Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Uk-ukom 20:1-48

20  Iti kasta rimmuar ti amin nga annak ti Israel+ ket ti gimong naguummongda a kasla maymaysa a tao,+ manipud Dan+ agingga iti Beer-seba+ agraman ti daga ti Galaad,+ ken Jehova idiay Mizpa.+  Gapuna dagiti kangrunaan a lallaki dagiti amin nga umili ken dagiti amin a tribu ti Israel nagsaadda iti kongregasion dagiti umili ti pudno a Dios,+ uppat a gasut a ribu a lallaki a magmagna a nagasut iti kampilan.+  Ket ti annak ni Benjamin nangngegda a simmang-at ti annak ti Israel idiay Mizpa.+ Idin kinuna ti annak ti Israel: “Agsaokayo. Kasano a napasamak daytoy dakes a banag?”+  Gapu itoy ti lalaki, ti Levita,+ ti asawa ti napapatay a babai, simmungbat ket kinunana: “Idiay Gabaa,+ a kukua ti Benjamin, ti immayak, siak ken ti kamalalak,+ tapno umyankami iti agpatnag.  Ket timmakder maibusor kaniak dagiti agtagtagikua iti daga iti Gabaa ket pinalikmutanda ti balay maibusor kaniak iti rabii. Siak idi ti imbalabalada a patayen, ngem ti kamalalak ti rinamesda,+ ket nagin-inut a natay.+  Gapuna iniggamak ti kamalalak ket rinangrangkayko ket impatulodko iti tunggal talon ti tawid ti Israel,+ agsipud ta inaramidda ti nalulok a kababalin+ ken nakababain a kinamaag iti Israel.+  Adtoy! Dakayo amin nga annak ti Israel, itedyo ditoy ti sao ken pammatigmaanyo.”+  Gapuna timmakder dagiti amin nga umili a kasla maymaysa a tao,+ a kunkunada: “Saantayto a mapan asinoman kadatayo iti toldana, saantayto met nga agturong asinoman kadatayo iti balayna.+  Ket ita daytoy ti banag nga aramidentayto iti Gabaa. [Sumang-attayo] babaen ti binnunot+ maibusor iti dayta. 10  Ket masapul a mangalatayo iti sangapulo a lallaki manipud sangagasut iti amin a tribu ti Israel, ken sangagasut manipud sangaribu, ken sangaribu manipud sangapulo a ribu, tapno ikagumaanda ti mangala kadagiti abasto maipaay kadagiti umili, tapno makapagtignayda babaen ti ipapan a maibusor iti Gabaa ti Benjamin, gapu iti isuamin a nakababain a kinamaag+ nga inaramidda iti Israel.” 11  Gapuna naurnong ti amin a lallaki ti Israel maibusor iti siudad a kasla maymaysa a tao, kas aliansa. 12  Iti kasta dagiti tribu ti Israel nangibaonda kadagiti lallaki iti amin a tattao ti tribu ti Benjamin,+ a kunkunada: “Ania daytoy dakes a banag a napasamak iti tengngayo?+ 13  Ket ita iyawatyo dagiti lallaki,+ dagiti awan kaes-eskanna a tattao,+ nga adda idiay Gabaa,+ tapno mapapataymi ida,+ ket ikkatenmi koma ti dakes manipud iti Israel.”+ Ket ti annak ni Benjamin saanda a kinayat ti umimdeng iti timek ti kakabsatda, dagiti annak ti Israel.+ 14  Kalpasanna naguummong a sangsangkamaysa ti annak ni Benjamin manipud kadagiti siudad ti Gabaa tapno rummuarda a makibakal iti annak ti Israel. 15  Gapuna naurnong ti annak ni Benjamin iti dayta nga aldaw manipud kadagiti siudad, duapulo ket innem a ribu a lallaki nga agasut iti kampilan,+ malaksid kadagiti agnanaed iti Gabaa, a kadakuada pito gasut a napili a lallaki ti naurnong. 16  Manipud iti daytoy intero nga ili adda pito gasut a napili a lallaki a kannigid ti kannawidanda.+ Tunggal maysa kadagitoy ket pumapallatibong iti batbato+ agingga iti kaingpis ti maysa a buok ket saan nga agmintis. 17  Ket naurnong dagiti lallaki ti Israel a naisinada iti Benjamin, uppat a gasut a ribu a lallaki nga agasut iti kampilan.