Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Salmo 80:1-19

Iti mangiwanwanwan Kadagiti Lirio.+ Pammalagip. Ni Asaf.+ Samiweng. 80  O Pastor ti Israel, umimdengka,+ Sika a mangiturturong ken Jose a kas iti maysa nga arban.+ O sika nga agtugtugaw iti rabaw dagiti kerubin,+ agsilnagka.+   Iti sanguanan ti Efraim ken Benjamin ken Manases gutugotem ti kinamannakabalinmo,+ Ket umayka iti pannakaisalakanmi.+   O Dios, isublinakami;+ Ket paglawagem ta rupam, tapno maisalakankami.+   O Jehova a Dios ti buybuyot, kasano kabayag a masapul nga agpungtotka maibusor iti kararag ti ilim?+   Pinakanmo ida iti tinapay ti lulua,+ Ket papainumem ida iti lulua a napalalo ti kaaduna.+   Isaadnakami a pagriringgoran dagiti kaarrubami,+ Ket dagiti met laeng kabusormi agtultuloyda nga aguyaw ta isu ti pakaay-aywanda.+   O Dios ti buybuyot, isublinakami;+ Ket paglawagem ta rupam, tapno maisalakankami koma.+   Nangipanawka iti puon ti ubas manipud Egipto.+ Intultuloymo a pinagtalaw dagiti nasion, tapno maimulam dayta.+   Nangwaknitka iti sanguanan dayta,+ tapno agramut ket punnuenna ti daga.+ 10  Dagiti bantay naabbongan iti anniniwanna, Ken dagiti sedro ti Dios iti kangrunaan a sangsangana.+ 11  Nagin-inut nga insalumpayakna ti kangrunaan a sangsangana agingga iti baybay,+ Ken dagiti saringitna agingga iti Karayan.+ 12  Apay a rinebbam dagiti bato a paderna,+ Ket apay nga amin dagidiay lumablabas iti dalan nagrurosda iti dayta?+ 13  Ti maysa nga alingo manipud iti kakaykaywan kankanenna dayta,+ Ket dagiti bunggoy ti an-animal iti nawayang a tay-ak agtartaraonda iti dayta.+ 14  O Dios ti buybuyot, agsublika, pangngaasim;+ Tumannawagka manipud langit ket kitaem ken taripatuem daytoy a puon ti ubas,+ 15  Ken ti puon nga immula ti makannawan nga imam,+ Ket kumitaka iti anak a pinapigsam maipaay kenka.+ 16  Mapuoran dayta iti apuy, magessat.+ Manipud iti pammabalaw ta rupam mapukawda.+ 17  Ta imam adda koma iti lalaki ti makannawan nga imam,+ Iti anak ti sangatauan a pinapigsam maipaay kenka,+ 18  Ket saankamto a tumallikud kenka.+ Taginayonennakami koma a sibibiag, tapno umawagkami koma iti bukodmo a nagan.+ 19  O Jehova a Dios ti buybuyot, isublinakami;+ Paglawagem ta rupam, tapno maisalakankami koma.+

Footnotes