Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Un-unnoy 1:1-22

א [ʼA′lef] 1  O anian ti panagtugawna nga agwaywayas,+ ti siudad a naruayan idi kadagiti umili!+ Anian ti panagbalinna a kas balo a babai,+ daydi nga aduan umili iti tengnga dagiti nasion!+ Daydi a prinsesa kadagiti masaksakupan a distrito anian ti pannakaipaayna iti pinuersa a panagtrabaho!+ ב [Beth]   Napalalo ti panagsangitna bayat ti rabii,+ ket dagiti luana adda kadagiti pingpingna.+ Awan ti mangliwliwa kenkuana manipud kadagiti amin a kaayan-ayatna.+ Amin dagiti mismo a kakaduana nakilangenda a sigugulib kenkuana.+ Nagbalinda a kabkabusorna.+ ג [Gi′mel]   Ti Juda naidestiero gapu iti pannakaparigat+ ken gapu iti kinaruay ti pannakaadipen.+ Isu kasapulan idi nga agnaed iti tengnga dagiti nasion.+ Awan nasarakanna a lugar a paginanaan. Amin dagidiay nangidaddadanes kenkuana isu nakamakamda iti tengnga dagiti nariribuk a kasasaad.+ ד [Da′leth]   Ti daldalan ti Sion agledleddaang, agsipud ta awan umay iti piesta.+ Amin a ruanganna napaglangalang;+ agsensennaay ti papadina.+ Agladladingit dagiti birhenna, ket isu addaan kinapait.+ ה [He’]   Dagiti kalabanna nagbalinda nga ulo.+ Dagidiay a kabkabusorna saanda a maseknan.+ Agsipud ta ni met laeng Jehova nangyeg iti ladingit kenkuana maigapu iti kinaruay dagiti salungasingna,+ Dagiti bukodna nga annak nagnada a kautibo iti sanguanan ti kalaban.+ ו [Waw]   Ket manipud iti anak a babai ti Sion pumanaw ti isuamin a kinangayedna.+ Dagiti prinsipena nagbalinda a kasla kadagiti kalakian nga ugsa nga awan nasarakanda a pagaraban;+ Ket magmagnada nga awanan bileg iti sanguanan ti manangkamat.+ ז [Za′yin]   Nalagip ti Jerusalem iti al-aldaw ti pannakaparigatna ken ti awanan pagtaengan a tattaona Ti amin a matarigagayan a bambanagna nga addan manipud idi al-aldaw ti nabayagen a tiempo.+ Idi natnag dagiti umilina iti ima ti kalaban ket awan katulonganna,+ Isu nakita dagiti kalaban. Kinatawaanda ti pannakarpuogna.+ ח [Cheth]   Ti Jerusalem nakaaramid iti nalawag a basol.+ Dayta ti makagapu nga isu nagbalin a makaparurod laeng a banag.+ Amin a nangpadpadayaw kenkuana isu trinatoda kas maysa a banag a nakababbaba,+ ta nakitada ti kinalamolamona.+ Isu agsensennaay met+ ket tumallikud. ט [Teth]   Ti kinarugitna adda kadagiti pandilingna.+ Saanna a nalagip ti masanguanan nga agpaay kenkuana,+ Ket isu naipababa iti nakaskasdaaw a pamay-an. Awanan iti manangliwliwa.+ O Jehova, kitaem ti pannakaparigatko,+ ta ti kabusor nagpasaw.+ י [Yodh] 10  Ti kalaban inyunnatna ti bukodna nga ima maibusor iti amin a matarigagayan a bambanagna.+ Ta nakakita iti nasnasion a simrek iti santuariona,+ Isuda a binilinmo a saanda koma a sumrek iti kongregasion a kukuam. כ [Kaf] 11  Amin dagiti umilina agsensennaayda; agsapsapulda iti tinapay.+ Ti matarigagayan a bambanagda insukatda iti makan, tapno mapabang-aran ti kararua.+ Imatangam, O Jehova, ket kumitaka, ta nagbalinak a kas iti awanan pateg a babai.