Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Salmo 73:1-28

Samiweng ni Asaf.+ 73  Ti Dios pudno a naimbag iti Israel, kadagidiay nadalus ti pusoda.+   No maipapan kaniak, gistay simiasi dagiti sakak,+Nganngani naikaglis dagiti addangko.+   Ta nagbalinak a naapal kadagiti managpasindayag,+No makitak ti mismo a talna dagiti nadangkes a tattao.+   Ta awananda kadagiti makapapatay nga ut-ot;+Ket ti rakrakipada nalukmeg.+   Awanda pay iti pakariribukan ti mortal a tao,+Ket saanda a masapsaplit a kas iti dadduma a tattao.+   Gapuna ti kinatangsit nagpaay a kas kuentas kadakuada;+Ti kinaranggas balkutenna ida a kas iti kawes.+   Ti matada bimsog iti kinalukmeg;+Linab-awanda ti ar-arapaap ti puso.+   Manglaisda ket agsaoda maipapan iti dakes;+Maipapan iti panangsaur agsaoda iti napangato nga estilo.+   Insaadda ti ngiwatda iti mismo a langlangit,+Ket ti met laeng dilada agdakiwas iti daga.+ 10  Gapuna isublina ti ilina iti daytoy a lugar,Ket ti dandanum daydiay napno mapaatianan maipaay kadakuada. 11  Ket kinunada: “Kasano a naammuan ti Dios?+Ket adda kadi pannakaammo iti Kangatuan?”+ 12  Adtoy! Dagitoy dagiti nadangkes, a di nakedngan ti panagnam-ayda.+Pinaaduda ti sanikuada a pagbiag.+ 13  Sigurado a kinaubbaw ti panangdalusko iti pusok+Ken ti panangbuggok kadagiti imak iti mismo a kinaawan basol.+ 14  Ket nasaplitak iti intero nga agmalem,+Ket ti pannakailintegko tunggal bigat.+ 15  No kinunak: “Mangistoriaakto iti kas iti dayta,”Adtoy! maibusor iti kaputotan ti annakmoNagtignayak koma a sigugulib.+ 16  Ket nagut-utobak tapno maammuak daytoy;+Maysa idi dayta a riribuk kadagiti matak, 17  Agingga a simrekak iti naindaklan a santuario ti Dios.+Kayatko idi a lasinen ti masanguananda.+ 18  Sigurado nga iti nagalis a pagsaadan isu ti pangikabilam kadakuada.+Pinagtinnagmo ida kadagiti pannakarba.+ 19  O anian a panagbalinda a maysa a banag a pagmalangaan kas iti apagkanito!+Anian a pannakagtengda iti panungpalanda, pannakapagngudoda babaen kadagiti kellaat a panagaligaget! 20  Kas iti tagtagainep kalpasan ti panagriing, O Jehova,+Kasta ti panangumsimto iti mismo a ladawanda no bumangonka.+ 21  Ta ti pusok immalsem+Ket kadagiti bekkelko naaddaanak iti nakaro nga ut-ot,+ 22  Ket maysaak idi nga awan nakemna ket saanko a kabaelan ti mangammo;+Nagbalinak kas an-animal laeng iti panangmatmatmo.+ 23  Ngem patinayon nga addaak kenka;+Tinengngelmo ti makannawan nga imak.+ 24  Babaen iti pammatigmaanmo idalannakto,+Ket kalpasanna ipannakto iti mismo a kinadayag.+ 25  Siasino ti adda kaniak iti langlangit?+Ket malaksid kenka awanen ti sabali pay a pakaragsakak iti daga.+ 26  Ti bagik ken ti pusok nagkapuydan.+Ti Dios isu ti bato ti pusok ken binglayko agingga iti tiempo a di nakedngan.+ 27  Ta, adtoy! dagidiay mismo nga umad-adayo kenka mapukawdanto.+Pudno unay a pagulimekemto ti tunggal maysa a siiimoral a mangpanaw kenka.+ 28  Ngem no maipapan kaniak, ti iyaadani iti Dios naimbag kaniak.+Iti Soberano nga Apo Jehova insaadko ti kamangko,+Tapno ideklarak amin nga aramidmo.+

Footnotes