Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Uk-ukom 12:1-15

12  Kalpasanna naayaban nga agsangsangkamaysa dagiti lallaki ti Efraim ket bimmallasiwda nga agpaamianan ket kinunada ken Jefte: “Apay a bimmallasiwka a makirupak iti annak ni Ammon, ket saannakami a pinaayaban a kumuyog kenka?+ Ti mismo a balaymo puoranminto iti apuy bayat nga addaka iti uneg.”+  Ngem kinuna kadakuada ni Jefte: “Nagbalinak a naisangsangayan a mannakisupiat, siak ken dagiti kailiak, iti annak ni Ammon.+ Ket immasugak kadakayo maipaay ti tulong, ket saandak nga insalakan iti imada.  Idi nakitak a saankayo a manangisalakan, ngarud inkeddengko nga ikabil ti kararuak iti bukodko a dakulap+ ken mapanak a bumusor iti annak ni Ammon.+ Iti kasta inyawat ida ni Jehova iti imak. Gapuna apay a sumang-atkayo a bumusor kaniak itoy nga aldaw tapno makirupakkayo kaniak?”  Dagus nga inummong a sangsangkamaysa ni Jefte ti amin a lallaki ti Galaad+ ket nakirupakda iti Efraim; ket dagiti lallaki ti Galaad kinabilda ti Efraim, ta kinunada: “Lallakikayo a nakatalaw manipud Efraim, O Galaad, iti uneg ti Efraim, iti uneg ti Manases.”  Ket ti Galaad nakautibona dagiti pagballasiwan ti Jordan+ nga immun-una ngem iti Efraim; ket napasamak a no kunaen dagiti tumaltalaw a lallaki ti Efraim: “Palubosandak a bumallasiw,” ngarud kunaen dagiti lallaki ti Galaad iti tunggal maysa: “Maysaka kadi nga Efraimita?” No kunaenna: “Saan!”  ngarud kunaenda kenkuana: “Pangngaasim ta sawem ti Shibboleth.”+ Ket kunaenna: “Sibboleth,” ta saanna a kabaelan nga isao a siuumiso ti sao. Ket tiliwenda ken papatayenda kadagiti pagballasiwan ti Jordan. Gapuna adda napasag iti dayta a tiempo nga uppat a pulo ket dua a ribu manipud Efraim.+  Ket intuloy nga ukomen ni Jefte ti Israel iti innem a tawen, a kalpasan dayta natay ni Jefte a Galaadita ket naitabon iti siudadna idiay Galaad.  Ket ni Ibzan manipud Betlehem+ rinugianna nga ukomen ti Israel iti kalpasan kenkuana.+  Ket naaddaan iti tallopulo nga annak a lallaki ken tallopulo nga annak a babbai. Nagbaon iti ruar ket nangiserrek iti tallopulo nga annak a babbai maipaay iti annakna a lallaki manipud ruar. Ket intuloyna nga ukomen ti Israel iti pito a tawen. 10  Kalpasanna natay ni Ibzan ket naitabon idiay Betlehem. 11  Ket iti kalpasan kenkuana ni Elon a Zabulonita+ rinugianna nga ukomen ti Israel. Ket intuloyna nga ukomen ti Israel iti sangapulo a tawen. 12  Kalpasanna natay ni Elon a Zabulonita ket naitabon idiay Ajalon iti daga ti Zabulon. 13  Ket iti kalpasan kenkuana ni Abdon nga anak ni Hillel a Piratonita+ rinugianna nga ukomen ti Israel. 14  Ket naaddaan iti uppat a pulo nga annak ken tallopulo nga appoko a nagsakay iti pitopulo a nataenganen nga asno.+ Ket intuloyna nga ukomen ti Israel iti walo a tawen. 15  Kalpasanna natay ni Abdon nga anak ni Hillel a Piratonita ket naitabon idiay Piraton iti daga ti Efraim iti bantay ti Amalekita.+

Footnotes