+ ל [La′medh] 12  Awan kadi ti aniamanna kadakayo amin a lumablabas iti dalan? Kumitakayo ket imatanganyo.+ Adda kadi aniaman nga ut-ot a kas iti ut-otko a nakaro ti pannakaipaayna kaniak,+ A babaen iti dayta namataud ni Jehova iti ladingit iti aldaw ti sumsumged nga ungetna?+ מ [Mem] 13  Manipud iti kangatuan nangibaon iti apuy iti uneg dagiti tulangko,+ ket parukmaenna ti tunggal maysa. Nangiwayat iti iket kadagiti sakak.+ Pinagsanudnak. Pinagbalinnak a maysa a babai a nabaybay-an. Iti intero nga aldaw masakitak.+ נ [Nun] 14  Isu nagtalinaed a siaalibtak a maibusor kadagiti salungasingko.+ Iti imana agpipinnulipolda. Dimmanonda iti tengngedko.+ Ti bilegko nagtibkol. Ni Jehova inyawatnak iti ima dagidiay a maibusor kadakuada saanko a kabaelan ti tumakder.+ ס [Sa′mekh] 15  Amin dagidiay mannakabalin a tattaok inwalin ni Jehova manipud iti tengngak.+ Nangayab maibusor kaniak iti maysa a gimong, tapno rumekrumekenna dagiti agtutubok a lallaki.+ Imbaddebaddek ni Jehova ti mismo a pagpespesan iti ubas+ a kukua ti birhen nga anak a babai ti Juda.+ ע [ʽA′yin] 16  Gapu kadagitoy a banag agsangsangitak kas maysa a babai.+ Ti matak, ti matak agar-arubos iti dandanum.+ Ta nayadayo kaniak ti maysa a manangliwliwa, maysa a mangpabang-ar iti kararuak. Ti annakko nagbalinda a dagidiay nabaybay-an,+ ta ti kabusor nagpasaw.+ פ [Peʼ] 17  Ti Sion inyunnatna dagiti imana.+ Awanan iti manangliwliwa.+ Ni Jehova nangted iti bilin maipapan ken Jacob kadagiti amin nga adda iti aglikmutna kas kabkabusorna.+ Ti Jerusalem nagbalin a makaparurod a banag iti tengngada.+ צ [Tsa·dhe′] 18  Ni Jehova nalinteg,+ ta maibusor iti ngiwatna a nagrebeldeak.+ Umimdengkayo, ita, dakayo amin nga ili, ket kitaenyo ti rigatko. Dagiti mismo a birhenko ken dagiti mismo nga agtutubok a lallaki napanda iti pannakakautibo.+ ק [Qof] 19  Immawagak kadagidiay nasged a mangay-ayat kaniak.+ Isuda inallilawdak. Iti siudad nauyos ti biag ti mismo a papadik ken ti mismo a lallakayko,+ Bayat a kasapulan nga agbirokda iti makan maipaay iti bagbagida tapno mapabang-aranda ti kararuada.+ ר [Resh] 20  Kitaem, O Jehova, ta agpaspasarak kadagiti nakaro a pakarigatan. Dagiti mismo a bagisko agkikibur.+ Ti pusok nabaliktad iti unegko,+ ta naan-anay a rebeliosoak.+ Iti ruar, ti kampilan nangpaulila iti annak.+ Iti uneg ti balay kapadpada dayta ni patay.+ ש [Shin] 21  Nangngeg dagiti tattao no kasano a siak agsensennaayak kas maysa a babai.+ Awan manangliwliwa maipaay kaniak.+ Amin dagiti mismo a kabusorko nangngegda ti maipapan iti didigrak.+ Nagrag-oda, agsipud ta sika inaramidmo dayta.+ Sigurado nga ipagtengmonto ti aldaw nga inwaragawagmo,+ tapno agbalinda koma a kas kaniak.+ ת [Taw] 22  Dagiti amin a kinadakesda dumteng koma iti sanguanam, ket pakilangenam ida a siiinget,+ Kas iti pannakilangenmo a siiinget kaniak maigapu kadagiti amin a salungasingko.+ Ta adu dagiti sennaayko,+ ket ti pusok masakit.+

Footnotes