Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Uk-ukom 18:1-31

18  Kadagidi nga aldaw awan ari iti Israel.+ Ket kadagidi nga aldaw agsapsapul ti tribu dagiti Danita+ iti tawid maipaay kenkuana tapno agnaed sadiay; agsipud ta agingga iti dayta nga aldaw awan pay ti tawid a naitumpong kadakuada iti tengnga dagiti tribu ti Israel.+  Iti kamaudiananna nangibaon ti annak ni Dan iti lima a lallaki iti pamiliada, lallaki manipud kadakuada, lallaki a mamaingel, manipud Zora+ ken Estaol,+ tapno simisimenda+ ti daga ken tapno sukimatenda. Gapuna kinunada kadakuada: “Inkayo, sukimatenyo ti daga.” Idi agangay dimtengda iti nakabambantay a rehion ti Efraim+ agingga iti balay ni Mikias+ ket binusbosda ti rabii sadiay.  Bayat nga addada iti asideg ti balay ni Mikias, nailasinda ti timek ti agtutubo a lalaki, ti Levita, iti kasta nagturongda sadiay. Ket kinunada kenkuana: “Siasino ti nangyeg kenka ditoy, ket ania ti ar-aramidem iti daytoy a lugar, ket ania ti immayam ditoy?”  Kalpasanna kinunana kadakuada: “Kastoy ken kasta ti inaramid kaniak ni Mikias tapno tangdanannak,+ ken tapno agserbiak kas padi+ maipaay kenkuana.”  Idin kinunada kenkuana: “Agimtuodka,+ pangngaasim, iti Dios+ tapno maammuanmi no ti dalan a papananmi naballiginto.”  Gapuna kinuna kadakuada ti padi: “Mapankayo a sitatalna. Adda iti imatang ni Jehova ti dalanyo a papananyo.”  Iti kasta nagtultuloy a napan ti lima a lallaki ket dimtengda iti Lais+ ket nakitada no kasano a dagiti tattao nga adda iti uneg dayta agnanaedda idi buyogen iti panagpannuray iti bagi sigun iti kaugalian dagiti Sidonio, naulimek ken awan pakibibianganna,+ ket awan ti manangirurumen a manangparmek a nangsemsem iti aniaman a banag iti daga, bayat nga adayoda kadagiti Sidonio+ ket awan bibiangda iti sangatauan.  Iti kamaudiananna dimtengda iti kakabsatda idiay Zora+ ken Estaol,+ ket rinugian a kunaen kadakuada ti kakabsatda: “Kasano ti kasasaadna iti panagkunayo?”  Gapu itoy kinunada: “Tumakderkayo, ket sumang-attayo a maibusor kadakuada; ta nakitami ti daga, ket, adtoy! nasayaat unay.+ Ket bumdengkayo. Dikay agpampamayan iti pannagna a sumrek a mangtagikua iti daga.+ 10  Inton sumrekkayo, dumtengkayto iti awan pakibibianganna nga ili,+ ket nalawa unay ti daga; ta ti Dios intedna dayta iti imayo,+ maysa a lugar a sadiay awan ti panagkurang ti aniaman a kita ti banag nga adda iti daga.”+ 11  Kalpasanna innem a gasut a lallaki a nabariksan kadagiti igam ti gubat, manipud pamilia dagiti Danita,+ pimmanawda sadiay, awan sabali, manipud Zora ken Estaol.+ 12  Ket simmang-atda ket nagpakarsoda iti Kiriat-jearim+ idiay Juda. Dayta ti makagapu a pinanagananda dayta a lugar iti Mahane-dan+ agingga itoy nga aldaw. Adtoy! Adda dayta iti laud ti Kiriat-jearim. 13  Kalpasan dayta limmasatda manipud sadiay nga agturong iti nakabambantay a rehion ti Efraim ket dimtengda agingga iti balay ni Mikias.+ 14  Kalpasanna simmungbat ti lima a lallaki a napan nangsimisim+ iti daga ti Lais+ ket kinunada iti kakabsatda: “Ammoyo kadi a kadagitoy a balay adda maysa nga efod ken terafim+ ken maysa a kinitikitan a ladawan+ ken maysa a sinukog nga estatua?+ Ket ita panunotenyo no ania ti rebbeng nga aramidenyo.”+ 15  Gapuna nagturongda sadiay ket dimtengda iti balay ti agtutubo a lalaki, ti Levita,+ idiay balay ni Mikias, ket inimtuodda no kasano ti kasasaadna.