Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Salmo 92:1-15

Samiweng, kanta, maipaay iti aldaw ti sabbath. 92  Nasayaat ti agyaman ken Jehova+ Ken ti mangipaay iti samiweng iti naganmo, O Kangatuan;+   Ti mangisarita iti bigat maipapan iti naayat a kinamanangngaasim+ Ken maipapan iti kinamatalekmo bayat dagiti rabii,+   Iti sangapulo ti kuerdasna a pagtokar ken iti salterio,+ Babaen iti agallungogan a musika iti arpa.+   Ta pinagrag-onak, O Jehova, gapu iti aramidmo; Gapu iti ar-aramid dagita imam agdir-iak a sirarag-o.+   Anian a naindaklan ti ar-aramidmo, O Jehova!+ Nauneg unay dagiti panunotmo.+   Awan asinoman nga awanan nakem a tao ti makaammo kadakuada,+ Ket awan ti maag a makatarus iti daytoy.+   No agtubo dagidiay nadangkes kas iti mulmula+ Ket rumangpaya dagiti amin a managaramid iti makapasakit, Dayta ket tapno matalipuposda iti agnanayon.+   Ngem addaka iti ngato agingga iti tiempo a di nakedngan, O Jehova.+   Ta, adtoy! dagiti kabusormo, O Jehova,+ Ta, adtoy! dagiti bukodmo a kabusor mapukawdanto;+ Amin dagiti managaramid iti makapasakit mapagsisinadanto iti maysa ken maysa.+ 10  Ngem itan-okmonto ti sarak kas iti sara ti maysa nga atap a toro;+ Babasaekto ti bagik iti kabbaro a lana.+ 11  Ket ti matak kitaennanto dagiti kadangadangko;+ Dagiti lapayagko mangngegdanto ti maipapan kadagidiay mismo a tumakder a bumusor kaniak, dagiti managaramid iti dakes. 12  Ti met laeng nalinteg rumangpayanto kas iti panagrangpaya ti maysa a kayo a palma;+ Kas iti idadakkel ti maysa a sedro iti Libano, isu dumakkelto.+ 13  Dagidiay a naimula iti balay ni Jehova,+ Kadagiti paraangan ti Diostayo,+ rumangpayadanto. 14  Agtultuloydanto pay nga agbarusbos bayat ti kinaubanan,+ Agtultuloydanto a nalukmeg ken nasalibukag,+ 15  A mangibaga a ni Jehova nalinteg.+ Isu ti Batok,+ a kenkuana awan ti kinakillo.+

Footnotes