+ Tunggal maysa kadagitoy ket lalaki ti gubat. 18  Ket timmakderda ket simmang-atda idiay Bethel ket nagimtuodda iti Dios.+ Kalpasanna kinuna ti annak ti Israel: “Siasino kadakami ti sumang-at a mangidaulo iti pannakibakal iti annak ni Benjamin?”+ Iti daytoy kinuna ni Jehova: “Ni Juda ti mangidaulo.”+ 19  Kalpasan dayta ti annak ti Israel timmakderda iti bigat ket nagpakarsoda maibusor iti Gabaa. 20  Ti lallaki ti Israel rimmuarda ita a makibakal iti Benjamin; ket ti lallaki ti Israel naguurnosda iti pannakibakal kadakuada idiay Gabaa. 21  Gapuna rimmuar ti annak ni Benjamin manipud Gabaa+ ket nangdadaelda agingga iti daga iti duapulo ket dua a ribu a lallaki iti Israel iti dayta nga aldaw.+ 22  Nupay kasta, dagiti umili, dagiti lallaki ti Israel, impakitada a naturedda ket naguurnosda manen iti pannakibakal iti disso a naguurnosanda idi umuna nga aldaw. 23  Kalpasanna simmang-at ti annak ti Israel ket nagsangitda+ iti sango ni Jehova agingga iti rabii ket nagimtuodda ken Jehova, a kunkunada: “Umasidegak kadi manen a makibakal iti annak ni Benjamin a kabsatko?”+ Iti daytoy kinuna ni Jehova: “Sumang-atka a maibusor kenkuana.” 24  Iti kasta ti annak ti Israel immasidegda iti annak ni Benjamin iti maikadua nga aldaw.+ 25  Kalpasanna rimmuar ti Benjamin manipud Gabaa a sumabet kadakuada iti maikadua nga aldaw ket nangdadaelda agingga iti daga iti kanayonan a sangapulo ket walo a ribu a lallaki iti annak ti Israel,+ amin dagitoy agasutda iti kampilan.+ 26  Iti kasta ti amin nga annak ti Israel,+ mismo nga amin dagiti umili, simmang-atda ket dimtengda iti Bethel ket nagsangitda+ ken nagtugawda sadiay iti sango ni Jehova ket nagayunarda+ iti dayta nga aldaw agingga iti rabii ket nagidatonda iti datdaton a mapuoran+ ken datdaton a pakikaykaysa+ iti sango ni Jehova. 27  Kalpasan dayta ti annak ti Israel nagimtuodda ken Jehova,+ yantangay sadiay idi ti ayan ti lakasa ti tulag+ ti pudno a Dios kadagidiay nga aldaw. 28  Ita ni Finehas+ nga anak ni Eleazar, ti anak ni Aaron, agtaktakder idi iti sango dayta kadagidiay nga aldaw,+ a kunkunana: “Kaskasdi a rummuarakto kadi manen a makibakal iti annak ni Benjamin a kabsatko wenno sardengakon?”+ Iti daytoy kinuna ni Jehova: “Sumang-atka, agsipud ta inton bigat iyawatkonto ita imam.”+ 29  Kalpasanna nangisaad ti Israel kadagiti lallaki nga agsaneb+ maibusor iti Gabaa iti intero nga aglikmut. 30  Ket simmang-at ti annak ti Israel maibusor iti annak ni Benjamin iti maikatlo nga aldaw, ket naguurnosda a maibusor iti Gabaa a kas met laeng kadagidi dadduma a gundaway.+ 31  Idi rimmuar ti annak ni Benjamin a sumabet kadagiti umili, nayadayoda iti siudad.+ Kalpasanna, kas met laeng kadagidi dadduma a gundaway, nangrugida a mangkabil iti sumagmamano kadagiti umili a makapapatay ti pannakasugatda kadagiti kangrunaan a kalsada, a maysa kadagidiay ti sumang-at iti Bethel+ ket ti sabali iti Gabaa,+ iti talon, agarup tallopulo a lallaki iti Israel.+ 32  Gapuna rinugian a kunaen ti annak ni Benjamin: “Aglaklak-amda iti pannakaabak iti sanguanantayo a kas met laeng idi immuna.”+ No maipapan iti annak ti Israel, kinunada: “Agtalawtayo,+ ket sigurado a mayadayotayto ida iti siudad nga iturong kadagiti kangrunaan a kalsada.” 