Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Santiago 5:1-20

5  Umaykayo, ita, dakayo a nabaknang a tattao,+ agsangitkayo, nga aganug-ogkayo gapu kadagiti ladingityo nga um-umay kadakayo.+  Ti kinabaknangyo narunot, ket dagiti makinruar a kawesyo kinnan ti sanga.+  Ti balitok ken pirakyo naglatida, ket ti latida kaslanto pangsaksi a maibusor kadakayo ket kanendanto ti nalasag a paspasetyo. Maysa a banag a kas apuy+ ti naidulinyo+ kadagiti maudi nga aldaw.+  Adtoy! Dagiti tangdan a maiparbeng kadagiti trabahador a nagani iti taltalonyo ngem inggawidyo,+ agtultuloyda nga agpukpukkaw,+ ket dagiti asug maipaay ti tulong+ iti biang dagiti managani nakastrekda kadagiti lapayag+ ni Jehova ti buybuyot.  Nagbiagkayo iti kinaluho iti rabaw ti daga ket naigamerkayo iti linalasag a ragragsak.+ Pinalukmegyo ti puspusoyo iti aldaw ti panagparti.+  Kinondenaryo, pinapatayyo daydiay nalinteg. Saannakayo kadi a busbusoren?+  Ngarud, watwatenyo ti kinaanus, kakabsat, agingga iti kaadda+ ti Apo. Adtoy! Ti mannalon agtultuloy nga agur-uray iti napateg a bunga ti daga, a watwatwatenna ti kinaanus iti dayta agingga a magun-odna ti nasapa a tudo ken ti naladaw a tudo.+  Watwatenyo met ti kinaanus;+ patibkerenyo ti puspusoyo, agsipud ta ti kaadda ti Apo ket immasidegen.+  Dikay agipeksa iti sensennaay maibusor iti maysa ken maysa, kakabsat, tapno saankay a maukom.+ Adtoy! Ti Ukom agtaktakder iti sanguanan dagiti ruangan.+ 10  Kakabsat, alaenyo kas pagtuladan+ iti panagsagaba iti dakes+ ken iti panangwatwat iti kinaanus+ dagiti mammadto,+ a nagsao iti nagan ni Jehova.+ 11  Adtoy! Kunaentayo a naragsak dagidiay nakapagibtur.+ Nangngegyo ti panagibtur ni Job+ ket nakitayo ti nagbanagan nga impaay ni Jehova,+ a ni Jehova nadungngo unay iti panagayat ken naasi.+ 12  Nupay kasta, kangrunaan iti isuamin, kakabsatko, isardengyo ti agsapata, wen, uray babaen ti langit wenno babaen ti daga wenno babaen ti aniaman a sabali a sapata.+ No di ket ti koma Wenyo kaipapananna ti Wen, ket ti Saanyo, Saan, tapno saankayo a matnag iti pannakaukom.+ 13  Adda aya asinoman kadakayo nga agsagsagaba iti dakes? Agtultuloy koma iti panagkararag.+ Adda aya asinoman a maragragsakan? Agkanta koma kadagiti salmo.+ 14  Adda aya asinoman a masaksakit kadakayo?+ Ayabanna koma dagiti lallakay+ iti kongregasion, ket ikararaganda koma, nga isu sapsapuanda iti lana+ iti nagan ni Jehova. 15  Ket ti kararag ti pammati paimbagennanto ti addaan sagubanit,+ ket isu ibangonto ni Jehova.+ Kasta met, no nakaaramid kadagiti basol, mapakawanto dayta kenkuana.+ 16  Gapuna sipapanayag nga ipudnoyo+ dagiti basolyo iti maysa ken maysa ket ikararaganyo ti maysa ken maysa, tapno maimbagankayo.+ Ti araraw ti nalinteg a tao, no agtigtignay dayta, aduan iti puersa.+ 17  Ni Elias maysa idi a tao nga addaan rikna a kas kadatayo,+ ket kaskasdi iti kararag inkararagna a saan nga agtudo;+ ket saan a nagtudo iti rabaw ti daga iti tallo a tawen ken innem a bulan. 18  Ket nagkararag manen, ket ti langit nangted iti tudo ket ti daga pinataudna ti bungana.+ 19  Kakabsatko, no ti asinoman kadakayo nayaw-awan manipud iti kinapudno ket isu mapasubli ti sabali,+ 20  ammuenyo koma a ti mamagsubli iti managbasol manipud iti biddut+ ti dalanna isalakannanto ti kararuana manipud ipapatay+ ket abbongannanto ti nakaad-adu a basol.+

Footnotes