Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Salmo 75:1-10

Iti mangiwanwanwan. “Dika dadaelen.” Samiweng. Ni Asaf.+ Kanta. 75  Agyamankami kenka, O Dios; agyamankami kenka,+Ket ti naganmo asideg.+Dagiti tattao kasapulan nga ideklarada ti nakaskasdaaw nga ar-aramidmo.+   “Ta nangalaak iti naikeddeng a tiempo;+Siak nangrugiak a nangukom buyogen ti kinapalungdo.+   Ti daga ken dagiti amin nga agnanaed kenkuana marunrunawda,+Siak ti nangatur kadagiti adigina.”+ Selah.   Kinunak kadagidiay maag: “Dikay agbalin a maag,”+Ket kadagidiay nadangkes: “Dikay itan-ok ti sara.+   Dikay itan-ok ti sarayo iti nangato.Dikay agsao buyogen ti napangas a tengnged.+   Ta awan uray manipud iti daya wenno uray manipud iti laud,Wenno uray manipud iti abagatan ti pannakaitan-ok.   Ta ti Dios isu ti ukom.+Ipababana daytoy, ket itan-okna daydiay.+   Ta adda kopa iti ima ni Jehova,+Ket ti arak aglablabutab, napno dayta iti napaglalaok.Ket sigurado nga ibukboknanto dagiti ared-edna manipud iti dayta;Amin dagidiay nadangkes iti daga paatianandanto ida, inumenda ida.”+   Ngem no maipapan kaniak, isaritakto dayta agingga iti tiempo a di nakedngan;Mangipaayakto iti samiweng iti Dios ni Jacob.+ 10  “Ket amin dagiti sara dagidiay nadangkes putdekto.”+Dagiti sara daydiay nalinteg maitan-okto.+

Footnotes