Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Salmo 62:1-12

Iti mangiwanwanwan ti Jedutun. Samiweng ni David. 62  Pudno nga iti Dios agur-uray a siuulimek ti kararuak.+Aggapu kenkuana ti pannakaisalakanko.+   Pudno nga isu ti batok ken pakaisalakanak, ti natalged a kamangko;+Saanakto a mapagdiwengdiweng iti kasta unay.+   Kasanonto kabayag nga agtultuloykayo a makapungtot maibusor iti lalaki a papatayenyo?+Dakayo amin kaslakayo iti nagirig a pader, maysa a bato a pader a maiduronduron.+   Pudno a mangipaayda iti balakad tapno mangguyugoy manipud mismo a dayaw ti maysa;+Pagragsakanda ti kinaulbod.+Babaen iti ngiwatda mangbendisionda, ngem iti unegda mangidawdawatda ti pakadaksan.+ Selah.   Pudno nga iti Dios agurayka a siuulimek, O kararuak,+Agsipud ta aggapu kenkuana ti namnamak.+   Pudno nga isu ti batok ken pakaisalakanak, ti natalged a kamangko;+Saanakto a mapagdiwengdiweng.+   Iti Dios adda ti pannakaisalakanko ken dayagko.+Ti napigsa a batok, ti kamangko adda iti Dios.+   Agtalekkayo kenkuana iti amin a tiempo, O tattao.+Iti sanguananna iparukpokyo ti pusoyo.+Ti Dios ket kamang maipaay kadatayo.+ Selah.   Pudno a ti annak ti naindagaan a tao ket sang-aw,+Ti annak ti sangatauan ket kinaulbod.+No maikabil kadagiti timbangan isuda amin agpapadada a nalaglag-an ngem iti sang-aw.+ 10  Dikay ikabil ti panagtalekyo iti panangsaur,+Saankayo met nga agbalin nga ubbaw iti bin-ig a panagtakaw.+No kas pagarigan umadu dagiti sanikua a pagbiag, dikay isaad kadakuada ti pusoyo.+ 11  Iti naminsan nagsao ti Dios, iti namindua nangngegko a mismo daytoy,+A ti pigsa kukua ti Dios.+ 12  Kasta met a ti naayat a kinamanangngaasi kukuam, O Jehova,+Ta sika isupapakmo iti tunggal maysa ti maitunos iti aramidna.+

Footnotes