Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Santiago 3:1-18

3  Saan koma nga adu kadakayo ti agbalin a mannursuro,+ kakabsatko, ta ammoyo nga awatentayo ti nadagdagsen a pannakaukom.+  Ta maitibkoltayo amin iti adu a daras.+ No ti asinoman saan a maitibkol iti sao,+ daytoy ket perpekto a tao,+ a kabaelanna met a ngedngedan ti intero a bagina.  No mangikabiltayo kadagiti pangngednged+ kadagiti ngiwat dagiti kabalio tapno agtulnogda kadatayo,+ maiturongtayo met ti intero a bagida.  Adtoy! Uray dagiti barangay, nupay dadakkelda unay ken iduron dagiti napigsa nga angin, maiturongda babaen iti bassit unay a timon+ iti sadinoman a kayat a pangiturongan ti tao nga adda iti pagtimonan.  Kasta met, ngarud, ti dila ket bassit a kameng ngem nupay kasta agaramid kadagiti dadakkel a kinapangas.+ Adtoy! Anian a nagbassit nga apuy ti kasapulan a panguram iti dakkel unay a kakaykaywan!  Ala ket, ti dila maysa nga apuy.+ Ti dila maibilang a maysa a lubong ti kinakillo iti tengnga ti kamkamengtayo, ta mulitanna ti intero a bagi+ ket pasgedanna ti pilid ti nakaisigudan a biag ket pasgedan dayta ti Gehenna.  Ta tunggal kakikita ti atap nga animal kasta met ti tumatayab ken agkarkarayam a banag ken parsua iti baybay mapaamo ken napaamon ti tao.+  Ngem ti dila, awan asinoman iti sangatauan ti makapaamo iti dayta. Maysa a di matngelan a makadangran a banag, napno dayta iti makapapatay a sabidong.+  Babaen iti dayta bendituentayo ni Jehova,+ ti mismo nga Ama,+ ket kaskasdi a babaen iti dayta ilunodtayo+ dagiti tattao a napaadda “a kalanglanga ti Dios.”+ 10  Manipud iti isu met laeng a ngiwat rummuar ti pamendision ken panangilunod. Saan nga umiso, kakabsatko, a dagitoy a banag agtultuloy a kastoy ti pannakapasamakda.+ 11  Ti maysa nga ubbog+ ipussuakna kadi ti nasam-it ken ti napait manipud iti isu met laeng nga abut? 12  Kakabsatko, mabalin kadi ti kayo a higos ti mangpataud kadagiti olibo wenno ti kayo nga ubas kadagiti higos?+ Uray ti naapgad a danum saan a makapataud iti nasam-it a danum. 13  Siasino ti masirib ken mannakaawat kadakayo? Ipakitana koma manipud iti nasayaat a kababalinna dagiti aramidna+ buyogen ti kinaalumamay a kukua ti sirib. 14  Ngem no addaankayo iti napait nga imon+ ken rinnupir+ kadagiti pusoyo, dikay agpangas+ ken agulbod maibusor iti kinapudno.+ 15  Saan nga isu daytoy ti sirib a bumaba manipud ngato,+ no di ket isu ti naindagaan,+ inaanimal, sinasairo.+ 16  Ta no sadino ti ayan ti imon+ ken rinnupir, adda sadiay ti riribuk ken isuamin a nakadakdakes a banag.+ 17  Ngem ti sirib+ manipud ngato umuna iti amin nadalus,+ kalpasanna natalna,+ nainkalintegan,+ sisasagana nga agtulnog, napno iti asi ken naimbag a bungbunga,+ saan a mangpataud kadagiti panangidumduma,+ saan a managinsisingpet.+ 18  Mainayon pay, ti bunga+ ti kinalinteg+ naimula ti bin-ina iti sidong dagiti natalna+ a kasasaad maipaay kadagidiay agar-aramid ti talna.+

Footnotes