Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Salmo 77:1-20

Iti mangiwanwanwan iti Jedutun. Ni Asaf.+ Samiweng. 77  Babaen iti timekko umkisakto pay iti Dios a mismo,+ Babaen iti timekko iti Dios, ket sigurado nga umimdengto kaniak.+   Iti aldaw ti rigatko binirokko ni Jehova a mismo.+ Iti rabii nayunnat ti mismo nga imak ket saan a mabibineg; Ti kararuak nagkedked a maliwliwa.+   Lagipekto ti Dios ket agariwawaak;+ Mangipakitaakto iti pannakaseknan, iti kasta matalimudaw ti espirituk.+ Selah.   Tinengngelmo dagiti kalub ti matak;+ Nariribukanak, ket saanak a makapagsao.+   Pinanunotko dagiti aldaw iti nabayagen a tiempo,+ Dagiti tawen iti di nakedngan a napalabas.   Iti rabii lagipekto ti musikak iti kuerdas;+ Buyogen ti pusok mangipakitaakto iti pannakaseknan,+ Ket agsukimatto a siaannad ti espirituk.   Agingganto aya kadagiti tiempo a di nakedngan a ni Jehova mangiwakwaksi,+ Ket saanton aya a maay-ayo manen?+   Ti aya naayat a kinamanangngaasina naggibusen iti agnanayon?+ Napukawen aya ti sasaona+ iti kinapkaputotan?   Nakalipaten aya ti Dios nga agbalin a managparabur,+ Wenno buyogen ti unget rinikpannan aya dagiti asina?+ Selah. 10  Ket kunkunaekto aya: “Daytoy ti mangsalput kaniak,+ Ti panagbalbaliw ti makannawan nga ima ti Kangatuan”?+ 11  Lagipekto ti ar-aramid ni Jah;+ Ta lagipekto ti nakaskasdaaw a gapuanam iti nabayagen a tiempo.+ 12  Ket pudno unay a mennamennaekto ti isuamin nga aramidmo,+ Ket kadagiti pannakilangenmo maseknanakto.+ 13  O Dios, ti dalanmo adda iti nasantuan a disso.+ Siasino ti naindaklan a Dios a kas iti Dios?+ 14  Sika ti pudno a Dios, nga agar-aramid a nakaskasdaaw.+ Iti tengnga dagiti ili impakaammom ti pigsam.+ 15  Babaen iti takiagmo inalangonmo ti ilim,+ Ti annak ni Jacob ken ni Jose. Selah. 16  Ti dandanum nakitadaka, O Dios, Ti dandanum nakitadaka; nangrugida nga agrigat iti nakaro.+ Kasta met, nangrugi a makibur dagiti nadanum a yuyeng.+ 17  Dagiti ulep gumgumruod a nagibuyatda iti danum;+ Maysa nga uni ti inyesngaw dagiti naulep a tangatang. Kasta met, dagiti bukodmo a pana napanda ditoy ken idiay.+ 18  Ti uni ti gurruodmo kas kadagiti pilid ti karuahe;+ Dagiti kimat linawaganda ti nabunga a daga;+ Ti daga nadayyeg ket nangrugi nga agyugayog.+ 19  Iti baybay limmasat ti dalanmo,+ Ket ti danam limmasat iti adu a danum; Ket dagiti mismo a tugotmo saan a naammuan. 20  Indalanmo ti ilim a kas iti maysa nga arban,+ Babaen iti ima da Moises ken Aaron.+

Footnotes