Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Tito 1:1-16

1  Ni Pablo, maysa nga adipen+ ti Dios ken maysa nga apostol+ ni Jesu-Kristo mayannurot iti pammati dagiti pinili+ ti Dios ken iti umiso a pannakaammo+ iti kinapudno+ a maitunos iti nadiosan a debosion+  maibatay iti namnama iti agnanayon a biag+ a ti Dios, a saanna a mabalin ti agulbod,+ inkarina kasakbayan dagiti nabayagen a tiempo,+  ngem kadagiti bukodna a naikeddeng a tiempo imparangarangna ti saona iti panangaskasaba a naitalek kaniak,+ iti sidong ti bilin ti Manangisalakantayo,+ ti Dios;  agpaay ken Tito, maysa a pudpudno nga anak+ mayannurot iti pammati a napagririnnanudan a sapasap: Maadda koma ti di kaikarian a kinamanangngaasi ken talna manipud iti Dios nga Ama+ ken ni Kristo Jesus a Manangisalakantayo.+  Gapu itoy a rason imbatika idiay Creta,+ tapno mapalintegmo ti bambanag nga addaan pakapilawan ken tapno makadutokka+ kadagiti lallakay iti tunggal siudad, kas imbilbilinko kenka;+  no adda asinoman a lalaki a siwayawaya iti pammabasol,+ asawa ti maymaysa a babai,+ addaan iti manamati nga annak a saan a napabasol iti kinagaramugam ket saanda met a nagulo.+  Ta ti manangaywan masapul a siwayawaya iti pammabasol+ kas mayordomo ti Dios,+ saan a manangipapilit,+ saan a nalaka nga agpungtot,+ saan a mammartek a mannakiapa,+ saan a manangkabil,+ saan a naagum iti nakusit a gunggona,+  no di ket managpadagus,+ managayat iti kinaimbag, nasimbeng iti panunot,+ nalinteg, nasungdo,+ managteppel,+  kumkumpet a sititibker iti matalek a sao no maipapan iti arte ti panangisurona,+ tapno mabalinanna agpadpada ti mamagbaga babaen iti sursuro a makapasalun-at+ ken mangtubngar+ kadagidiay sumupiat. 10  Ta adu ti nagulo a tattao, mannanao iti di makagunggona,+ ken manangallilaw iti panunot, nangnangruna dagidiay tattao a mangannurot iti pannakakugit.+ 11  Nasken a maapput ti ngiwngiwat dagitoy, ta dagitoy met laeng a tattao itultuloyda nga iluod dagiti intero a sangakabbalayan+ babaen ti panangisuro iti bambanag a saanda a rebbeng gapu iti nakusit a gunggona.+ 12  Ti maysa kadakuada, ti bukodda a mammadto, kinunana: “Dagiti Cretano kanayon a naulbodda, makadangran+ nga atap nga an-animal, buklis nga awanan pagsapulan.” 13  Daytoy a pangsaksi ket pudno. Gapu itoy itultuloymo a tubngaren ida buyogen ti kinainget,+ tapno nasalun-atda+ koma iti pammati, 14  a saanda nga ipangpangag ti sarsarita dagiti Judio+ ken bilbilin dagiti tattao+ a mangyadayo iti bagbagida iti kinapudno.+ 15  Amin a bambanag nadalusda iti nadalus a tattao.+ Ngem iti tattao a natulawan+ ken awanan pammati+ awan ti nadalus, no di ket agpadpada a natulawan dagiti panunotda ken dagiti konsiensiada.+ 16  Silalatak nga ideklarada nga ammoda ti Dios,+ ngem paglikudanda babaen kadagiti aramidda,+ agsipud ta nakarimrimon ken nasukirda ket saanda a naanamongan+ maipaay iti aniaman a kita ti naimbag nga aramid.

Footnotes