Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Uk-ukom 5:1-31

5  Ket iti dayta nga aldaw rinugian ni Debora+ agraman ni Barak+ nga anak ni Abinoam+ ti agkanta,+ a kunkunada:   “Gapu ti panangiwakray iti buok iti Israel maipaay iti gubat, Gapu iti panagboluntario dagiti umili,+ Bendituenyo ni Jehova.+   Agimdengkayo, dakayo nga ar-ari;+ umimdengkayo, dakayo a nangangato nga opisial: Siak, wen, siak, kantaakto ni Jehova. Mangipaayakto iti samiweng+ ken Jehova, Dios ti Israel.+   Jehova, iti iruruarmo manipud Seir,+ Iti panagmartsam manipud tay-ak ti Edom,+ Ti daga nagyugayog,+ ti met langlangit nagtedted,+ Dagiti met ulep nangitedted iti danum.   Ti bambantay nagayus manipud sanguanan ni Jehova,+ Daytoy a Sinai+ manipud sanguanan ni Jehova,+ Dios ti Israel.+   Iti kaaldawan ni Samgar+ nga anak ni Anat, Iti kaaldawan ni Jael,+ dagiti dasdas awanan kadagiti aglaslasat, Ket dagiti agdaldaliasat ti daldalan agdaliasatda kadagiti aglikmulikmut a dasdas.+   Dagiti agnanaed iti nawayang nga away nagpukawda, iti Israel nagpukawda,+ Agingga a siak, ni Debora,+ timmakderak, Agingga a timmakderak a kas maysa nga ina iti Israel.+   Nangpilida iti baro a didios.+ Iti daydin nga adda gubat kadagiti ruangan.+ Saan a makita ti maysa a kalasag, wenno uray ti maysa a gayang, Iti uppat a pulo a ribu iti Israel.+   Ti pusok agpaay kadagiti komandante ti Israel,+ Isuda a boluntario kadagiti umili.+ Bendituenyo ni Jehova.+ 10  Dakayo nga agsaksakay kadagiti dumuyaw a nalabaga nga asna,+ Dakayo nga agtugaw kadagiti nabaknang nga alpombra, Ken dakayo a magna iti dalan, Utobenyo!+ 11  Dadduma kadagiti timek dagiti agiwarwaras iti danum kadagiti lugar a pagsakduan iti danum,+ Sadiay rinugianda nga ibinsabinsa ti nalinteg nga ar-aramid ni Jehova,+ Ti nalinteg nga ar-aramid dagiti pagnanaedenna iti nawayang nga away iti Israel. Iti daydin a simmalog ti ili ni Jehova agingga kadagiti ruangan. 12  Agriingka, agriingka, O Debora;+ Agriingka, agriingka, mangyebkaska iti kanta!+ Tumakderka, Barak,+ ket ipanawmo dagiti kautibom, sika nga anak ni Abinoam!+ 13  Iti daydin a simmalog dagiti nakalasat agingga kadagidiay nadaeg; Ti ili ni Jehova simmalog agingga kaniak maibusor kadagidiay mannakabalin. 14  Manipud Efraim ti namunganayanda iti nababa a tanap,+ Kaduam, O Benjamin, iti tengnga dagiti ilim. Manipud Maquir+ simmalog dagiti komandante, Ket manipud Zabulon dagidiay agig-iggem iti alikamen ti maysa nga eskriba.+ 15  Ket dagiti prinsipe iti Isacar+ addada idi ken Debora, Ket kas iti Isacar, kasta ni Barak.+ Isu naibaon a nagnagna iti nababa a tanap.+ Kadagiti benneg ti Ruben naindaklan dagiti panangsukimat ti puso.+ 16  Apay a nagtugawka iti baet ti dua a kados, Tapno umimdengka kadagiti panagpito nga agpaay kadagiti arban?