Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Salmo 64:1-10

Iti mangiwanwanwan. Samiweng ni David. 64  Denggem, O Dios, ti timekko iti pannakaseknanko.+ Iti kinamakapaalinggaget ti kabusor saluadam koma ti biagko.+   Italimengnak koma manipud iti kompidensial a saritaan dagiti managaramid iti dakes,+ Manipud iti arimbangaw dagiti managaramid iti panangpasakit,+   Isuda a nangpatadem iti dilada a kas iti kampilan,+ Isuda a nangisirig iti panada, a napait a sasao,+   Tapno panaenda manipud kadagiti natalimeng a lugar daydiay awan pakababalawanna.+ Pagammuan ta isu panaenda ket saanda nga agbuteng.+   Pagtalinaedenda ti bagbagida iti dakes a sasao;+ Agsaoda maipapan ti panagilemmeng iti palpalab-og.+ Kinunada: “Siasino ti makakita kadakuada?”+   Mangsuksukimatda iti nakillo a bambanag;+ Nangilemmengda iti nasikap a gandat a nasukimat a naimbag,+ Ket ti makin-uneg a paset ti tunggal maysa, ti mismo a pusona, nauneg.+   Ngem ti Dios giddato a mangibiatto kadakuada iti pana.+ Sugsugat ti imbungana kadakuada,+   Ket mangitibkolda.+ Ngem ti dilada maibusor iti bagbagida.+ Amin dagidiay kumitkita kadakuada iwingiwingdanto ti uloda,+   Ket amin a naindagaan a tattao agbutengdanto;+ Ket ibagadanto ti maipapan iti aramid ti Dios,+ Ket pudno unay a maaddaandanto iti pannakatarus iti gapuananna.+ 10  Ket daydiay nalinteg agrag-onto ken Jehova ket pudno nga agkamangto kenkuana;+ Ket amin dagiti napalungdo iti puso agpasindayagdanto.+

Footnotes