Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Salmo 72:1-20

Maipapan ken Solomon. 72  O Dios, dagiti bukodmo a hudisial a pangngeddeng itdem iti ari,+ Ken ti kinalintegmo iti anak ti ari.+   Irupirna koma ti kalintegan ti ilim buyogen ti kinalinteg+ Ken dagidiay naparigatan a kukuam buyogen ti hudisial a pangngeddeng.+   Dagiti bantay mangipanda koma iti talna kadagiti umili,+ Kasta met dagiti turod, babaen ti kinalinteg.   Ukomenna koma dagidiay naparigatan kadagiti umili,+ Isalakanna koma ti annak daydiay napanglaw, Ket rumekenna koma ti manangsaur.   Agbutengdanto kenka agingga nga adda init,+ Ken iti sanguanan ti bulan iti kinapkaputotan.+   Isu bumabanto kas ti tudo iti rabaw ti napatpat a ruot,+ Kas kadagiti naruay nga arbis a mangbabasa iti daga.+   Iti al-aldawna agtubonto daydiay nalinteg,+ Ken ti kinaruay ti talna agingga nga awanen ti bulan.+   Ket maaddaanto kadagiti masaksakupan manipud iti baybay agingga iti baybay+ Ken manipud iti Karayan+ agingga kadagiti ungto ti daga.+   Iti sanguananna agruknoyto dagiti agnanaed kadagiti awanan danum a rehion,+ Ket dagiti met laeng kabusorna dilpatandanto ti mismo a tapok.+ 10  Ti ar-ari ti Tarsis ken dagiti isla+ Agbayaddanto ti impuesto.+ Ti ar-ari ti Sheba ken ti Seba— Mangidatagdanto iti sagut.+ 11  Ket amin nga ar-ari iruknoydanto kenkuana ti bagbagida;+ Amin dagiti nasion, iti biangda, agserbidanto kenkuana.+ 12  Ta ispalennanto daydiay napanglaw nga agpatpatulong,+ Kasta met daydiay naparigatan ken siasinoman nga awanan katulongan.+ 13  Isu maasianto iti daydiay nanumo ken iti daydiay napanglaw,+ Ket dagiti kararua dagidiay napanglaw isalakannanto.+ 14  Iti pannakairurumen ken iti kinaranggas subbotennanto ti kararuada, Ket ti darada napategto kadagiti matana.+ 15  Ket isu agbiag koma,+ ket maikkan koma iti sumagmamano a balitok ti Sheba.+ Ket maipaay kenkuana maaramid koma a patinayon ti panagkararag; Iti intero nga agmalem isu mabendito koma.+ 16  Maaddanto ti naruay a bukbukel iti daga;+ Iti tapaw dagiti bantay addanto ti panaglaplapusanan.+ Ti bungana kaslanto iti Libano,+ Ket dagidiay aggapu iti siudad rumangpayadanto kas iti mulmula ti daga.+ 17  Ti naganna adda koma agingga iti tiempo a di nakedngan;+ Iti sanguanan ti init rumang-ay koma ti naganna, Ket babaen kenkuana bendisionanda koma ti bagbagida;+ Amin dagiti nasion kunaenda koma nga isu naragsak.+ 18  Bendito koma ni Jehova a Dios, ti Dios ti Israel,+ Nga isu laeng ti mangar-aramid kadagiti nakaskasdaaw nga aramid.+ 19  Ket bendito koma ti nadayag a naganna agingga iti tiempo a di nakedngan,+ Ket ti dayagna punnuenna koma ti intero a daga.+ Amen ken Amen. 20  Dagiti kararag ni David, ti anak ni Jesse,+ nagngudodan.

Footnotes