Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Salmo 7:1-17

Dung-aw ni David a kinantana ken Jehova maipapan iti sasao ni Cus a Benjaminita. 7  O Jehova a Diosko,+ kenka nagkamangak.+Isalakannak kadagidiay amin a mangidaddadanes kaniak ket ispalennak,+   Tapno awan asinoman a mangrangrangkay iti kararuak a kas ti aramiden ti maysa a leon,+A mangrabsut kaniak no awan ti manangispal.+   O Jehova a Diosko, no inaramidko daytoy,+No adda aniaman a di kinahustisia kadagiti imak,+   No sinupapakak iti dakes daydiay manggunggona kaniak,+Wenno no inagawak ti asinoman a mangbusbusor kaniak nga awanan balligi,+   Ti maysa a kabusor kamatenna koma ti kararuak+Ket kamakamenna koma ken ipayatpayatna ti biagko agingga iti mismo a dagaKet ti bukodko a dayag pagtaengenna iti tapok a mismo. Selah.   Tumakderka, O Jehova, iti ungetmo;+Ipangatom ta bagim kadagiti ibebettak ti rungsot dagidiay mangbusbusor kaniak,+Ket agriingka maigapu kaniak,+ yantangay nangtedka iti bilin maipaay iti mismo a panangukom.+   Ket ti mismo a gimong dagiti nasional a bunggoy likmutennaka koma,Ket maibusor iti dayta agsublika iti kangatuan.   Ni met laeng Jehova iyetnagnanto ti sentensia kadagiti ili.+Ukomennak, O Jehova, maitunos iti kinalintegko+Ken maitunos iti kinatarnawko+ nga adda kaniak.   Pangngaasim, agngudo koma ti kinadakes dagidiay nadangkes,+Ket ipasdekmo koma daydiay nalinteg;+Ket ti Dios kas nalinteg+ mangsubsubok iti puso+ ken kadagiti bekkel.+ 10  Ti kalasag maipaay kaniak adda iti Dios,+ maysa a Manangisalakan dagidiay napalungdo iti puso.+ 11  Ti Dios ket maysa a nalinteg nga Ukom,+Ket ti Dios mangipurpuruak kadagiti panangkondenar iti tunggal aldaw. 12  No ti asinoman saanto nga agsubli,+ ti kampilanna patademennanto,+Ti baina sigurado a ballokennanto, ket isaganananto maipaay iti panangibiat.+ 13  Ket maipaay kenkuana masapul nga isaganana dagiti gamigam ni patay;+Dagiti panana aramidennanto a gumilgil-ayab.+ 14  Adtoy! Adda maysa a masikog iti makapasakit,+Ket isu nangyinaw iti riribuk ket sigurado nga ipasngayna ti kinaulbod.+ 15  Maysa nga abut ti nakabakabna, ket kinalianna dayta;+Ngem isu matnagto iti abut nga inar-aramidna.+ 16  Ti pakariribukanna agsublinto iti rabaw ti bukodna nga ulo,+Ket iti rabaw ti kuppokuppona bumabanto ti bukodna a kinaranggas.+ 17  Idayawkonto ni Jehova maitunos iti kinalintegna,+Ket mangipaayakto iti samiweng iti nagan+ ni Jehova a Kangatuan.+

Footnotes