Un-unnoy 2:1-22

א [ʼAʹlef] 2  O iti ungetna anian ti panangkullaap ni Jehova iti anak a babai ti Sion!+Ti kinalibnos ti Israel+ intapuakna manipud langit agingga iti daga.+Ket saanna a linagip ti pagbatayan ti sakana+ iti aldaw ti ungetna. ב [Beth]   Ni Jehova nangalimon, saan a nangipakita iti panangngaasi kadagiti aniaman a disso a pagyanan+ ni Jacob.Iti rungsotna rinebbana dagiti nasarikedkedan a lugar+ ti anak a babai ti Juda.Pinagdissona iti daga,+ tinabbaawanna ti pagarian+ ken dagiti prinsipena.+ ג [Giʹmel]   Iti bara ti unget pinutedna ti tunggal sara ti Israel.+Insanudna ti makannawan nga imana manipud iti sanguanan ti kabusor;+Ket iti Jacob isu sumsumged kas iti gumilgil-ayab nga apuy a nangalun-on iti intero nga aglikmut.+ ד [Daʹleth]   Imbaddekna ti baina a kas iti maysa a kabusor.+ Ti makannawan nga imana+ nagsaadKas iti maysa a kalaban,+ ket intultuloyna a pinatay amin dagidiay makaay-ayo kadagiti mata.+Iti tolda+ ti anak a babai ti Sion imbukbokna ti pungtotna, kas iti apuy.+ ה [Heʼ]   Ni Jehova nagbalin a kas maysa a kabusor.+ Inalun-onna ti Israel.+Inalun-onna amin dagiti pagnaedan a torrena;+ rinebbekna dagiti nasarikedkedan a lugarna.+Ket iti anak a babai ti Juda paaduenna ti panagleddaang ken panagun-unnoy.+ ו [Waw]   Ket tratuenna a sidadawel ti abong-abongna+ kas iti daydiay adda iti minuyongan.+ Dinadaelna ti piestana.Ni Jehova pinalipatanna idiay Sion ti piesta+ ken sabbath,Ket iti naunget a panangkondenarna saanna a raemen ti ari ken padi.+ ז [Zaʹyin]   Inwaksi ni Jehova ti altarna.+ Inlaksidna ti santuariona.+Iti ima ti kabusor insukona ti padpader dagiti pagnaedan a torrena.+Iti balay ni Jehova inyesngawda ti bukodda a timek, kas iti aldaw ti piesta.+ ח [Cheth]   Pinanunot ni Jehova a rebbeken ti pader+ ti anak a babai ti Sion.Inyunnatna ti pagrukod a parteng.+ Saanna nga insanud ti imana manipud panangalimon.+Ket pagleddaangenna ti baluarte ken pader.+ Agpadpadada a naglumen. ט [Teth]   Dagiti ruanganna+ nailumlomda iti mismo a daga. Dinadaelna ken tinukkotukkolna dagiti balunetna.Ti arina ken piprinsipena addada kadagiti nasion.+ Awan ti linteg.+Dagiti met bukodna a mammadto awan nasarakanda a sirmata manipud ken Jehova.+ י [Yodh] 10  Dagiti lallakay ti anak a babai ti Sion agtugawda iti daga, a sadiay agulimekda.+Nangikabilda iti tapok iti rabaw ti uloda.+ Nagbarikesda iti tinakpil.+Dagiti birhen ti Jerusalem intamedda ti uloda agingga iti mismo a daga.+ כ [Kaf] 11  Dagiti matak naggibusda iti bin-ig a lulua.+ Dagiti bagisko agkikibur.+Ti dalemko naiparukpok iti mismo a daga,+ maigapu iti pannakarpuog ti anak a babai ti ilik,+Gapu iti pannakatalimudaw ti ubing ken ti agsussuso kadagiti publiko a plasa ti ili.+ ל [Laʹmedh] 12  Kinunkunada kadagiti innada: “Sadino ti ayan ti bukbukel ken arak?”