Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Uk-ukom 4:1-24

4  Kalpasanna rinugian manen nga aramiden ti annak ti Israel no ania ti dakes kadagiti mata ni Jehova ita ta natayen ni Ehud.+  Gapuna inlako ida ni Jehova+ iti ima ni Jabin nga ari ti Canaan, a nagturay idiay Hasor;+ ket ti panguluen ti buyotna isu ni Sisera,+ ket agnanaed idi idiay Haroset+ dagiti nasion.  Ket ti annak ti Israel nangrugida nga umkis ken Jehova,+ agsipud ta adda siam a gasut a karuahena a pakigubat nga addaan kadagiti panabas a landok,+ ket isu inrurumenna ti annak ti Israel+ buyogen ti kinagubsang iti duapulo a tawen.  Ita ni Debora, maysa a mammadto a babai,+ nga asawa ni Lappidot, uk-ukomenna idi ti Israel iti dayta met laeng a tiempo.  Ket isu agnanaed idi iti sirok ti kayo a palma ni Debora iti nagbaetan ti Rama+ ken Bethel+ idiay nakabambantay a rehion ti Efraim; ket ti annak ti Israel sumang-atda a mapan kenkuana a paukom.  Ket nagbaon ken pinaayabanna ni Barak+ nga anak ni Abinoam manipud Kedes-neftali+ ket kinunana kenkuana: “Saan kadi nga inted ni Jehova a Dios ti Israel ti bilin? ‘Mapanka ket masapul nga agwaraska iti Bantay Tabor,+ ket masapul a mangikuyogka iti sangapulo a ribu a lallaki manipud annak ni Neftali+ ken manipud annak ni Zabulon.+  Ket sigurado nga iyasidegkonto kenka+ iti naapres a ginget ti Kison+ ni Sisera+ a panguluen ti buyot ni Jabin+ ken dagiti karuahena a pakigubat ken ti bunggoyna, ket pudno nga isu iyawatko ita imam.’”+  Gapu itoy kinuna kenkuana ni Barak: “No kumuyogkanto kaniak, sigurado a mapanak met; ngem no saankanto a kumuyog kaniak, saanak a mapan.”  Iti daytoy kinunana: “Di bumurong a kumuyogakto kenka. Uray pay kasta, ti mangpapintas a banag saanto nga agbalin a kukuam iti dalan a papanam, ta iti ima ti maysa a babai+ ti pangilakuanto ni Jehova ken Sisera.” Gapuna timmakder ni Debora ket kimmuyog ken Barak nga agturong iti Kedes.+ 10  Ket rinugian ni Barak nga ayaban a sangsangkamaysa ti Zabulon+ ken ti Neftali nga agturong iti Kedes, ket sangapulo a ribu a lallaki ti simmang-at a simmurot kadagiti addangna;+ ket nakipagsang-at kenkuana ni Debora. 11  Kabayatanna ni Heber+ a Keneo simmina kadagiti Keneo,+ ti annak ni Hobab, a makinmanugang ken Moises,+ ket imbangonna ti toldana iti asideg ti dakkel a kayo idiay Zaanannim, nga adda idiay Kedes. 12  Kalpasanna impadamagda ken Sisera a ni Barak nga anak ni Abinoam+ simmang-at iti Bantay Tabor.+ 13  Madagdagus nga inayaban a sangsangkamaysa ni Sisera dagiti amin a karuahena a pakigubat, ti siam a gasut a karuahe a pakigubat nga addaan kadagiti panabas a landok,+ ken amin dagiti umili a naikuyog kenkuana, manipud Haroset dagiti nasion agingga iti naapres a ginget ti Kison.+ 14  Ni Debora kinunana ita ken Barak: “Tumakderka, ta daytoy ti aldaw a sigurado a panangyawatto ni Jehova ken Sisera ita imam. Saan aya a ni Jehova ti rimmuar iti sangom?”+ Ket bimmaba ni Barak manipud Bantay Tabor nga addaan sangapulo a ribu a lallaki iti likudanna. 15  Ket ni Jehova rinugianna a riribuken+ ni Sisera ken amin dagiti karuahena a pakigubat ken ti intero a pakarso babaen ti tadem ti kampilan iti sango ni Barak. Kamaudiananna dimsaag ni Sisera iti karuahe ket nagtalaw a nagnagna. 16  Ket kinamat+ ni Barak dagiti karuahe a pakigubat+ ken ti pakarso agingga iti Haroset dagiti nasion, iti kasta napasag ti intero a pakarso ni Sisera babaen ti tadem ti kampilan. Awan nabati uray maysa.+ 17  No maipapan ken Sisera,+ nagtalaw a nagnagna nga agturong iti tolda ni Jael+ nga asawa ni Heber a Keneo,+ ta adda idi kappia iti nagbaetan ni Jabin nga ari ti Hasor+ ken ti sangakabbalayan ni Heber a Keneo. 18  Idin rimmuar ni Jael a sumabet ken Sisera ket kinunana kenkuana: “Agturongka ditoy, apok, agturongka kaniak ditoy. Dika agbuteng.” Gapuna simiasi a napan kenkuana iti tolda. Kalpasanna inabbonganna iti ules. 19  Idi agangay kinunana kenkuana: “Ikkannak, pangngaasim, iti bassit a danum nga inumen, ta mawawak.” Iti kasta nanglukat iti lalat a botelia+ ti gatas ket pinainumna,+ a kalpasan dayta inabbonganna. 20  Ket kinunana kenkuana: “Agtakderka iti pagserkan ti tolda, ket mapasamak a no adda asinoman nga umay ket agimtuod kenka ket kunaenna, ‘Adda kadi lalaki ditoy?’ iti kasta masapul a kunaem, ‘Awan!’” 21  Ket ni Jael nga asawa ni Heber nangala iti pasok ti tolda ket nangiggem iti martilio. Kalpasanna nagar-arudok a napan kenkuana ket impalokna ti pasok kadagiti pispisna+ ket impalekna iti daga, bayat a nargaan idi ti turogna ken napakil. Iti kasta natay.+ 22  Ket, adtoy! adda idi ni Barak a mangkamkamat ken Sisera. Rimmuar ita ni Jael a sumabet kenkuana ket kinunana kenkuana: “Umayka ket ipakitak kenka ti lalaki a sapsapulem.” Gapuna simrek a napan kenkuana, ket, adtoy! napasagen a natay ni Sisera, a ti pasok adda kadagiti pispisna. 23  Ngarud ti Dios pinarukmana+ ni Jabin nga ari ti Canaan iti sango ti annak ti Israel iti dayta nga aldaw. 24  Ket ti ima ti annak ti Israel dimmagsen a dimmagsen maibusor ken Jabin nga ari ti Canaan,+ agingga a nagessatda ni Jabin nga ari+ ti Canaan.

Footnotes