Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Salmo 81:1-16

Iti mangiwanwanwan iti Gittith.+ Ni Asaf. 81  O agdir-ikayo a sirarag-o iti Dios a pigsatayo;+ Agdir-ikayo a sibaballigi iti Dios ni Jacob.+   Rugianyo ti maysa a samiweng+ ket mangalakayo iti pandereta,+ Ti makaay-ayo nga arpa agraman ti pagtokar nga adda kuerdasna.+   Iti baro a bulan, puyotenyo ti tangguyob;+ Iti kabus, maipaay iti aldaw ti piestatayo.+   Ta maysa dayta nga alagaden maipaay iti Israel,+ Maysa a hudisial a pangngeddeng ti Dios ni Jacob.   Kas maysa a pammalagip insaadna dayta ken Jose a mismo,+ Idi isu mapmapan iti daga ti Egipto.+ Maysa a pagsasao a saanko nga ammo nagtultuloy a nangngegko.+   “Inlisik ti abagana uray pay manipud iti dadagsen;+ Dagiti bukodna nga ima nawayawayaan uray pay manipud iti labba.+   Iti rigat immawagka, ket inalawka;+ Rinugianka a sungbatan iti natalimeng a lugar ti gurruod.+ Sinuksukimatka idiay dandanum ti Meriba.+ Selah.   Dumngegka, O ilik, ket mangsaksiakto maibusor kenka,+ O Israel, no umimdengkanto kaniak.+   Iti tengngam awanto ti sabali a dios;+ Ket saankanto nga agruknoy iti ganggannaet a dios.+ 10  Siak, ni Jehova, ti Diosmo,+ Daydiay mangaon kenka iti daga ti Egipto.+ Ngangaem a naimbag ti ngiwatmo, ket punnuekto dayta.+ 11  Ngem ti ilik saan nga immimdeng iti timekko;+ Ket ti met laeng Israel saan a nangipakita iti aniaman a kinatulok maipaay kaniak.+ 12  Ket ngarud binay-ak ida a mapan iti kinasungit ti pusoda;+ Nagnada kadagiti bukodda a pammatigmaan.+ 13  O no ti ilik immimdeng koma kaniak,+ O no ti mismo nga Israel magna koma iti daldalanko met laeng!+ 14  Dagiti kabusorda parukmaek koma a silalaka,+ Ket maibusor kadagiti kalabanda ibaw-ingko ti imak.+ 15  No maipapan kadagidiay nakaro ti pananggurada ken Jehova, umaydanto nga agtulmeng kenkuana,+ Ket ti tiempoda agingganto iti tiempo a di nakedngan. 16  Ket isu itultuloynanto a taraonan manipud iti taba ti trigo,+ Ket manipud iti bato pennekenkanto iti mismo a diro.”+

Footnotes