+Gapu iti pannakatalimudawda a kas iti maysa a napapatay kadagiti publiko a plasa ti siudad,Gapu iti pannakaiparukpok ti kararuada iti saklot dagiti innada. מ [Mem] 13  Iti ania ti pangusarakto kenka kas maysa a saksi? Ania ti pangyaspingakto kenka, O anak a babai ti Jerusalem?+Ania ti ipadakto kenka, tapno mabalinka a liwliwaen, O birhen nga anak a babai ti Sion?+Ta ti pannakarbam+ kas kadakkel ti baybay. Siasino ti makapaimbag kenka?+ נ [Nun] 14  Dagiti bukodmo a mammadto insirmataandaka kadagiti awanan pateg ken di makapnek a bambanag,+Ket saanda a linukasan ti biddutmo tapno ibaw-ingda ti pannakakautibom,+No di ket intultuloydaka nga insirmataan kadagiti awanan pateg ken makayaw-awan a pammakdaar.+ ס [Saʹmekh] 15  Amin dagidiay lumablabas iti dalan nagtipatda kenka.+Sinagawisiwanda+ ken inngilngilangilda ti uloda+ iti anak a babai ti Jerusalem, a kunkunada:“Daytoy aya ti siudad a nangikunkunaanda, ‘Dayta ti kinanaan-anay ti kinalibnos, maysa a panagrag-o maipaay iti intero a daga’?”+ פ [Peʼ] 16  Amin dagiti kabusormo inngangada kenka ti ngiwatda.+Nagsagawisiwda ken inngarngaretngetda dagiti ngipen.+ Kinunada: “Isu alun-onenminto.+Pudno a daytoy ti aldaw a ninamnamami.+ Nasarakanmi! Nakitami!”+ ע [ʽAʹyin] 17  Inaramid ni Jehova ti adda idi iti panunotna.+ Imbanagna ti saona,+Ti imbilinna manipud idi al-aldaw ti nabayagen a tiempo.+ Isu nangrebba ket saan a nangngaasi.+Ket gapu kenka pinagrag-ona ti kabusor.+ Impangatona ti sara dagiti kalabanmo.+ צ [Tsa·dheʹ] 18  Ti pusoda imkis ken Jehova,+ O pader ti anak a babai ti Sion.+Pagayusem ti lulua a kas iti naapres a danum iti aldaw ken rabii.+Dika bibinegen ta bagim. Saan koma nga agulimek ti alintatao ta matam. ק [Qof] 19  Tumakderka! Aganeng-engka bayat ti rabii iti pangrugian dagiti panagbantay iti bigat.+Iparukpokmo ta pusom+ iti sanguanan+ ni Jehova kas iti danum.Itag-aymo kenkuana dagiti dakulapmo+ maigapu iti kararua ti annakmo,Isuda a mataltalimudaw gapu iti nakaro a bisin iti pamunganayan dagiti amin a kalsada.+ ר [Resh] 20  Imatangam, O Jehova, ket kumitaka+ iti daydiay pinakilangenam a siiinget iti kastoy a pamay-an.Rebbeng kadi nga itultuloy a kanen dagiti babbai ti bukodda a bunga, ti annak a nayanak a naan-anay ti pannakabukelda,+Wenno iti santuario ni Jehova rebbeng aya a mapapatay ti padi ken mammadto?+ ש [Shin] 21  Ti ubing ken lakay+ napaiddada iti daga dagiti kalsada.+Dagiti birhenko ken dagiti agtutubok a lallaki napasagda a mismo babaen iti kampilan.+Namapatayka iti aldaw ti ungetmo.+ Nanggudaska;+ awananka iti panangngaasi.+ ת [Taw] 22  Kas iti aldaw ti piesta+ inayabam dagiti lugar a pagnaedak kas ganggannaet iti intero nga aglikmut.Ket iti aldaw ti pungtot ni Jehova awan ti nakatalaw wenno nakalasat;+Dagidiay nga impasngayko a naan-anay ti pannakabukelda ken pinadakkelko, tinalipupos ida ti mismo a kabusorko.+

Footnotes