Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Santiago 2:1-26

2  Kakabsatko, salsalimetmetanyo aya ti pammati ni Apotayo a Jesu-Kristo, ti dayagtayo,+ buyogen ti ar-aramid ti paboritismo?+  Ta, no ti maysa a tao nga addaan kadagiti balitok a singsing iti ramramayna ken nangayed ti pagan-anayna sumrek iti taripnongyo,+ ngem ti maysa a napanglaw a tao a narugit ti pagan-anayna sumrek met,+  kaskasdi kumitakayo buyogen ti panangpabor+ iti daydiay sikakawes iti nangayed a pagan-anay ket kunaenyo: “Agtugawka ditoy nasayaat a lugar,” ket kunaenyo iti daydiay napanglaw: “Agtalinaedka a sitatakder,” wenno: “Agtugawka sadiay iti babaen ti pagbatayan ti sakak,”  iti nagtetengngaanyo addaankayo kadagiti panamaglalasin gapu iti saad iti panagbiag+ ket nagbalinkayo nga uk-ukom+ a mangipapaay kadagiti nadangkes a pangngeddeng,+ saan aya a kasta?  Agimdengkayo, dungdungnguek a kakabsat. Saan aya a ti Dios pinilina dagidiay napanglaw+ maipapan iti lubong tapno agbalinda a nabaknang+ iti pammati ken agtawid iti pagarian, nga inkarina kadagidiay agayat kenkuana?+  Nupay kasta, imbabainyo ti napanglaw a tao. Saan kadi a dagiti nabaknang irurumendakayo,+ ket ulod-ulodendakayo iti saklang dagiti pangukoman?+  Saan kadi a tabbaawanda+ ti nasayaat a nagan a nakaawaganyo?+  Ita, no annurotenyo ti panangtungpal iti naarian a linteg+ sigun iti kasuratan: “Masapul nga ayatem ti padam a tao a kas iti bagim,”+ naimbag unay ti ar-aramidenyo.  Ngem no agtultuloykayo a mangipakita iti paboritismo,+ agar-aramidkayo iti basol, ta tubngarennakayo ti linteg+ kas managsalungasing. 10  Ta siasinoman a mangtungpal iti isuamin a Linteg ngem makaaramid iti di umiso nga addang iti maysa a punto, isu nagbalin a managlabsing kadakuada amin.+ 11  Ta ti nagkuna: “Dika makikamalala,”+ kinunana met: “Dika mamapatay.”+ Ita, no dika makikamalala ngem mamapatayka, nagbalinka a managsalungasing iti linteg. 12  Itultuloyyo ti agsao iti kasta a wagas ken itultuloyyo ti agaramid iti kasta a wagas a kas kadagidiay maukom babaen iti linteg ti siwayawaya nga ili.+ 13  Ta daydiay saan a mangannurot iti asi awatennanto ti pannakaukomna nga awanan asi.+ Ti asi agragsak a sibaballigi a mangringbaw iti panangukom. 14  Ania ti pagimbaganna, kakabsatko, no kunaen ti maysa nga adda pammatina+ ngem awan ar-aramidna?+ Makaisalakan kadi kenkuana dayta a pammati?+ 15  No ti kabsat a lalaki wenno kabsat a babai a lamolamo ti kasasaadna ket agkurang iti taraon nga umdas a maipaay iti aldaw,+ 16  ngem ti maysa kadakayo kunaenna kadakuada: “Mapankayo a sitatalna, aginudo ken agbussogkayo,” ngem saanyo nga ited kadakuada dagiti masapsapul a maipaay iti bagida, ania ti pagimbagan dayta?+ 17  Ngarud, kasta met, ti pammati, no awan ar-aramidna,+ ket natay a mismo. 18  Nupay kasta, kunaento ti maysa: “Sika adda pammatim, ket siak adda ar-aramidko. Ipakitam kaniak ti pammatim a naisina kadagiti aramid, ket ipakitak kenka ti pammatik babaen kadagiti aramidko.”+ 19  Patiem kadi nga adda maymaysa a Dios?+ Naimbag unay ti ar-aramidem. Ket kaskasdi a mamati dagiti sairo ken agpigergerda.+ 20  Ngem kayatmo kadi a maammuan, O maag a tao, a ti pammati a naisina kadagiti aramid ket di aktibo? 21  Saan kadi a ni Abraham nga amatayo+ naideklara a nalinteg babaen kadagiti aramid kalpasan a naidatonna ni Isaac nga anakna iti rabaw ti altar?+ 22  Makitam a ti pammatina nagtignay a maibuyog iti ar-aramidna ket babaen iti ar-aramidna naan-anay ti pammatina,+ 23  ket natungpal ti kasuratan a kunana: “Ni Abraham naaddaan iti pammati ken Jehova, ket naibilang dayta kenkuana kas kinalinteg,”+ ket isu naawagan “gayyem ni Jehova.”+ 24  Makitayo a ti maysa a tao maideklara a nalinteg+ babaen kadagiti aramid,+ ket saan a babaen iti pammati laeng.+ 25  Iti isu met laeng a pamay-an saan kadi a ni Rahab+ a balangkantis naideklara met a nalinteg babaen kadagiti aramid, kalpasan nga inawatna buyogen ti kinamanagpadagus dagiti mensahero ket pinaruarna ida iti sabali a dalan?+ 26  Pudno unay, no kasano a ti bagi nga awanan espiritu ket natay,+ kasta met a ti pammati nga awanan ar-aramid natay.+

Footnotes