Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Salmo 98:1-9

Samiweng. 98  Kantaanyo ni Jehova iti baro a kanta,+ Ta nakaskasdaaw ti bambanag nga inaramidna.+ Ti makannawan nga imana, uray ti nasantuan a takiagna, nakagun-od iti panangisalakan maipaay kenkuana.+   Ni Jehova impakaammona ti panangisalakanna;+ Iti matmata dagiti nasion impalgakna ti kinalintegna.+   Linagipna ti naayat a kinamanangngaasina ken ti kinamatalekna iti balay ti Israel.+ Amin dagiti ungto ti daga nakitada ti panangisalakan ti Diostayo.+   Agdir-ikayo a sibaballigi ken Jehova, dakayo amin a tattao iti daga.+ Maay-ayatankayo unay ken agdir-ikayo a sirarag-o ket mangipaaykayo iti samiweng.+   Mangipaaykayo iti samiweng ken Jehova babaen iti arpa,+ Babaen iti arpa ken iti timek ti samiweng.+   Babaen kadagiti trumpeta ken iti uni ti tangguyob+ Agdir-ikayo a sibaballigi iti sanguanan ti Ari, ni Jehova.   Agdaranudor koma ti baybay ken daydiay linaonna,+ Ti nabunga a daga ken dagidiay agnanaed iti dayta.+   Dagiti met laeng karayan agtipatda koma; Sangsangkamaysa koma nga agdir-i a sirarag-o dagiti mismo a bantay+   Iti sanguanan ni Jehova, ta isu dimtengen a mangukom iti daga.+ Ukomennanto ti nabunga a daga buyogen ti kinalinteg+ Ken dagiti ili buyogen ti kinapalungdo.+

Footnotes