Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Salmo 96:1-13

96  Kantaanyo ni Jehova iti baro a kanta.+ Kantaanyo ni Jehova, dakayo amin a tattao iti daga.+   Kantaanyo ni Jehova, bendituenyo ti naganna.+ Iti inaldaw-aldaw ibagayo ti naimbag a damag ti panangisalakanna.+   Ti dayagna ideklarayo kadagiti nasion,+ Kadagiti amin nga ili ti nakaskasdaaw nga ar-aramidna.+   Ta ni Jehova naindaklan+ ken maidaydayaw iti kasta unay. Isu nakaam-amak iti ngatuen dagiti amin a sabali a didios.+   Ta amin dagiti didios ti il-ili didiosda nga awanan pateg;+ Ngem no maipapan ken Jehova, inaramidna ti mismo a langlangit.+   Dayaw ken kinangayed addada iti sanguananna;+ Pigsa ken kinapintas addada iti santuariona.+   Ipaayyo ken Jehova, O dakayo a pampamilia dagiti ili,+ Ipaayyo ken Jehova ti dayag ken pigsa.+   Ipaayyo ken Jehova ti dayag a kukua ti naganna;+ Mangawitkayo iti sagut ket sumrekkayo kadagiti paraanganna.+   Agruknoykayo ken Jehova buyogen ti arkos a nasantuan;+ Agrigatkayo iti nakaro gapu kenkuana, dakayo amin a tattao iti daga.+ 10  Sawenyo iti tengnga dagiti nasion: “Ni met laeng Jehova nagbalinen nga ari.+ Ti nabunga a daga maipaspasdek met a sititibker tapno saan a mapagdiwengdiweng.+ Irupirnanto ti kalintegan dagiti ili iti kinapalungdo.”+ 11  Agragsak koma ti langlangit, ket agrag-o koma ti daga.+ Agkudduor koma ti baybay ken daydiay mangpunno iti dayta.+ 12  Agrag-o koma ti nawayang a tay-ak ken ti isuamin nga adda iti dayta.+ Kabayatanna agriaw koma a sirarag-o dagiti amin a kayo iti bakir+ 13  Iti sanguanan ni Jehova. Ta isu dimtengen;+ Ta isu dimtengen a mangukom iti daga.+ Ukomennanto ti nabunga a daga buyogen ti kinalinteg+ Ken dagiti ili buyogen ti kinamatalekna.+

Footnotes