Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Salmo 88:1-18

Kanta, samiweng ti annak ni Kore. Iti mangiwanwanwan iti Mahalat maipaay kadagiti panangsungbat. Maskil ni Heman+ nga Ezrahita. 88  O Jehova, ti Dios ti pannakaisalakanko,+ Iti aldaw imkisak,+ Kasta met iti rabii iti sanguanam.+   Iti sanguanam umayto ti kararagko.+ Iyallingagmo ti lapayagmo iti agpakpakaasi nga ikkisko.+   Ta ti kararuak napnuanen iti didigra,+ Ket ti mismo a biagko dimmekket uray pay ken Sheol.+   Naibilangak kadagidiay bumabbaba iti abut;+ Nagbalinak a kas iti maysa a nabaneg a lalaki nga awanan pigsa,+   Nawayawayaan iti tengnga dagiti mismo a natay,+ Kas kadagidiay napapatay nga agid-idda iti lugar a pagitabonan,+ Isuda a saanmo a linagipen Ken naisina iti bukodmo a manangtulong nga ima.+   Inkabilnak iti abut dagiti nababa unay a kaadalman, Kadagiti nasipnget a lugar, iti nalawa a yuyeng.+   Dimmupag kaniak ti pungtotmo,+ Ket kadagiti amin nga agdissuor a dalluyonmo pinarigatnak.+ Selah.   Inyadayom kaniak dagiti am-ammok;+ Insaadnak kas maysa a banag a nakarimrimon unay kadakuada.+ Mapawpawilanak ket saanak a makaruar.+   Ti bukodko a mata kimmapuy gapu iti rigatko.+ Immawagak kenka, O Jehova, iti intero nga agmalem;+ Kenka inyukradko dagiti dakulapko.+ 10  Maipaay kadagidiay a natayen mangaramidkanto kadi iti pagsidsiddaawan?+ Wenno dagidiay met laeng inutil ken patay bumangondanto kadi,+ Idayawdakanto kadi?+ Selah. 11  Ti naayat a kinamanangngaasim maideklaranto kadi iti mismo a lugar a pagitabonan, Ti kinamatalekmo iti lugar ti pannakadadael?+ 12  Ti pagsidsiddaawan nga inaramidmo maammuanto kadi iti mismo a sipnget,+ Wenno ti kinalintegmo iti daga ti tagilipat?+ 13  Ket kaskasdi kenka, O Jehova, siak nagpatulongak,+ Ket iti bigat sangsanguennaka ti bukodko a kararag.+ 14  Apay ngata, O Jehova, nga iwaksim ti kararuak?+ Apay a pagtalinaedem a sililinged ti rupam manipud kaniak?+ 15  Naparigatanak ken mauyosen ti biagko manipud kinaubing nga agpatpatuloy;+ Inanusak iti kasta unay dagiti nakaal-aliaw a banag manipud kenka.+ 16  Kaniak naglasat dagiti gilap ti sumsumged nga ungetmo;+ Dagiti aligaget manipud kenka pinagulimekdak.+ 17  Pinalikmutandak kas iti dandanum iti intero nga agmalem;+ Inalikubkobdak a namimpinsan amin. 18  Inyadayom kaniak ti gayyem ken kadua;+ Dagiti am-ammok nasipngetda a lugar.+

Footnotes