Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Salmo 79:1-13

Samiweng ni Asaf. 79  O Dios, dagiti nasion simrekda iti tawidmo;+ Tinulawanda ti nasantuan a templom;+ Inkabilda ti Jerusalem iti bunton dagiti rebba.+   Intedda ti natay a bagi dagiti adipenmo kas taraon kadagiti agtatayab iti langlangit,+ Ti lasag dagidiay nasungdom kadagiti atap nga animal iti daga.+   Imbuyatda ti darada a kas iti danum Iti intero nga aglikmut ti Jerusalem, ket awan ti asinoman nga agitabon.+   Nagbalinkami nga um-umsien dagiti kaarrubami,+ Uy-uyawen ken lalaisen dagidiay adda iti aglikmutmi.+   Kasanonto kabayag, O Jehova, nga agpungtotka unay? Iti agnanayon?+ Kasanonto kabayag a ti kinanasgedmo sumged kas iti apuy?+   Ibuyatmo ti pungtotmo kadagiti nasion a saan a nakaammo kenka,+ Ken kadagiti pagarian a saan nga immawag iti bukodmo a nagan.+   Ta inibusda ni Jacob,+ Ket pinaglangalangda ti mismo a disso a pagyananna.+   Dika lagipen maibusor kadakami dagiti biddut dagiti inapo.+ Darasem! Sanguennakami koma dagiti asim,+ Ta nagbalinkami a napanglaw iti kasta unay.+   Tulongannakami, O Dios ti pannakaisalakanmi,+ Maipagapu iti dayag ti naganmo;+ Ket ispalennakami ken abbongam dagiti basolmi maigapu iti naganmo.+ 10  Apay koma a kunaen dagiti nasion: “Sadino ti ayan ti Diosda?”+ Iti tengnga dagiti nasion maammuan koma iti imatangmi+ Ti pannakaibales ti naibukbok a dara dagiti adipenmo.+ 11  Ti panagsennaay ti balud sumrek koma iti mismo a sanguanam.+ Maitunos iti kinanaindaklan ti takiagmo italimengmo dagidiay naituding ken patay.+ 12  Ket supapakam dagiti kaarrubami iti mamimpito iti saklotda+ Ti panangumsida a pinangumsida kenka, O Jehova.+ 13  No maipapan kadakami nga ilim ken ti arban iti pagpaarabam,+ Agyamankamto kenka agingga iti tiempo a di nakedngan; Manipud kaputotan agingga iti kaputotan ideklaraminto ti pannakaidaydayawmo.+

Footnotes