+ Maipaay kadagiti benneg ti Ruben adda idi dagiti naindaklan a panangsukimat ti puso.+ 17  Ti Galaad nagtalinaed iti pagtaenganna iti ballasiw ti Jordan;+ Ket ti Dan, apay a nagtultuloy nga agnaed iti dayta a tiempo kadagiti barko?+ Ti Aser nagtugaw nga awan ar-aramidenna iti aplaya, Ket iti sibay dagiti lugar a pagsangladanna nagtultuloy a nagtaeng.+ 18  Ti Zabulon maysa nga ili a nanglais kadagiti kararuada agingga iti ipapatay;+ Ti Neftali+ met, kadagiti kangatuan ti tay-ak.+ 19  Immay ti ar-ari, nakirupakda; Iti daydin a nakirupak ti ar-ari ti Canaan+ Idiay Taanac+ iti sibay ti dandanum ti Megiddo.+ Awan innalada a gunggona a pirak.+ 20  Manipud langit nakirupak dagiti bituen,+ Manipud kadagiti pagrikusanda nakirupakda ken Sisera. 21  Inyanud ida ti napegges nga ayus ti Kison,+ Ti napegges nga ayus ti kadaanan nga al-aldaw, ti napegges nga ayus ti Kison.+ Nangibaddebaddekka iti pigsa,+ O kararuak. 22  Iti daydin a nagkarukay dagiti kuko ti kabkabalio+ Gapu kadagiti panagdaruros kadagiti panagdaruros dagiti kabaliona a bulog. 23  ‘Ilunodyo+ ti Meroz,’ kinuna ti anghel ni Jehova,+ ‘Ilunodyo a di agressat dagiti agnanaed kenkuana, Ta saanda nga immay tapno tumulong ken Jehova, Tapno tumulong ken Jehova agraman kadagidiay mannakabalin.’ 24  Ni Jael+ nga asawa ni Heber a Keneo+ isunto ti kabebendituan kadagiti babbai, Kadagiti babbai iti tolda isunto ti kabebendituan.+ 25  Nagkiddaw iti danum, gatas ti intedna; Nangidiaya iti napagbalay a gatas iti dakkel a malukong ti bangkete dagidiay nadaeg.+ 26  Kalpasanna inyunnatna ti imana iti pasok ti tolda, Ken ti makannawan nga imana iti maso dagiti napinget a trabahador.+ Ket minartiliona ni Sisera, linussokna ti ulona,+ Ket binurakna ken sinalputna dagiti pispisna. 27  Isu nakul-ob iti baet dagiti sakana, napasag, isu nagidda; Isu nakul-ob iti baet dagiti sakana, napasag; Iti nakakul-obanna, sadiay napasag a naparmek.+ 28  Manipud tawa isu tinan-awan ken pinadpadaanan ti maysa a babai, Ti ina ni Sisera manipud barandilias,+ ‘Apay a nataktak ti idadateng ti karuahena a pakigubat?+ Apay koma a maladaw unay ti daldalagudog dagiti karuahena?’+ 29  Sumungbat kenkuana dagidiay masirib kadagiti natan-ok a babbaina,+ Wen, sungbatannanto met ti bagina iti bukodna a sasao, 30  ‘Saan aya a rebbeng a makasarakda, saan aya a rebbeng nga agibunongda iti samsam,+ Maysa nga aanakan—dua nga aanakan iti tunggal nabaneg a lalaki,+ Samsam a tinina a bambanag maipaay ken Sisera, samsam a tinina a bambanag, Maysa a nabordaan a kawes, tinina a banag, dua a nabordaan a kawes Agpaay kadagiti tengnged ti lallaki ti samsam?’ 31  Iti kasta mapukaw koma dagiti amin a kabusormo,+ O Jehova, Ket dagiti managayat kenka+ agbalinda koma a kas no lumgak ti init iti kinamannakabalinna.”+ Ket ti daga awananen iti pannakasinga iti uppat a pulo a tawen.+

Footnotes