaki a nakakita iti rigat+ gapu iti sarukod ti rungsotna.   Siak ti inturongna ken papagnaenna iti sipnget ket saan nga iti lawag.+   Kinapudnona, maibusor kaniak a maulit-ulit nga inturongna ti imana iti intero nga agmalem.+ ב [Beth]   Pinagrunotna ti lasagko ken kudilko.+ Binungtolna dagiti tulangko.+   Nagbangon a maibusor kaniak, tapno malakubnak+ iti makasabidong a mula+ ken pakarigatan.   Kadagiti nasipnget a lugar+ pinagtugawnak a kas kadagiti tattao a nabayagen a natay.+ ג [Gi′mel]   Binangenannak a kas babaen ti pader a bato, tapno saanak a makaruar.+ Pinadagsenna dagiti gambang a griliosko.+   Kasta met, no umasugak maipaay iti badang ken umkisak maipaay iti tulong, pudno a lapdanna ti kararagko.+   Binangenanna ti daldalanko iti tinikapan a bato.+ Tiniritirna dagiti danak.+ ד [Da′leth] 10  Isu maysa nga agpadpadaan nga oso ti kayariganna kaniak,+ kas maysa a leon kadagiti lugar a paglemmengan.+ 11  Ginulona ti daldalanko, ket pagkalaegennak. Pinagbalinnak a maysa a nabaybay-an.+ 12  Imbaddekna ti baina,+ ket isaadnak a kas puntiria ti pana.+ ה [Heʼ] 13  Impastrekna kadagiti bekkelko ti annak ti tagubanna.+ 14  Nagbalinak a pagkakatawaan+ dagiti amin nga umili a bumusor kaniak, ti tema ti kantada iti intero nga agmalem.+ 15  Inikkannak iti nawadwad a napait a bambanag.+ Pinenneknak iti ajenjo.+ ו [Waw] 16  Ket babaen iti graba tippinganna dagiti ngipenko.+ Pinagkeppesnak iti dapdapo.+ 17  Agiwaksika met iti kasta awan talna maipaay iti kararuak. Napukaw iti lagipko no ania ti naimbag.+ 18  Ket kunkunaek: “Ti kinatan-okko napukaw, ken ti inanamak manipud ken Jehova.”+ ז [Za′yin] 19  Lagipem ti pannakaparigatko ken ti kinaawan ti pagtaengak,+ ti ajenjo ken ti makasabidong a mula.+ 20  Di bumurong a lagipento ti kararuam ket agrukob maigapu kaniak.+ 21  Daytoy ti isublikto iti pusok.+ Dayta ti makagapu nga iparangarangkonto ti panagur-uray.+ ח [Cheth] 22  Dayta ket ar-aramid ti naayat a kinamanangngaasi+ ni Jehova a saantayo a nagpatingga,+ agsipud ta dagiti asina sigurado a saandanto nga agngudo.+ 23  Kabbaroda tunggal bigat.+ Naruay ti kinamatalekmo.+ 24  “Ni Jehova ti binglayko,”+ kinuna ti kararuak, “dayta ti makagapu nga iparangarangkonto ti panagur-uray kenkuana.”+ ט [Teth] 25  Naimbag ni Jehova iti daydiay mangin-inanama kenkuana,+ iti kararua a mangsapsapul kenkuana.+ 26  Naimbag a ti maysa aguray,+ uray siuulimek,+ iti panangisalakan ni Jehova.+ 27  Naimbag iti nabaneg a lalaki nga awitenna ti sangol bayat ti kinaagtutubona.+ י [Yodh] 28  Agtugaw koma nga agwaywayas ken agulimek,+ agsipud ta adda impabaklayna kenkuana.+ 29  Ikabilna koma ti ngiwatna iti mismo a tapok.+ Bareng adda namnama.+ 30  Isarangna koma ti pingpingna iti daydiay mismo a mangkabil kenkuana.+ Maadda koma kenkuana ti nawadwad a pannakaumsina.+ כ [Kaf] 31  Ta saanto nga agtultuloy a mangiwaksi ni Jehova agingga iti tiempo a di nakedngan.+ 32  Ta nupay namagladingit,+ sigurado a mangipakitanto met iti asi mayalubog iti kinaruay ti naayat a kinamanangngaasina.+ 33  Ta saan a manipud iti bukodna a puso a ti annak ti tattao pinarigatna wenno pagleddaangenna.