Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Salmo 90:1-17

Kararag ni Moises, ti lalaki ti pudno a Dios.+ 90  O Jehova, sika nagbalinka a pudpudno a pagnaedan maipaay kadakami+ Bayat ti kinapkaputotan.+   Sakbay a nayanak ti mismo a bambantay,+ Wenno impasngaymo ti daga+ ken ti nabunga a daga+ a kasla nabuyogan kadagiti panagpasikal, Manipud a mismo iti tiempo a di nakedngan agingga iti tiempo a di nakedngan sika ti Dios.+   Pagsubliem ti mortal a tao iti narumek a banag,+ Ket kunaem: “Agsublikayo, dakayo nga annak ti tattao.”+   Ta ti sangaribu a tawen kaslada idi kalman laeng kadagita matam no mapalabasen,+ Ken kasla iti maysa a panagbantay bayat ti rabii.+   Pinunasmo ida;+ nagbalinda a turog laeng;+ Iti bigat kaslada iti berde a ruot nga agbaliw.+   Iti bigat mangpataud kadagiti sabong ket masapul nga agbaliw;+ Iti rabii malaylay ket pudno unay a magango.+   Ta nagngudokami iti ungetmo,+ Ket gapu iti pungtotmo naburiborkami.+   Insaadmo dagiti biddutmi iti mismo a sanguanam,+ Ti nailemmeng a bambanagmi iti sanguanan ti naraniag a rupam.+   Ta amin dagiti aldawmi immababada iti rungsotmo;+ Nalpasmi dagiti tawenmi a kasla arasaas laeng.+ 10  Kadakuada met laeng pitopulo a tawen dagiti aldaw ti tawtawenmi;+ Ket no gapu iti naisangsangayan a kinabileg walopuloda a tawen,+ Kaskasdi a ti panagreggetda agbanag laeng iti riribuk ken makapasakit a bambanag;+ Ta sidadaras a lumabas dayta, ket tumayabkamin.+ 11  Siasino ti makaammo iti pigsa ti ungetmo+ Ken ti rungsotmo maitunos iti panagbuteng kenka?+ 12  Ipakitam kadakami no kasano a bilangen dagiti aldawmi iti wagas+ A magun-odmi ti puso a masirib.+ 13  Agsublika, O Jehova!+ Kasanonto kabayag dayta?+ Ket agladingitka gapu kadagiti adipenmo.+ 14  Iti bigat pennekennakami iti naayat a kinamanangngaasim,+ Tapno makapagdir-ikami a siraragsak ken makapagrag-okami bayat dagiti amin nga aldawmi.+ 15  Pagrag-oennakami a maitupag iti al-aldaw a panangparigatmo kadakami,+ Ti tawtawen a pannakakitami iti didigra.+ 16  Ti aramidmo agparang koma kadagiti bukodmo nga adipen+ Ken ti kinangayedmo iti annakda.+ 17  Ket ti kinamakaay-ayo ni Jehova a Diosmi adda koma kadakami,+ Ken ti aramid dagiti imami ipasdekmo a sititibker kadakami.+ Wen, ti aramid dagiti imami, ipasdekmo a sititibker dayta.+

Footnotes