Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Salmo 9:1-20

Iti mangiwanwanwan iti Muth-labben. Samiweng ni David. א [ʼAʹlef] 9  Idayawkanto, O Jehova, buyogen ti isuamin a pusok;+ Ideklarakto ti amin a nakaskasdaaw nga ar-aramidmo.+   Agrag-oakto ken agragsakak kenka,+ Mangipaayakto iti samiweng iti naganmo, O Kangatuan.+ ב [Beth]   Inton agbaw-ing dagiti kabusorko,+ Maitibkoldanto ken mapukawda manipud sanguanam.+   Ta impakatmo ti pannakaukomko ken ti irupirko;+ Nagtugawka iti trono a manguk-ukom buyogen ti kinalinteg.+ ג [Giʹmel]   Binabalawmo dagiti nasion,+ dinadaelmo daydiay nadangkes.+ Ti naganda pinunasmo agingga iti tiempo a di nakedngan, iti mismo nga agnanayon.+   O sika a kabusor, dagiti panaglangalangmo dimteng iti agnanayon a panagpatinggada,+ Ken dagiti siudad a pinarutmo.+ Ti mismo a pannakadakamat kadakuada sigurado a mapukawto.+ ה [Heʼ]   No maipapan ken Jehova, agtugawto agingga iti tiempo a di nakedngan,+ Nga ipasdekna a sititibker ti tronona maipaay iti mismo a panangukom.+   Ket isu ukomennanto ti nabunga a daga buyogen ti kinalinteg;+ Dagiti nasional a bunggoy usigennanto iti pangukoman buyogen ti kinapalungdo.+ ו [Waw]   Ket ni Jehova agbalinto a natalged a kamang maipaay iti asinoman a nailupitlupit,+ Natalged a kamang kadagiti tiempo ti riribuk.+ 10  Ket agtalekto kenka dagidiay makaam-ammo iti naganmo,+ Ta pudno unay a saanmonto a baybay-an dagidiay mangbirbirok kenka, O Jehova.+ ז [Zaʹyin] 11  Mangipaaykayo iti samiweng ken Jehova, nga agnanaed iti Sion;+ Ibagayo kadagiti ili ti ar-aramidna.+ 12  Ta, no agsapsapul iti panagibukbok iti dara,+ pudno unay a malagipnanto dagidiay a mismo;+ Sigurado a saanna a malipatan ti ikkis dagidiay naparigatan.+ ח [Cheth] 13  Ipaayannak iti parabur, O Jehova; kitaem ti pannakaparigatko babaen kadagidiay manggurgura kaniak,+ O sika a mangaon kaniak kadagiti ruangan ni patay,+ 14  Tapno iti kasta maideklarak amin dagiti nadayaw nga aramidmo+ Kadagiti ruangan+ ti anak a babai ti Sion,+ Tapno makapagrag-oak iti panangisalakanmo.+ ט [Teth] 15  Dagiti nasion nailumlomda iti abut nga inaramidda;+ Iti iket+ nga inlemmengda, ti bukodda a saka natiliw.+ 16  Ni Jehova naammuan babaen ti panangukom nga impakatna.+ Babaen iti aramid dagiti bukodna nga ima nasiluan daydiay nadangkes.+ Higgaion. Selah. י [Yodh] 17  Dagiti nadangkes+ a tattao agsublidanto idiay Sheol,+ Uray pay amin dagiti nasion a manglipat iti Dios.+ 18  Ta saanto a kanayon a malipatan daydiay napanglaw,+ Saanto met a pulos mapukaw ti namnama dagidiay naemma.+ כ [Kaf] 19  Tumakderka, O Jehova! Ti mortal a tao saan koma nga agbalin a nabilbileg iti pigsa.+ Dagiti nasion maukomda koma iti sanguanam.+ 20  Ikabilmo kadakuada ti panagbuteng, O Jehova,+ Tapno dagiti nasion maammuanda a mortalda laeng a tattao.+ Selah.

Footnotes