Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Uk-ukom 11:1-40

11  Ita ni Jefte+ a Galaadita+ nagbalin a nabileg, maingel a lalaki,+ ket isu idi ti anak ti maysa a balangkantis+ a babai, ket ni Galaad isu idi ti ama ni Jefte.  Ket ti asawa ni Galaad nagtultuloy a nagipasngay kenkuana iti annak. Idi dimmakkel ti annak ti asawa a babai, pinagtalawda ni Jefte ket kinunada kenkuana: “Awanankanto iti tawid iti sangakabbalayan ni amami,+ ta sika ti anak ti sabali a babai.”  Gapuna nagtalaw ni Jefte gapu iti kakabsatna ket nagnaed iti daga ti Tob.+ Ket nagtultuloy a timmipon ken Jefte dagiti bayanggudaw a lallaki, ket makipagruruarda kenkuana.+  Ket naaramid idi agangay a ti annak ni Ammon nangrugi a makirupak iti Israel.+  Ket naaramid nga idi a ti annak ni Ammon nakirupakda iti Israel,+ dagiti lallakay ti Galaad napanda a dagus tapno alaenda ni Jefte manipud daga ti Tob.+  Kalpasanna kinunada ken Jefte: “Umayka ket agserbika kas komandantemi, ket makirupaktayo iti annak ni Ammon.”  Ngem kinuna ni Jefte kadagiti lallakay+ ti Galaad: “Saan kadi a dakayo ti nanggura kaniak iti kasta pinagtalawdak iti balay ni amak?+ Ket apay nga immaykayo kaniak ita ta maparigatankayon?”+  Gapu itoy dagiti lallakay ti Galaad kinunada ken Jefte: “Dayta ti makagapu nga ita nagsublikami+ kenka, ket masapul a kumuyogka kadakami ket makirupaktayo iti annak ni Ammon, ket agbalinkanto kadakami a pannakaulo dagiti amin nga agnanaed iti Galaad.”+  Gapuna kinuna ni Jefte kadagiti lallakay ti Galaad: “No isublidak tapno makirupakak iti annak ni Ammon, ket ni Jehova baybay-anna+ ida kaniak, siak, iti biangko, agbalinakto a pannakauloyo!” 10  Kalpasanna dagiti lallakay ti Galaad kinunada ken Jefte: “Ni Jehova koma ti umim-imdeng iti nagbaetantayo+ no ti wagas nga aramidenmi ket saan a maitunos iti saom.”+ 11  Iti kasta kimmuyog ni Jefte kadagiti lallakay ti Galaad ket insaad dagiti umili iti ngatuenda kas pannakaulo ken komandante.+ Ket sinao ni Jefte ti amin a sasaona iti sango ni Jehova+ idiay Mizpa.+ 12  Kalpasanna nangibaon ni Jefte kadagiti mensahero a mapan iti ari ti annak ni Ammon,+ a kunkunana: “Ania ti bibiangko kenka,+ yantangay immayka a maibusor kaniak a makirupak iti dagak?” 13  Gapuna ti ari ti annak ni Ammon kinunana kadagiti mensahero ni Jefte: “Agsipud ta ti Israel innalana ti dagak idi simmang-atda manipud Egipto,+ manipud iti Arnon+ agingga iti Jaboc ken agingga iti Jordan.+ Ket ita isublim a sitatalna.” 14  Ngem ni Jefte nangibaon iti naminsan pay kadagiti mensahero a mapan iti ari ti annak ni Ammon 15  ket kinunana kenkuana: “Daytoy ti kinuna ni Jefte, ‘Saan nga innala ti Israel ti daga ti Moab+ ken ti daga ti annak ni Ammon.+ 16  Ta idi simmang-atda manipud Egipto nagna ti Israel a limmasat iti let-ang agingga iti Nalabaga a Baybay+ ket nakagtengda iti Cades.+ 17  Kalpasanna nangibaon ti Israel kadagiti mensahero a mapan iti ari ti Edom,+ a kunkunana: “Bay-annak a lumasat, pangngaasim, iti dagam,” ket saan nga immimdeng ti ari ti Edom. Ket nagbaonda met iti ari ti Moab,+ ket saan nga immannugot. Ket ti Israel nagtultuloy a nagnaed idiay Cades.+ 18  Idi nagtultuloyda a nagna a lumasat iti let-ang, napanda a nanglikaw iti daga ti Edom+ ken iti daga ti Moab, iti kasta nagturongda iti leleggakan ti init no maipapan iti daga ti Moab+ ket nagpakarsoda iti rehion ti Arnon; ket saanda nga immay iti las-ud ti beddeng ti Moab,+ agsipud ta ti Arnon ti beddeng ti Moab.+ 19  “‘Kalpasan dayta nangibaon ti Israel kadagiti mensahero a mapan ken Sihon nga ari dagiti Amoreo, ti ari ti Hesbon,+ ket kinuna kenkuana ti Israel: “Bay-annakami a lumasat, pangngaasim, iti dagam nga agturong iti bukodko a lugar.”+ 20  Ket saan a nagtalek ni Sihon maipapan ti ibaballasiw ti Israel iti teritoriana, ket inummong a sangsangkamaysa ni Sihon dagiti amin nga umilina ket nagpakarsoda idiay Jahaz+ ket nakirupakda iti Israel.