Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Uk-ukom 15:1-20

15  Ket naaramid idi agangay, iti al-aldaw ti panagani iti trigo, a sinarungkaran ni Samson ti asawana a nangikuyog iti maysa nga urbon+ dagiti kalding. Gapuna kinunana: “Sumrekakto a mapan iti asawak iti makin-uneg a siled.”+ Ket saan a pinalubosan ti amana a sumrek.  No di ket kinuna ti amana: “Pudno a kinunak iti bagik, ‘Di pagduaduaan a kagurguram.’+ Gapuna isu intedko iti abaymo a lalaki.+ Saan kadi a nasaysayaat ngem isu ti ub-ubing a kabsatna a babai? Agbalin koma, pangngaasim, a kukuam imbes a daydiay maysa.”  Nupay kasta, kinuna kadakuada ni Samson: “Iti daytoy a gundaway siwayawayaakton iti pannakabasol maibusor kadagiti Filisteo no kas pagarigan pakilangenak ida iti pakadangrananda.”+  Ket napan ni Samson ket nangtiliw iti tallo gasut a sora+ ket nangala kadagiti aluten ket pinagsisilpona ti ipus ken ipus ket nangikabil iti maysa nga aluten iti baet ti dua nga ipus, iti mismo a tengnga.  Iti kasta pinasgedanna dagiti aluten ket binulosanna ida nga agturong kadagiti talon ti sitatakder pay laeng a binukel dagiti Filisteo. Gapuna inuramna ti isuamin manipud binettek agingga kadagiti sitatakder pay laeng a binukel ken dagiti kaubasan ken dagiti kaolibuan.+  Ket rinugian a kunaen dagiti Filisteo: “Siasino ti nangaramid iti daytoy?” Idin kinunada: “Ni Samson a manugang-a-lalaki ti Timnita, agsipud ta innalana ti asawana ket kalpasanna intedna iti abayna a lalaki.”+ Iti kasta simmang-at dagiti Filisteo ket pinuoranda ti babai ken ti amana iti apuy.+  Kalpasanna kinuna kadakuada ni Samson: “No aramidenyo ti kastoy, awanen ti mabalinko no di ti ibalesak kadakayo ti bagik,+ ket kalpasanna agsardengakto.”  Ket kinabilna ida, nga inggabsuonna dagiti saka kadagiti luppo iti dakkel a pananggudas, a kalpasan dayta isu simmalog ket nangrugi nga agnaed iti maysa a lengngan ti napasdok a bato ti Etam.+  Idi agangay simmang-at dagiti Filisteo+ ket nagpakarsoda idiay Juda+ ket nagdakiwasda idiay Lehi.+ 10  Idin kinuna dagiti lallaki ti Juda: “Apay a simmang-atkayo a bumusor kadakami?” nga iti dayta kinunada: “Simmang-atkami tapno parautanmi ni Samson, tapno aramidenmi kenkuana kas iti inaramidna kadakami.” 11  Gapuna tallo ribu a lallaki ti Juda ti simmalog a nagturong iti lengngan ti napasdok a bato ti Etam+ ket kinunada ken Samson: “Saanmo kadi nga ammo nga agturturay kadatayo dagiti Filisteo?+ Gapuna ania ti kaipapanan daytoy nga inaramidmo kadakami?” Idin kinunana kadakuada: “Kas iti inaramidda kaniak kasta ti inaramidko kadakuada.”+ 12  Ngem kinunada kenkuana: “Simmalogkami tapno parautandaka, tapno iyawatdaka iti ima dagiti Filisteo.” Iti kasta kinuna kadakuada ni Samson: “Isapatayo kaniak a dakayo saandakto a darupen.” 13  Ket kinunada kenkuana: “Saan, no di ket parautandakanto laeng, ket iyawatdakanto iti imada; ngem saandakanto a pulos papatayen.” Iti kasta pinarautanda iti dua a baro a tali+ ket insang-atda manipud iti napasdok a bato. 14  Isu, iti biangna, immay agingga idiay Lehi, ket dagiti Filisteo, iti biangda, nagdir-ida a sirarag-o idi masabetda.+ Ket nagtignay kenkuana ti espiritu ni Jehova,+ ket dagiti tali nga adda kadagiti takiagna nagbalin a kas kadagiti lienso a sinulid a nakset iti apuy,+ iti kasta nalunag dagiti griliosna manipud im-imana. 15  Nakasarak ita iti sadiwa a tulang ti panga ti maysa a kalakian nga asno ket inyunnatna ti imana ket innalana dayta ket nangkabil iti sangaribu a lallaki babaen iti dayta.+ 16  Kalpasanna kinuna ni Samson: “Babaen ti tulang ti panga ti kalakian nga asno—maysa a bunton, dua a bunton! Babaen ti tulang ti panga ti kalakian nga asno nangkabilak iti sangaribu a lallaki.”+ 17  Ket naaramid nga idi nalpasen a nagsao, impuruakna a dagus ti tulang ti panga manipud imana ket pinanagananna dayta a disso iti Ramat-lehi.+ 18  Ita isu nawawan unay, ket rinugianna ti umawag ken Jehova ken agkuna: “Sika ti nangted itoy naindaklan a pannakaisalakan iti ima ti adipenmo,+ ket ita matayakto kadi iti waw ket matnagakto iti ima dagiti di nakugit?”+ 19  Gapuna pinagungap ti Dios ti maysa a sinan-alsong a likkukong nga adda idiay Lehi, ket nangrugi a rummuar ti danum+ manipud iti dayta, ket imminum, a kalpasan dayta nagsubli ti espirituna+ ket naungaran.+ Dayta ti makagapu a pinanagananna iti En-haccore, nga adda idiay Lehi agingga itoy nga aldaw. 20  Ket intuloyna nga ukomen ti Israel iti kaaldawan dagiti Filisteo iti duapulo a tawen.+

Footnotes