Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Salmo 89:1-52

Maskil. Ni Etan nga Ezrahita.+ 89  Dagiti ebkas ti naayat a kinamanangngaasi ni Jehova kantaekto agingga a mismo iti tiempo a di nakedngan.+Iti kinapkaputotan ipakaammokto ti kinamatalekmo babaen iti ngiwatko.+   Ta kinunak: “Ti naayat a kinamanangngaasi agtalinaedto a naibangon agingga a mismo iti tiempo a di nakedngan;+No maipapan iti langlangit, pagtalinaedem ti kinamatalekmo a naipasdek a sititibker kadakuada.”+   “Namatalgedak iti tulag iti daydiay pinilik;+Insapatak ken David nga adipenko,+   ‘Agingga a mismo iti tiempo a di nakedngan ipasdekkonto a sititibker ti bin-im,+Ket bangonekto ti tronom+ iti kinapkaputotan.’” Selah.   Ket ti langlangit idayawdanto ti nakaskasdaaw nga aramidmo, O Jehova,+Wen, ti kinamatalekmo iti kongregasion dagidiay sasanto.   Ta siasino idiay tangatang ti mabalin nga ipadis ken Jehova?+Siasino ti mabalin nga umarngi ken Jehova iti annak ti Dios?+   Ti Dios mapagamkan iti tengnga ti nasinged a bunggoy dagidiay sasanto;+Isu naindaklan ken nakaam-amak kadagiti amin nga adda iti aglikmutna.+   O Jehova a Dios ti buybuyot,+Siasino ti nakired a kas kenka, O Jah?+Ket ti kinamatalekmo adda iti intero nga aglikmutmo.+   Iturturayam ti panagbalegbeg ti baybay;+No ingatona dagiti dalluyonna sika paglinakem ida.+ 10  Sika rinumekmo ti Rahab,+ kas met laeng iti maysa a napapatay.+Babaen iti takiag ti pigsam inwarawaram dagiti kabusormo.+ 11  Ti langit kukuam,+ kasta met ti daga kukuam;+Ti nabunga a daga ken ti mangpunno iti dayta+—sika imbangonmo ida.+ 12  Ti amianan ken ti abagatan—sika pinarsuam ida;+Ti Tabor+ ken Hermon+—iti naganmo agdir-ida a sirarag-o.+ 13  Ti takiag a napakuyogan iti kinamannakabalin kukuam,+Ti imam napigsa,+Ti makannawan nga imam natan-ok.+ 14  Ti kinalinteg ken panangukom isuda ti naipasdek a disso ti tronom;+Ti met laeng naayat a kinamanangngaasi ken kinapudno umay iti sanguanan ta rupam.+ 15  Naragsak dagiti umili a makaammo iti narag-o a panagdir-i.+O Jehova, iti lawag ta rupam magmagnada.+ 16  Iti naganmo agrag-oda iti intero nga agmalem+Ket iti kinalintegmo maitan-okda.+ 17  Ta sika ti pintas ti pigsada;+Ket babaen iti naimbag a nakemmo maitan-ok ti sarami.+ 18  Ta ti kalasagmi kukua ni Jehova,+Ket ti arimi kukua Daydiay Santo ti Israel.+ 19  Iti dayta a tiempo nagsaoka iti maysa a sirmata kadagidiay nasungdom,+Ket kinunam:“Nangisaadak ti saranay iti maysa a mannakabalin;+Nangitan-okak iti maysa a napili manipud tengnga dagiti umili.+ 20  Nasarakak ni David nga adipenko;+Babaen iti nasantuan a lanak isu pinulotak,+ 21  A kenkuana ti bukodko nga ima natibkerto,+A papigsaento met ti bukodko a takiag.+ 22  Awanto ti kabusor a mangyetnag kadagiti kalikagum kenkuana,+Awanto ti uray asinoman nga anak ti kinakillo a mangparigat kenkuana.+ 23  Ket manipud sanguananna rinumekrumekko dagiti kalabanna,+Ket dagidiay nakaro ti pananggurada kenkuana kinabkabilko.+ 24  Ket ti kinamatalekko ken ti naayat a kinamanangngaasik addada kenkuana,+Ket iti naganko maitan-ok ti sarana.