Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Uk-ukom 17:1-13

17  Ita adda idi maysa a lalaki iti nakabambantay a rehion ti Efraim+ nga agnagan Mikias.  Idi agangay kinunana iti inana: “Ti sangaribu ket sangagasut a kapisi a pirak a naala kenka ken gapu kadagita nangyebkaska iti lunod+ ken sinaom met iti pagdengngegko—adtoy! adda kaniak ti pirak. Siak ti nangala.”+ Iti kasta kinuna ni inana: “Ti anakko bendito koma ni Jehova.”+  Iti kasta insublina ti sangaribu ket sangagasut a kapisi a pirak iti inana;+ ket kinuna ni inana: “Di bumurong a masapul a santipikarek ti pirak ken Jehova manipud iti imak maipaay iti anakko, tapno mangaramid iti kinitikitan a ladawan+ ken sinukog nga estatua;+ ket ita isublik kenka.”  Gapuna insublina ti pirak iti inana, ket nangala ni inana iti dua gasut a kapisi a pirak ket intedna ida iti agpampanday iti pirak.+ Ket nangaramid iti maysa a kinitikitan a ladawan+ ken maysa a sinukog nga estatua;+ ket adda idi iti balay ni Mikias.  No maipapan iti lalaki a ni Mikias, addaan iti balay ti didios,+ ket nangaramid iti efod+ ken terafim+ ket ti ima ti maysa kadagiti annakna pinunnona iti pannakabalin,+ tapno makapagserbi a kas padi maipaay kenkuana.+  Kadagidi nga aldaw awan ari iti Israel.+ No maipapan iti tunggal maysa, no ania ti umiso kadagiti bukodna a mata isu ti nayugalina nga aramiden.+  Ita adda idi agtutubo a lalaki ti Betlehem+ idiay Juda iti pamilia ni Juda, ket isu maysa a Levita.+ Ket agtataeng idi sadiay iti apagbiit.  Ket napan ti lalaki manipud siudad ti Betlehem idiay Juda tapno agtaeng iti apagbiit sadinoman a pakasarakanna iti lugar. Iti kamaudiananna bayat a mapmapan iti dalanna isu dimteng iti nakabambantay a rehion ti Efraim agingga iti balay ni Mikias.+  Idin kinuna kenkuana ni Mikias: “Sadino ti naggapuam?” Iti kasta kinunana kenkuana: “Maysaak a Levita manipud Betlehem idiay Juda, ket addaak iti dalanko tapno agtaengak iti apagbiit sadinoman a pakasarakak iti lugar.” 10  Gapuna kinuna kenkuana ni Mikias: “Makipagnaedka kaniak ket agserbika a kas ama+ ken padi+ maipaay kaniak, ket siak, iti biangko, ikkankanto iti sangapulo a kapisi a pirak iti makatawen ken iti kadawyan nga aruaten a kawkawes ken iti pagtaraonmo.” Iti kasta simrek ti Levita. 11  Ngarud inaklon ti Levita ti pannakipagnaed iti lalaki, ket ti agtutubo a lalaki nagbalin kenkuana a kas maysa kadagiti annakna. 12  Kanayonanna pay, ti ima ti Levita pinunno ni Mikias iti pannakabalin,+ tapno makapagserbi ti agtutubo a lalaki kas padi+ maipaay kenkuana ken makapagtalinaed iti balay ni Mikias. 13  Gapuna kinuna ni Mikias: “Ita ammok a ni Jehova agaramidto kaniak iti naimbag, agsipud ta ti Levita nagbalin a padi maipaay kaniak.”+

Footnotes