Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Salmo 71:1-24

71  Kenka, O Jehova, nagkamangak.+O saanak koma a pulos mabainan.+   Iti kinalintegmo ispalennak koma ken ilisinak.+Iyallingagmo kaniak ti lapayagmo ket isalakannak.+   Agbalinka kaniak a sarikedked a bato a serkan a patinayon.+Ibilinmo koma a maisalakanak,+Ta sika ti napasdok a batok ken salindegko.+   O Diosko, ilisinak iti ima daydiay nadangkes,+Iti dakulap daydiay agtigtignay a di nainkalintegan ken buyogen ti panangirurumen.+   Ta sika ti namnamak,+ O Soberano nga Apo Jehova, ti pagkammatalkak manipud kinaagtutubok.+   Kenka insadagko ti bagik manipud iti tian;+Sika Daydiay nangisina kaniak iti mismo a makin-uneg a paspaset ni inak.+Ti panangidaydayawko adda kenka a patinayon.+   Nagbalinak a kasla milagro iti adu a tattao;+Ngem sika ti napigsa a kamangko.+   Ti ngiwatko mapno iti pakaidaydayawam,+Iti intero nga agmalem iti kinapintasmo.+   Saannak nga ibelleng iti tiempo ti kinalakay;+Inton agkapuyen ti bilegko, saannak a baybay-an.+ 10  Ta dagiti kabusorko kinunada maipapan kaniak,+Ket dagidiay mismo a mangsipsiput iti kararuak nagpipinnatigmaanda a sangsangkatipon,+ 11  A kunkunada: “Isu pinanawanen ti Dios a mismo.+Kamaten ken tiliwenyo, ta awan ti manangispal.”+ 12  O Dios, dika agtalinaed nga adayo kaniak.+O Diosko, agdaraska a tumulong kaniak.+ 13  Mabainan koma dagidiay, agngudoda koma dagidiay, a mangbusbusor iti kararuak.+Abbonganda koma ti bagbagida iti pannakaumsi ken pannakaipababa dagidiay a mangsapsapul iti pannakadidigrak.+ 14  Ngem no maipapan kaniak, agurayakto a patinayon,+Ket nayonakto ti isuamin a pakaidaydayawam. 15  Ti bukodko a ngiwat ibinsabinsananto ti kinalintegmo,+Iti intero nga agmalem ti panangisalakanmo,+Ta saanko a naammuan dagiti bilangda.+ 16  Umayakto buyogen ti naindaklan a kinamannakabalin,+ O Soberano+ nga Apo Jehova;Dakamatekto ti kinalintegmo, ti kinalintegmo laeng.+ 17  O Dios, insuronak nanipud pay kinaagtutubok,+Ket agingga ita isarsaritak ti maipapan iti nakaskasdaaw nga ar-aramidmo.+ 18  Ket uray pay agingga iti kinalakay ken kinaubanan, O Dios, saannak a baybay-an,+Agingga a ti maipapan iti takiagmo maisaritak iti kaputotan,+Kadagidiay amin nga umay, ti maipapan iti kinamannakabalinmo.+ 19  Ti kinalintegmo, O Dios, dumanon iti kangatuan;+No maipapan iti naindaklan a bambanag nga inaramidmo,+O Dios, siasino ti kas kenka?+ 20  Agsipud ta nangipakitaka kaniak iti adu a rigat ken didigra,+Paungarennak koma manen;+Ket manipud kadagiti nadanum a yuyeng ti daga aonennak koma manen.+ 21  Padakkelem koma ti kinanaindaklanko,+Ket likmuten ken liwliwaennak koma.+ 22  Siak met, idayawkanto iti pagtokar nga adda kuerdasna,+No maipapan iti kinapudnom, O Diosko.+Mangipaayakto iti samiweng kenka iti arpa, O Santo ti Israel.+ 23  Agdir-into a sirarag-o dagiti bibigko inton agannayasak a mangipaay iti samiweng kenka,+Uray ti kararuak a sinubbotmo.+ 24  Kasta met, ti bukodko a dila, iti intero nga agmalem, isaonanto ti kinalintegmo iti nababa a timek,+Ta nabainanda, ta naab-abida, isuda a mangtartarigagay iti pannakadidigrak.+

Footnotes