+ 16  Bayat dayta ti innem a gasut a lallaki a nabariksan kadagiti igamda iti gubat,+ isuda a kameng ti annak ni Dan,+ sitatakderda iti pagserkan ti ruangan. 17  Ti lima a lallaki a napan nangsimisim iti daga+ simmang-atda ita, tapno makastrekda sadiay a mangala iti kinitikitan a ladawan+ ken iti efod+ ken iti terafim+ ken iti sinukog a ladawan.+ (Ket ti padi+ sitatakder idi iti pagserkan ti ruangan a kadua ti innem a gasut a lallaki a nabariksan kadagiti igam ti gubat.) 18  Ket simrek dagitoy iti balay ni Mikias ket innalada ti kinitikitan a ladawan, ti efod ken ti terafim ken ti sinukog a ladawan.+ Iti kasta kinuna kadakuada ti padi:+ “Ania ti ar-aramidenyo?” 19  Ngem kinunada kenkuana: “Agulimekka. Iyapputmo ta imam iti ngiwatmo, ket kumuyogka kadakami ket agbalinka nga ama+ ken padi+ maipaay kadakami. Ania ti nasaysayaat, agtultuloyka a padi iti balay ti maymaysa+ a tao wenno agbalinka a padi iti maysa a tribu ken pamilia iti Israel?”+ 20  Gapu itoy naay-ayo ti puso ti padi,+ ket innalana ita ti efod ken ti terafim ken ti kinitikitan a ladawan+ ket immay iti tengnga dagiti umili. 21  Kalpasanna nagbaw-ingda ket napanda ket inkabilda dagiti ubbing ken dagiti dinguen ken ti napapateg a bambanag iti masanguananda.+ 22  Nakaadayodan iti balay ni Mikias idi a dagiti lallaki nga adda kadagiti balay nga asideg iti balay ni Mikias+ naayabanda nga agsangsangkamaysa ket pinadasda a kamakamen ti annak ni Dan. 23  Idi pinukpukkawanda ti annak ni Dan, idin intaliawda dagiti rupada ket kinunada ken Mikias: “Ania ti mapaspasamak kenka+ ta nagsangsangkamaysaka?” 24  Gapuna kinunana: “Dagiti didiosko+ nga inaramidko+ innalayo, kasta met ti padi,+ ket pumanawkayo, ket ania pay ti adda kaniak?+ Kasano, ngarud, a maikunayo kaniak, ‘Ania ti mapaspasamak kenka?’” 25  Gapu itoy kinuna kenkuana ti annak ni Dan: “Dika ipangngeg ta timekmo iti asideg kadakami, ta amangan no dagiti lallaki a sipapait ti kararuada+ darupendakayo, ket mapukawmo ti bukodmo a kararua ken ti kararua ti sangakabbalayam.” 26  Ket nagtultuloy a napan ti annak ni Dan; ket nakita ni Mikias a napigpigsada ngem isu,+ ket ngarud nagbaw-ing ket nagsubli iti balayna. 27  No maipapan kadakuada, innalada ti inaramid ni Mikias ken ti padi+ a nagbalin a kukuana, ket nagtultuloyda a nagturong iti Lais,+ maibusor iti ili a naulimek ken awan pakibibianganna.+ Ket kinabilda ida babaen ti tadem ti kampilan,+ ket ti siudad pinuoranda iti apuy.+ 28  Ket awan idi ti manangispal, ta adayo dayta iti Sidon,+ ken awan a pulos bibiangda iti sangatauan; ket adda idi dayta iti nababa a tanap a kukua ti Bet-rehob.+ Kalpasanna binangonda ti siudad ket nagnaedda iti dayta.+ 29  Kanayonanna pay, pinanagananda ti siudad iti Dan iti nagan ni amada, a Dan,+ a nayanak idi ken Israel.+ Nupay kasta, Lais ti nagan ti siudad idi damo.+ 30  Kalpasan dayta impatakder ti annak ni Dan ti kinitikitan a ladawan+ maipaay iti bagbagida; ket ni Jonatan+ nga anak ni Gersom,+ anak ni Moises, isu ken ti annakna nagbalinda a papadi iti tribu dagiti Danita agingga iti aldaw a pannakaidestiero ti daga.+ 31  Ket ti kinitikitan a ladawan ni Mikias, nga inaramidna, pinagtalinaedda a naipasdek maipaay iti bagbagida iti amin nga al-aldaw a panagtalinaed ti balay+ ti pudno a Dios idiay Silo.+

Footnotes