Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Salmo 69:1-36

Iti mangiwanwanwan Kadagiti Lirio.+ Ni David. 69  Isalakannak, O Dios, ta ti dandanum dimtengda agingga iti kararua.+   Limnedak iti adalem a kapitakan, a sadiay awan daga a pagtakderan.+Dimtengak iti nakaun-uneg a dandanum,Ket ti met laeng agay-ayus a waig linapunosnak.+   Nabannoganak iti panagpukkawko;+Ti karabukobko nagpaparaw.Nagkapuy dagiti matak bayat ti panagur-urayko iti Diosko.+   Dagidiay manggurgura kaniak nga awan gapgapuna nagbalinda nga ad-adu pay ngem kadagiti buok ti ulok.+Dagidiay mangpapaulimek kaniak, kas kabkabusorko nga awan ti rason, nagbalinda a nakaad-adu.+Ti saanko nga innala babaen ti panangtakaw insublik kalpasanna.   O Dios, sika naammuam ti kinamaagko,Ket manipud kenka saan a nailemmeng ti mismo a panagbasolko.+   O dagidiay mangin-inanama kenka saanda koma a mabainan gapu kaniak,+O Soberano nga Apo, Jehova ti buybuyot.+O dagidiay agsapsapul kenka saanda koma a maipababa gapu kaniak,+O Dios ti Israel.+   Ta maigapu kenka inanusak ti pannakaumsi,+Ti pannakaipababa inabbonganna ti rupak.+   Nagbalinak a sangsangaili iti kakabsatko,+Ken ganggannaet iti annak ni inak.+   Ta ti bin-ig a regta maipaay iti balaymo inibusnak,+Ket immapay kaniak dagiti mismo a panangumsi dagidiay mangum-umsi kenka.+ 10  Ket nagsangitak buyogen ti panagayunar ti kararuak,+Ngem nagbalin dayta a pangum-umsi kaniak.+ 11  Idi ti tinakpil inaramidko a pagan-anayko,Idin nagbalinak kadakuada a maysa a pagkukuna a proverbio.+ 12  Dagidiay agtugtugaw iti ruangan rinugianda a nakibiangan ti maipapan kaniak,+Ket siak idi ti suheto ti kankanta dagiti managinum iti makabartek nga inumen.+ 13  Ngem no maipapan kaniak, ti kararagko naiturong kenka, O Jehova,+Iti maysa a naparaburan a tiempo, O Dios.+Iti kinaruay ti naayat a kinamanangngaasim sungbatannak babaen iti kinapudno ti panangisalakanmo.+ 14  Ispalennak iti kapitakan, tapno saanak koma a lumned.+O maispalak koma kadagidiay manggurgura kaniak+ ken iti adalem a dandanum.+ 15  O saannak koma a lapunosen ti agay-ayus a waig ti dandanum,+Saannak met koma nga alun-onen ti kaadalman,Ti bubon saanna met koma nga ikaem kaniak ti ngarabna.+ 16  Sungbatannak, O Jehova, ta ti naayat a kinamanangngaasim naimbag.+Maitunos iti kinaadu dagiti asim bumaw-ingka kaniak,+ 17  Ket dika ilinged ta rupam manipud iti adipenmo.+Agsipud ta agpaspasarak kadagiti nakaro a pakarigatan, sungbatannak a sidadaras.+ 18  Umasidegka iti kararuak, bawyem;+Maigapu kadagiti kabusorko subbotennak.+ 19  Sika naammuam ti pannakaumsik ken ti pannakaibabainko ken ti pannakaipababak.+Amin dagidiay mangbusbusor kaniak addada iti sanguanam.+ 20  Ti met laeng umsi binurakna ti pusok, ket ti sugat di maagasan.+Ket nangin-inanamaak iti asinoman a makipagrikna, ngem awan;+Ken kadagiti manangliwliwa, ngem awan nasarakak.+ 21  No di ket maipaay a taraon inikkandak iti makasabidong a mula,+Ket maipaay iti wawko pinadasdak a painumen iti suka.+ 22  Ti lamisaanda nga adda iti sanguananda agbalin koma a palab-og,+Ken ti agpaay a pagimbaganda maysa a silo.+ 23  Agsipnget koma dagiti matada tapno saan a makakita;+Ket dagiti mismo a padingpadingda pagkalogem a patinayon.+ 24  Ibuyatmo kadakuada ti panangkondenarmo,+Ket kamakamen koma ida ti mismo a sumsumged nga ungetmo.+ 25  Ti napaderan a pakarsoda agbalin koma a langalang;+Kadagiti toldada awan koma ti agnaed.+ 26  Ta kinamatda daydiay kinabilmo a mismo,+Ket dagiti ut-ot dagidiay sinalputmo isarsaritada. 27  Nayonam iti biddut ti biddutda,+Ket saanda koma a dumteng iti kinalintegmo.+ 28  Mapunasda koma iti libro dagidiay sibibiag,+Ket saanda koma a maisurat a mairaman kadagidiay nalinteg.+ 29  Ngem maparigatanak ken agpapaut-otak.+Ti bukodmo a panangisalakan, O Dios, salaknibannak koma.+ 30  Idaydayawkonto ti nagan ti Dios buyogen ti kanta,+Ket isu itan-okkonto buyogen ti panagyaman.+ 31  Ad-addanto met a makaay-ayo ken Jehova daytoy ngem ti maysa a toro,+Ngem ti maysa nga urbon a toro nga addaan kadagiti sara, nga agpisi ti kukona.+ 32  Sigurado a makitanto dayta dagidiay naemma; agrag-odanto.+Dakayo a mangsapsapul iti Dios, pagtalinaedenyo met a sibibiag ti pusoyo.+ 33  Ta ni Jehova umim-imdeng kadagidiay napanglaw,+Ket pudno a saannanto nga umsien dagiti mismo a baludna.+ 34  Isu idaydayaw koma ti langit ken daga,+Dagiti baybay ken isuamin nga aggargaraw kadakuada.+ 35  Ta ti met laeng Dios isalakannanto ti Sion+Ket bangonennanto dagiti siudad ti Juda;+Ket sigurado nga agnaeddanto sadiay ket tagikuaenda dayta.+ 36  Ket tawidento dayta dagiti putot ti mismo nga ad-adipenna,+Ket dagidiay mangay-ayat iti naganna isudanto dagidiay agtaeng iti dayta.+

Footnotes