Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Salmo 76:1-12

Iti mangiwanwanwan kadagiti pagtokar nga adda kuerdasna. Samiweng. Ni Asaf.+ Kanta. 76  Ti Dios pagaammo idiay Juda;+ Idiay Israel naindaklan ti naganna.+   Ket ti talimengna adda iti mismo a Salem,+ Ken ti disso a pagnaedanna iti Sion.+   Sadiay binungtolna dagiti dumardarang nga urong ti bai,+ Ti kalasag ken ti kampilan ken ti bakal.+ Selah.   Nabalkutka iti lawag, nadadaeg ngem dagiti bantay ti inanupan.+   Dagidiay mannakabalin iti puso ket naagawan,+ Nagsaguyepyepda agingga a nakaturogda,+ Ket awan kadagiti amin a maingel a lallaki ti nakasarak iti im-imada.+   Manipud pammabalawmo, O Dios ni Jacob, agpadpada a ti kumakaruahe ken ti kabalio nakaturogda iti nargaan.+   Sika—nakaam-amakka,+ Ket siasino ti makabael nga agtakder iti sanguanam gapu iti bileg ti ungetmo?+   Manipud langit impangngegmo ti legal a salisal;+ Ti met laeng daga nagbuteng ket nagulimek+   Idi timmakder ti Dios iti panangukom,+ Tapno isalakanna amin dagiti naemma iti daga.+ Selah. 10  Ta ti mismo a pungtot ti tao idayawnakanto;+ Ti natedda iti panagpungtot ibarikesmonto iti bagim. 11  Agkarikayo ket tungpalenyo ken Jehova a Diosyo, dakayo amin nga adda iti aglikmutna.+ Mangyegda koma iti sagut buyogen ti buteng.+ 12  Pagpakumbabaennanto ti espiritu dagiti panguluen;+ Isu nakaam-amak iti ar-ari ti daga.+

Footnotes