+ ל [La′medh] 34  Iti panangrumek kadagiti amin a balud iti daga+ iti baba ti saksaka ti maysa,+ 35  Iti panangisiasi ti pannakaukom ti nabaneg a lalaki iti sanguanan ti Kangatuan,+ 36  Iti panamagbalin a killo iti maysa a tao iti legal a kasona, ni met laeng Jehova awan pananganamongna.+ מ [Mem] 37  Siasino, ita, ti nagkuna nga adda mapasamak idinto ta saan nga imbilin a mismo ni Jehova?+ 38  Manipud iti ngiwat ti Kangatuan saan a rummuar ti dakes a bambanag ken ti naimbag.+ 39  Kasano a ti sibibiag a tao pagay-ayatna ti agrekreklamo,+ ti nabaneg a lalaki maigapu iti basolna?+ נ [Nun] 40  Sukimatentay ti daldalantayo ken sukisoken ida,+ ket agsublitayo a mismo ken Jehova.+ 41  Itag-aytay ti pusotayo agraman dagiti dakulaptayo iti Dios iti langlangit:+ 42  “Dakami nagsalungasingkami, ket nagtignakami a sirerebelioso.+ Sika saanka a namakawan.+ ס [Sa′mekh] 43  Ti iyaasideg binangenam iti unget,+ ket kamkamatennakami.+ Nangpapatayka; saanka a nangipakita iti panangngaasi.+ 44  Ti iyaasideg kenka binangenam iti aripuno dagiti ulep,+ tapno ti kararag saan a makalasat.+ 45  Pagbalinennakami a gabsuon a rugit laeng ken basura iti tengnga dagiti ili.”+ פ [Peʼ] 46  Amin dagiti kabusormi nginangada ti ngiwatda maibusor kadakami.+ 47  Ti met laeng alinggaget ken lungog nagbalinda a kukuami,+ ti kinalangalang ken pannakarba.+ 48  Ti matak agar-arubos kadagiti baresbes ti danum maigapu iti pannakarba ti anak a babai ti ilik.+ ע [ʽA′yin] 49  Ti mismo a matak nagibuybuyat ket saanto nga agtalna, iti kasta awanan panagsardesardeng.+ 50  Agingga a ni Jehova tumannawag ket kumita manipud langit.+ 51  Ti bukodko a mata pinakilangenanna a siiinget ti kararuak,+ gapu iti amin nga annak a babbai ti siudadko.+ צ [Tsa·dhe′] 52  Dagiti kabusorko sipopositibo nga inanupdak a kas iti maysa a tumatayab,+ nga awan gapgapuna.+ 53  Pinagulimekda ti biagko iti mismo nga abut,+ ket nagipalpalladawda kaniak iti batbato. 54  Ti dandanum nagayusda iti rabaw ti ulok.+ Kinunak: “Sigurado a magessatak!”+ ק [Qof] 55  Inawagak ti naganmo, O Jehova, manipud iti kaadalman a kita ti abut.+ 56  Ti timekko denggem koma.+ Dika ilemmeng ti lapayagmo iti pakagin-awaak, iti panagpatulongko.+ 57  Immasidegka idi aldaw a panangaw-awagko kenka.+ Kinunam: “Dika agbuteng.”+ ר [Resh] 58  Tinamingmo, O Jehova, dagiti pannakisalisal ti kararuak.+ Sinakam ti biagko.+ 59  Nakitam, O Jehova, ti ranggas a naaramid kaniak.+ O tamingem koma ti panangukom maipaay kaniak.+ 60  Nakitam ti isuamin a pammalesda, amin a kapanunotanda a maibusor kaniak.+ ש [Sin] wenno [Shin] 61  Nangngegmo ti panangumsida, O Jehova, amin a kapanunotanda a maibusor kaniak,+ 62  Dagiti bibig dagidiay tumaktakder a bumusor kaniak+ ken ti panagar-arasaasda a maibusor kaniak iti intero nga agmalem.+ 63  Kitaem ti mismo a panagtugawda ken ti panagtakderda.+ Siak ti suheto ti kantada.+ ת [Taw] 64  Supapakamto ida iti pannakatrato, O Jehova, a maitunos iti aramid dagiti imada.+ 65  Itdemto kadakuada ti kinakuspag ti puso,+ ti lunodmo kadakuada.+ 66  Kumamatkanto a siuunget ket talipuposem ida+ manipud iti baba ti langlangit ni Jehova.+

Footnotes