+ 25  Ket iti baybay insaadko ti imana+Ken kadagiti karayan ti makannawan nga imana.+ 26  Isu agpukkaw kaniak, ‘Sika ti Amak,+Ti Diosko+ ken ti Bato ti pannakaisalakanko.’+ 27  Kasta met, siak isaadkonto kas inauna,+Ti kangatuan iti ar-ari ti daga.+ 28  Agingga iti tiempo a di nakedngan italimengkonto ti naayat a kinamanangngaasik maipaay kenkuana,+Ket ti tulagko matalekto kenkuana.+ 29  Ket pudno unay nga ipasdekkonto ti bin-ina iti agnanayon+Ken ti tronona kas iti al-aldaw ti langit.+ 30  No ti annakna baybay-anda ti lintegko+Ket kadagiti hudisial a pangngeddengko saanda a magna,+ 31  No tabbaawanda dagiti bukodko a paglinteganKet saanda a salimetmetan dagiti bukodko a bilin, 32  Masapul met nga iturongko ti asikasok iti salungasingda babaen a mismo iti pagbaut+Ken iti biddutda babaen a mismo kadagiti pannaplit.+ 33  Ngem ti naayat a kinamanangngaasik saankonto nga isina kenkuana,+Saanakto met nga agbalin nga ulbod no maipapan iti kinamatalekko.+ 34  Saankonto a tabbaawan ti tulagko,+Ket ti ebkas manipud kadagiti bibigko saankonto a baliwan.+ 35  Iti naminsan nagsapataakon iti kinasantok,+Ken David saanakto nga agibaga kadagiti kinaulbod.+ 36  Ti met laeng bin-ina addanto uray pay agingga iti tiempo a di nakedngan,+Ken ti tronona kas iti init iti sanguanak.+ 37  Kas iti bulan maipasdekto dayta a sititibker iti tiempo a di nakedngan,Ken kas maysa a matalek a saksi kadagiti tangatang.” Selah. 38  Ngem sika—nangiwaksika ken nagtultuloyka a marimon;+Nagbalinka a narungsot iti daydiay pinulotam.+ 39  Inkugtarmo ti tulag ti adipenmo;Tinabbaawam ti balangatna agingga iti mismo a daga.+ 40  Rinebbam dagiti amin a kulonganna a bato;+Inkabilmo dagiti sarikedkedna iti pannakarba.+ 41  Isu kinamkam amin dagidiay lumablabas iti dalan;+Isu nagbalin a maysa nga um-umsien dagiti kaarrubana.+ 42  Intan-okmo ti makannawan nga ima dagiti kalabanna;+Pinagrag-om dagiti amin a kabusorna.+ 43  Kanayonanna, trinatom manen ti kampilanna kas maysa a kadangadang,+Ket isu saanmo a pinagrang-ay iti bakal.+ 44  Pinagsardengmo iti kinaraniagna,+Ket ti tronona impalladawmo agingga iti mismo a daga.+ 45  Pinaababam dagiti aldaw ti kinaagtutubona;Isu binalkutmo iti bain.+ Selah. 46  Kasanonto kabayag, O Jehova, ti panagtalinaedmo a silelemmeng? Iti agnanayon?+Ti pungtotmo agtultuloyto kadi a sumged kas iti apuy?+ 47  Lagipem ti kaababa ti biagko.+Iti kinaubbaw amin aya a pinarsuam dagiti amin nga annak ti tattao?+ 48  Asino a nabaneg a lalaki ti adda a sibibiag a saanto a makakita iti ipapatay?+Mailisina aya ti kararuana iti ima ti Sheol?+ Selah. 49  Sadino ti ayan dagiti immun-una nga aramidmo a naayat a kinamanangngaasi, O Jehova,A maipapan kadagita nagsapataka ken David iti kinamatalekmo?+ 50  Lagipem, O Jehova, ti pannakaumsi dagiti adipenmo,+Ti panangawitko iti barukongko ti panangumsi amin dagiti adu nga ili,+ 51  No kasano nga inumsi dagiti kabusormo, O Jehova,+No kasano nga inumsida dagiti tugot daydiay pinulotam.+ 52  Bendito koma ni Jehova agingga iti tiempo a di nakedngan. Amen ken Amen.+

Footnotes