Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Uk-ukom 10:1-18

10  Ita kalpasan ni Abimelec timmakder a mangisalakan+ iti Israel ni Tola nga anak ni Pua, ti anak ni Dodo, maysa a lalaki ti Isacar, ket agnanaed idi idiay Samir iti nakabambantay a rehion ti Efraim.+  Ket intuloyna nga ukomen ti Israel iti duapulo ket tallo a tawen, a kalpasan dayta isu natay ket naitabon idiay Samir.  Idin iti kalpasanna timmakder ni Jair a Galaadita,+ ket intuloyna nga ukomen ti Israel iti duapulo ket dua a tawen.  Ket naaddaan iti tallopulo nga annak a nagsakay iti tallopulo a nataenganen nga asno,+ ken addaanda iti tallopulo a siudad. Ituloyda a naganen dagitoy iti Havot-jair+ agingga itoy nga aldaw; addada iti daga ti Galaad.  Kalpasan dayta natay ni Jair ket naitabon idiay Camon.  Ket inaramid manen ti annak ti Israel no ania ti dakes kadagiti mata ni Jehova,+ ket nangrugida nga agserbi kadagiti Baal+ ken kadagiti ladawan ni Astoret+ ken iti didios ti Siria+ ken iti didios ti Sidon+ ken iti didios ti Moab+ ken iti didios ti annak ni Ammon+ ken iti didios dagiti Filisteo.+ Gapuna pinanawanda ni Jehova ket saanda a nagserbi kenkuana.+  Gapu itoy gimmil-ayab ti unget ni Jehova iti Israel,+ iti kasta inlakona+ ida iti ima dagiti Filisteo+ ken iti ima ti annak ni Ammon.+  Ngarud binurak ken inrurumenda iti nakaro ti annak ti Israel iti dayta a tawen—iti sangapulo ket walo a tawen amin nga annak ti Israel nga adda iti igid ti Jordan iti daga dagiti Amoreo nga adda iti Galaad.  Ket ti annak ni Ammon ballasiwenda ti Jordan tapno makirupakda uray iti Juda ken Benjamin ken iti balay ni Efraim; ket naparigatan iti kasta unay ti Israel.+ 10  Ket ti annak ti Israel nangrugida nga umasug ken Jehova maipaay iti tulong,+ a kunkunada: “Nagbasolkami+ maikaniwas kenka, agsipud ta pinanawanmi ti Diosmi ket nagserbikami kadagiti Baal.”+ 11  Idin kinuna ni Jehova iti annak ti Israel: “Saan kadi a manipud Egipto+ ken manipud kadagiti Amoreo+ ken manipud iti annak ni Ammon+ ken manipud kadagiti Filisteo+ 12  ken kadagiti Sidonio+ ken Amalek+ ken Midian,+ idi inrurumendakayo+ ket imkiskayo kaniak, nga insalakankayo iti imada? 13  No maipapan kadakayo, binaybay-andak+ ket nagserbikayo kadagiti sabali a didios.+ Dayta ti makagapu a saankayton nga isalakan.+ 14  Mapankayo ket umasugkayo maipaay ti tulong iti didios+ a piniliyo.+ Bay-anyo nga isuda ti mangisalakan kadakayo iti tiempo ti rigatyo.” 15  Ngem ti annak ti Israel kinunada ken Jehova: “Nagbasolkami.+ Sika aramidem kadakami maitunos iti aniaman a naimbag kadagita matam.+ Isuna laeng ta ispalennakami, pangngaasim, itoy nga aldaw.”+ 16  Ket rinugianda nga ikkaten ti ganggannaet a didios iti tengngada+ ken agserbi ken Jehova,+ iti kasta ti kararuana+ di nakaanus gapu iti pakariribukan ti Israel.+ 17  Idi agangay naayaban nga agsangsangkamaysa ti annak ni Ammon+ ket nangibangonda iti pakarso idiay Galaad.+ Gapuna naguurnong ti annak ti Israel ket nangibangonda iti pakarso idiay Mizpa.+ 18  Ket dagiti umili ken dagiti prinsipe ti Galaad rinugianda a kunaen iti maysa ken maysa: “Siasino ti lalaki a mangidaulonto iti pannakirupak iti annak ni Ammon?+ Isu koma ti agbalin a pannakaulo dagiti amin nga agnanaed iti Galaad.”+

Footnotes