33  Ket amin dagiti lallaki ti Israel timmakderda manipud kadagiti lugarda ket naguurnosda idiay Baal-tamar, bayat a dagiti kameng ti Israel a pangsaneb+ dumardarupda idi manipud kadagiti lugarda iti aglikmut ti Gabaa.+ 34  Gapuna sangapulo a ribu a napili a lallaki manipud iti intero nga Israel ti immay iti sango ti Gabaa, ket nakaro ti panagrurupak; ket saan nga ammo dagiti Benjamita nga umad-adani kadakuada ti didigra.+ 35  Ket ni Jehova pinarukmana ti Benjamin+ iti sango ti Israel, iti kasta ti annak ti Israel iti dayta nga aldaw nangdadaelda iti Benjamin iti duapulo ket lima a ribu sangagasut a lallaki, amin dagitoy agasutda iti kampilan.+ 36  Nupay kasta, impagarup ti annak ni Benjamin a naabak dagiti lallaki ti Israel idi intultuloyda ti nagsanud+ iti Benjamin agsipud ta nagtalekda iti pangsaneb nga insaadda maibusor iti Gabaa. 37  No maipapan iti pangsaneb, nagtignayda a sidadaras ket dimmuklosda iti Gabaa.+ Kalpasanna nagwaras ti pangsaneb+ ket kinabilda ti intero a siudad babaen ti tadem ti kampilan.+ 38  Ita dagiti lallaki ti Israel inyurnosda a kadua ti pangsaneb nga isuda mamagpangatoda iti pagilasinan nga asuk manipud iti siudad.+ 39  Idi a ti annak ti Israel nagbaw-ingda iti bakal, rinugian ti Benjamin a kabilen ti agarup tallopulo a lallaki a makapapatay ti pannakasugatda kadagiti lallaki ti Israel,+ ta kinunada: “Di pagduaduaan nga awan laklak-amenda no di pannakaabak iti sanguanantayo a kas met laeng iti immuna a bakal.”+ 40  Ket ti pagilasinan+ nangrugi nga agpangato manipud iti siudad kas munmon nga asuk.+ Gapuna idi a ti Benjamin timmaliaw iti likudan, adtoy! nagpalangit ti intero a siudad.+ 41  Ket nagbuelta dagiti lallaki ti Israel,+ ket nariribukan dagiti lallaki ti Benjamin,+ ta nakitada a dimmanonen kadakuada ti didigra.+ 42  Gapuna nagbaw-ingda iti sanguanan dagiti lallaki ti Israel iti turong ti let-ang, ket ti bakal simmurot a siaasideg kadakuada, bayat a dagiti lallaki a naggapu kadagiti siudad daddadaelenda ida iti nagtetengngaanda. 43  Linakubda ti Benjamin.+ Kinamatda nga awan lugar a paginanaanna.+ Impayatpayatda iti mismo a sango ti Gabaa+ nga agpaleleggakan ti init. 44  Kamaudiananna adda napasag a sangapulo ket walo a ribu a lallaki ti Benjamin, nga amin dagitoy mamaingelda a lallaki.+ 45  Gapuna nagbaw-ingda ket nagtalawda nga agturong iti let-ang agingga iti napasdok a bato ti Rimmon.+ Ket nakaadasda iti lima ribu a lallaki kadakuada iti kangrunaan a kalkalsada,+ ket intultuloyda ti simmurot a siaasideg kadakuada agingga iti Gidom ket iti kasta nangpapatayda iti dua a ribu pay a lallaki kadakuada. 46  Ket amin dagiti kameng ti Benjamin a napasag iti dayta nga aldaw nagdagup kamaudiananna iti duapulo ket lima a ribu a lallaki nga agasut iti kampilan,+ nga amin dagitoy mamaingelda a lallaki. 47  Ngem innem a gasut a lallaki ti nagbaw-ing ket nagtalawda nga agturong iti let-ang agingga iti napasdok a bato ti Rimmon, ket nagtultuloyda nga agnaed iti napasdok a bato ti Rimmon+ iti uppat a bulan. 48  Ket nagsubli dagiti lallaki ti Israel maibusor iti annak ni Benjamin ket kinabilda babaen ti tadem ti kampilan dagidiay adda iti siudad, manipud tattao agingga kadagiti naamo nga animal agingga iti isuamin a nasarakan.+ Kasta met, amin dagiti siudad a nasarakan inyawatda iti apuy.+

Footnotes