Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Salmo 97:1-12

97  Ni met laeng Jehova nagbalinen nga ari!+ Agrag-o koma ti daga.+ Agragsak koma dagiti adu nga isla.+   Dagiti ulep ken napuskol a daguyemyem addada iti intero nga aglikmutna;+ Ti kinalinteg ken panangukom isuda ti naipasdek a disso ti tronona.+   Iti sanguananna adda apuy a mapan a mismo,+ Ket ibusenna dagiti kabusorna iti intero nga aglikmut.+   Dagiti kimatna linawaganda ti nabunga a daga;+ Nakita ti daga ket nagrigat iti nakaro.+   Dagiti met laeng bantay nalunagda a kas iti allid maigapu ken Jehova,+ Maigapu iti Apo ti intero a daga.+   Ti langlangit insaritada ti kinalintegna,+ Ket amin dagiti ili nakitada ti dayagna.+   Mabainan koma amin dagidiay agserserbi iti aniaman a kinitikitan a ladawan,+ Dagidiay nga agpaspasindayag mainaig kadagiti awanan pateg a didios.+ Agruknoykayo kenkuana, dakayo amin a didios.+   Nangngeg ti Sion ket nangrugi nga agragsak,+ Ket dagiti agpampannuray nga ili ti Juda nangrugida nga agrag-o+ Gapu kadagiti hudisial a pangngeddengmo, O Jehova.+   Ta sika, O Jehova, ti Kangatuan iti intero a daga;+ Nangatoka unay iti pannakaitan-okmo iti ngatuen dagiti amin a sabali a didios.+ 10  O dakayo a managayat ken Jehova,+ guraenyo ti dakes.+ Saluadanna dagiti kararua dagidiay nasungdona;+ Iti ima dagidiay nadangkes ispalenna ida.+ 11  Ti met laeng silaw nagsilnag maipaay iti daydiay nalinteg,+ Ken ti panagrag-o maipaay a mismo kadagidiay napalungdo iti puso.+ 12  Agrag-okayo ken Jehova, O dakayo a nalinteg,+ Ket agyamankayo iti nasantuan a pakalaglagipanna.+

Footnotes