Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Salmo 66:1-20

Iti mangiwanwanwan. Kanta, samiweng. 66  Agdir-ikayo a sibaballigi iti Dios, dakayo amin a tattao iti daga.+   Mangipaaykayo iti samiweng iti dayag ti naganna.+Aramidenyo a nadayag ti pannakaidaydayawna.+   Sawenyo iti Dios: “Anian a nakaam-amak ti ar-aramidmo!+Gapu iti kinaruay ti pigsam dagiti kabusormo umaydanto nga agalikenken kenka.+   Amin a tattao iti daga agruknoydanto kenka,+Ket mangipaaydanto iti samiweng kenka, mangipaaydanto iti samiweng iti naganmo.”+ Selah.   Umaykayo ket kitaenyo ti ar-aramid ti Dios.+Ti pannakilangenna iti annak ti tattao nakaam-amak.+   Ti baybay pinagbalinna a namaga a daga;+Iti karayan bimmallasiwda a nagnagna.+Sadiay nangrugikami nga agrag-o kenkuana.+   Isu agturay babaen iti kinamannakabalinna agingga iti tiempo a di nakedngan.+Kadagiti nasion agsipsiput dagiti bukodna a mata.+No maipapan kadagidiay nasungit, saanda koma nga itan-ok ti bagbagida.+ Selah.   Bendituenyo ti Diostayo, O dakayo nga ili,+Ket ipangngegyo ti timek ti panangidaydayaw kenkuana.+   Isaadna ti kararuatayo iti biag,+Ket saanna nga impalubos nga agdiwengdiweng ti sakatayo.+ 10  Ta sika sinukimatnakami, O Dios;+Pinasudinakami a kas iti panangpasudi iti pirak.+ 11  Impastreknakami iti iket a paganup;+Nangikabilka iti padagsen kadagiti padingpadingmi. 12  Pinagsakaymo ti mortal a tao iti rabaw ti ulomi;+Immaykami a limmasat iti apuy ken iti danum,+Ket inyegnakami iti pannakapagin-awa.+ 13  Sumrekakto iti balaymo agraman kadagiti sibubukel a daton a mapuoran;+Tungpalekto kenka dagiti karik+ 14  A naglukatan dagiti bibigko a sawen+Ken insao ti ngiwatko idi nagpasarak kadagiti nakaro a pakarigatan.+ 15  Dagiti sibubukel a mapuoran a daton a napalukmeg idatonkonto kenka,+Agraman ti sakripisio nga asuk dagiti kalakian a karnero.Mangidatagakto iti toro agraman kadagiti kalakian a kalding.+ Selah. 16  Umaykayo, umimdengkayo, dakayo amin nga agbuteng iti Dios, ket salaysayekto+No ania ti inaramidna maipaay iti kararuak.+ 17  Kenkuana immawagak babaen iti ngiwatko,+Ket adda idi ti panangidayaw babaen ti dilak.+ 18  No tinagipategko ti aniaman a banag a makapasakit iti pusok,Ni Jehova saannakto a denggen.+ 19  Pudno a ti Dios nangngegna;+Impangagna ti timek ti kararagko.+ 20  Bendito koma ti Dios, a saan a nangiwalin iti kararagko,Wenno uray ti naayat a kinamanangngaasina manipud kaniak.+

Footnotes