+ 21  Gapu itoy ni Jehova a Dios ti Israel inyawatna ni Sihon ken dagiti amin nga umilina iti ima ti Israel, iti kasta kinabilda ida ket tinagikua ti Israel ti intero a daga dagiti Amoreo nga agnanaed iti dayta a daga.+ 22  Gapuna tinagikuada ti intero a teritoria dagiti Amoreo manipud iti Arnon agingga iti Jaboc ken manipud iti let-ang agingga iti Jordan.+ 23  “‘Ket ita ni Jehova a Dios ti Israel ti nangikkat iti sanikua dagiti Amoreo manipud sanguanan ti ilina nga Israel,+ ket sika, iti biangmo, ikkatam ida iti sanikua. 24  Saan aya a ti siasinoman a paikkatan kenka ni Kemos+ a diosmo iti sanikua ikkatam iti sanikua? Ket ti tunggal maysa nga inikkatan ni Jehova a Diosmi iti sanikua manipud sanguananmi isu ti ikkatanminto iti sanikua.+ 25  Ket ita nasaysayaatka kadi ngem ni Balak nga anak ni Zippor, ti ari ti Moab?+ Nakisupiat kadin iti Israel, wenno nakirupak kadin kadakuada? 26  Bayat nga agnanaed idi ti Israel idiay Hesbon ken kadagiti agpampannuray nga ilina+ ken idiay Aroer+ ken kadagiti agpampannuray nga ilina ken kadagiti amin a siudad nga adda iti igid ti Arnon iti tallo gasut a tawen, apay, ngarud, a saanyo a pulos rinabsut ida iti dayta a tiempo?+ 27  No maipapan kaniak, saanak a nagbasol a maikaniwas kenka, ngem pakilanglangenannak iti dakes babaen ti pannakirupakmo kaniak. Ni Jehova nga Ukom+ mangukom koma ita nga aldaw iti nagbaetan ti annak ti Israel ken ti annak ni Ammon.’” 28  Ket ti ari ti annak ni Ammon saan nga immimdeng iti sasao ni Jefte nga impatulodna kenkuana.+ 29  Ti espiritu ni Jehova immay ita ken Jefte,+ ket isu limmasat iti Galaad ken Manases ken limmasat iti Mizpe ti Galaad,+ ket manipud Mizpe ti Galaad naglasat agingga iti annak ni Ammon. 30  Idin ni Jefte nagkari+ ken Jehova ket kinunana: “No di bumurong nga iyawatmo iti imak ti annak ni Ammon, 31  mapasamakto met a daydiay rumrummuar, a rummuar kadagiti ruangan ti balayko a sumabet kaniak inton agsubliak a sitatalna+ manipud iti annak ni Ammon, agbalinto met a kukua ni Jehova,+ ket idatonkonto dayta kas daton a mapuoran.”+ 32  Gapuna naglasat ni Jefte agingga iti annak ni Ammon tapno makirupak kadakuada, ket inyawat ida ni Jehova iti imana. 33  Ket kinabilna ida manipud Aroer agingga iti Minnit+—duapulo a siudad—ken agingga iti Abel-keramim iti dakkel unay a pananggudas. Gapuna naparukma ti annak ni Ammon iti sanguanan ti annak ti Israel. 34  Kamaudiananna ni Jefte dimteng iti Mizpa+ iti pagtaenganna, ket, adtoy! ti anakna a babai rumrummuar a sumabet kenkuana buyogen ti panagtokar iti pandereta ken panagsala!+ Ita pudno unay nga isu idi ti kakaisuna nga anak. Malaksid kenkuana awananen iti uray anak a lalaki wenno anak a babai. 35  Ket naaramid nga idi naimatanganna, rinay-abna dagiti kawesna+ ket kinunana: “Ay, anakko! Pudno a pinagparintumengnak, ket sika nagbalinka nga inlaksidko. Ket siak—linuktak ti ngiwatko ken Jehova, ket saanko a kabaelan ti tumallikud.”+ 36  Ngem kinunana kenkuana: “Amak, no linuktam ti ngiwatmo ken Jehova, aramidem kaniak ti maitunos iti rimmuar iti ngiwatmo,+ yantangay ni Jehova nangipakat iti ar-aramid ti pammales maipaay kenka kadagiti kabusormo, ti annak ni Ammon.” 37  Ket intultuloyna a kunaen ken amana: “Bay-am a maaramid kaniak daytoy a banag: Bay-annak nga agmaymaysa iti dua a bulan, ket bay-annak a mapan, ket sumalogakto kadagiti bantay, ket bay-annak a sangitak ti kinabirhenko,+ siak ken ti babbai a kakaduak.” 38  Gapu itoy kinunana: “Mapanka!” Gapuna pinalubosanna iti dua a bulan; ket napan, isu ken ti babbai a kakaduana, ket sinangsangitanna ti kinabirhenna iti bambantay. 39  Ket naaramid iti ngudo ti dua a bulan nga isu nagsubli ken amana, a kalpasan dayta intungpalna ti karina nga inaramidna mainaig kenkuana.+ No maipapan kenkuana, saan a pulos nakidenna iti lalaki. Ket nagbalin nga alagaden iti Israel: 40  Iti tinawentawen mapan ti annak a babbai ti Israel tapno mangipaayda iti pammadayaw iti anak a babai ni Jefte a Galaadita, uppat nga aldaw iti makatawen.+

Footnotes