Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Salmo 84:1-12

Maipaay iti mangiwanwanwan iti Gittith.+ Ti annak ni Kore. Samiweng. 84  Anian a kinanaslag ti naindaklan a tabernakulom,+ O Jehova ti buybuyot!+   Ti kararuak nagagaran ken kasta met nautoyan kadagiti paraangan ni Jehova.+ Ti bukodko a puso ken ti mismo a lasagko agdir-ida a sirarag-o iti Dios a sibibiag.+   Uray ti mismo a tumatayab nakasarak iti balay, Ken ti sallapingaw maysa nga umok maipaay kenkuana, A nangikabilanna kadagidiay urbonna— Ti naindaklan nga altarmo, O Jehova ti buybuyot, Arik ken Diosko!   Naragsak dagidiay agnanaed iti balaymo!+ Itultuloydaka latta nga idaydayaw.+ Selah.   Naragsak dagiti tattao a ti pigsada adda kenka,+ Nga iti pusoda adda dagiti kangrunaan a kalsada.+   Iti ilalasat iti nababa a tanap ti babassit a kayo a baca,+ Pagbalinenda dayta nga ubbog a mismo; Uray kadagiti bendision balkuten ti manangisuro+ ti bagina.   Agtultuloydanto a magna iti rumangrang-ay a kired;+ Tunggal maysa agparang iti Dios idiay Sion.+   O Jehova a Dios ti buybuyot, denggem ti kararagko;+ Umimdengka, O Dios ni Jacob.+ Selah.   O kalasagmi, kitaem, O Dios,+ Ket matmatam ti rupa daydiay pinulotam.+ 10  Ta ti maysa nga aldaw kadagiti paraanganmo nasaysayaat ngem ti sangaribu iti sadinoman.+ Pinilik ti agtakder iti arsadanan iti balay ti Diosko+ Imbes nga agsursor kadagiti tolda ti kinadangkes.+ 11  Ta ni Jehova a Dios maysa nga init+ ken maysa a kalasag;+ Ti parabur ken dayag isuda ti itdenna.+ Ti aniaman a naimbag saanto a medmedan ni Jehova kadagidiay magmagna iti kinaawan pagkurangan.+ 12  O Jehova ti buybuyot, naragsak ti tao nga agtalek kenka.+

Footnotes